Standartlashtirish, metrologiya va mahsulotlar hamda xizmatlarni sertifikatlashtirish tizimini yanada takomillashtirish, uning zamonaviy xalqaro normalar va talablarga muvofiqligini taʼminlash, shuningdek xalqaro standartlardan foydalanish asosida mamlakatimizda ishlab chiqarilgan mahsulotlarning raqobatbardoshliligini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasi huzuridagi Oʻzbekiston davlat standartlash, metrologiya va sertifikatsiya markazi (“Oʻzdavstandart”) Oʻzbekiston standartlashtirish, metrologiya va sertifikatlashtirish agentligiga aylantirilsin.

2. Quyidagilar Oʻzbekiston standartlashtirish, metrologiya va sertifikatlashtirish agentligining asosiy vazifalari etib belgilansin:

Oʻzbekiston Respublikasi hududidagi barcha jismoniy shaxslar va xoʻjalik yurituvchi subyektlar tomonidan “Standartlashtirish toʻgʻrisida”, “Metrologiya toʻgʻrisida”, “Mahsulotlar va xizmatlarni sertifikatlashtirish toʻgʻrisida”, “Oziq-ovqat mahsulotining sifati va xavfsizligi toʻgʻrisida”gi Oʻzbekiston Respublikasi qonunlari hamda standartlashtirish, metrologiya va sertifikatlashtirish sohasidagi boshqa qonun hujjatlari va normativ hujjatlar amalga oshirilishi va ularga rioya etilishini taʼminlash yuzasidan kompleks chora-tadbirlar ishlab chiqish;

oʻtkazilayotgan ilmiy-tadqiqot ishlari asosida standartlashtirish, metrologiya va sertifikatlashtirish sohasida yagona davlat siyosatini amalga oshirish;

xalqaro standartlar boʻyicha maʼlumotlarning yagona axborot bazasini yaratish;

majburiy tartibda sertifikatlanadigan mahsulotlar va xizmatlarning yangi roʻyxatini, ularni har yili yangidan paydo boʻlgan mahsulotlar xizmatlar turlarini, shuningdek joriy etilayotgan yangi texnologiyalar va materiallarni hisobga olgan holda, tuzish va belgilangan tartibda tasdiqlash;

mahsulotlar va xizmatlarni sertifikatlashtirishning yangi tartibini ishlab chiqish va unga rioya etilishini nazorat qilish;

zamonaviy davlat standartlari va etalonlarini ishlab chiqish va ularni xalqaro tizimlar bilan uygʻunlashtirish;

turdosh mahsulotlar standartlarini ishlab chiqish boʻyicha tarmoq tuzilmalarini tashkil etishga koʻmaklashish, ular faoliyatiga ilmiy-metodik rahbarlikni va nazoratni taʼminlash;

mahsulotlar va xizmatlar sinovini oʻtkazish va sertifikatlashtirishning zamonaviy tizimini tashkil etish.

3. Belgilab qoʻyilsinki, Oʻzbekiston standartlashtirish, metrologiya va sertifikatlashtirish agentligi huquq va majburiyatlar boʻyicha “Oʻzdavstandart” markazining huquqiy vorisi hisoblanadi.

4. Quyidagilar:

Oʻzbekiston standartlashtirish, metrologiya va sertifikatlashtirish agentligining tashkiliy tuzilmasi va uning markaziy apparati tuzilmasi 1 va 2-ilovalarga muvofiq;

hududiy standartlashtirish va metrologiya boshqarmalari apparatining namunaviy tuzilmasi 3-ilovaga muvofiq;

Oʻzbekiston standartlashtirish, metrologiya va sertifikatlashtirish agentligi toʻgʻrisidagi Nizom 4-ilovaga muvofiq tasdiqlansin.

5. Oʻzbekiston standartlashtirish, metrologiya va sertifikatlashtirish agentligi markaziy apparati xodimlarining cheklangan soni 54 kishi (xizmat koʻrsatuvchi xodimlardan tashqari) va uning hududiy boʻlinmalari xodimlarining cheklangan soni 170 kishi etib belgilansin.

Oʻzbekiston standartlashtirish, metrologiya va sertifikatlashtirish agentligining bosh direktoriga xodimlarning belgilangan cheklangan soni doirasida boshqaruv tuzilmasiga oʻzgartirishlar kiritish huquqi berilsin.

6. Oʻzbekiston standartlashtirish, metrologiya va sertifikatlashtirish agentligiga bosh direktorning ikki nafar oʻrinbosari va shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadigan 7 kishidan iborat hayʼat boʻlishiga ruxsat etilsin.

Oʻzbekiston standartlashtirish, metrologiya va sertifikatlashtirish agentligining bosh direktori maqomiga koʻra vazirning birinchi oʻrinbosariga, bosh direktor oʻrinbosarlari esa tegishli ravishda vazir oʻrinbosariga tenglashtirilsin.

7. Belgilab qoʻyilsinki, hududiy standartlashtirish va metrologiya boshqarmalari boshliqlari Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda Oʻzbekiston standartlashtirish, metrologiya va sertifikatlashtirish agentligining bosh direktori tomonidan lavozimga tayinlanadilar va lavozimdan ozod qilinadilar.

8. Quyidagilar:

qayta tashkil etilayotgan “Oʻzdavstandart” markazi markaziy apparati va hududiy boʻlinmalarida akkreditatsiya qilingan sertifikatlashtirish organlari va sinov laboratoriyalari negizida Oʻzbekiston standartlashtirish, metrologiya va sertifikatlashtirish agentligining 5-ilovaga muvofiq xoʻjalik hisobidagi Respublika sinov va sertifikatlashtirish markazi;

qayta tashkil etilayotgan “Oʻzdavstandart” markazi markaziy apparatining xoʻjalik hisobidagi oʻlchov va kalibrlash boʻlimlari negizida xoʻjalik hisobidagi Respublika metrologiya xizmatlari koʻrsatish markazi tashkil etilsin.

9. Oʻzbekiston standartlashtirish, metrologiya va sertifikatlashtirish agentligi ikki hafta muddatda Respublika sinov va sertifikatlashtirish markazi hamda Respublika metrologiya xizmatlari koʻrsatish markazi toʻgʻrisidagi nizomlarni ishlab chiqsin va belgilangan tartibda tasdiqlasin.

10. Belgilab qoʻyilsinki, sinov va sertifikatlar berish masalalari Respublika sinov va sertifikatlashtirish markazi va uning hududiy organlariga, shuningdek tegishli sinov laboratoriyalariga ega boʻlgan va belgilangan tartibda “Oʻzstandart” agentligida akkreditatsiya qilingan turdosh mahsulotlarni sertifikatlashtirish boshqa organlariga yuklanadi.

11. Oʻzbekiston Respublikasi Davlat mulki qoʻmitasi Oʻzbekiston standartlashtirish, metrologiya va sertifikatlashtirish agentligi bilan birgalikda bir oy muddatda “Etalon” zavodlari, firma doʻkoni boʻlgan bosmaxonaning qiymatini baholasin hamda ularni xususiylashtirish jadvalini tasdiqlasin, ularning ustav fondlarida davlat ulushi 25 foiz boʻlishini nazarda tutsin, ushbu ulushlarni “Oʻzstandart” agentligiga ishonchli boshqaruvga bersin.

12. Standartlashtirish, metrologiya va sertifikatlashtirishni rivojlantirish boʻyicha 6-ilovaga* muvofiq tarkibda Idoralararo kengash tashkil etilsin.

Quyidagilar Idoralararo kengashning asosiy vazifalari etib belgilansin:

standartlashtirish, metrologiya va sertifikatlashtirish sohasida ustuvor yoʻnalishlarni belgilash hamda qonun hujjatlari va normativ hujjatlar ishlab chiqilishini tashkil etish;

standartlashtirish, sertifikatlashtirishni rivojlantirish, takomillashtirish va uning yagona tizimini yaratish kompleks dasturlarini ishlab chiqish va Hukumatga kiritish;

vazirliklar, idoralar va xoʻjalik birlashmalari texnik qoʻmitalarining standartlashtirish va sertifikatlashtirish faoliyatini muvofiqlashtirish.

13. “Oʻzstandart” agentligi huzurida standartlashtirish, metrologiya va sertifikatlashtirishni rivojlantirish maxsus jamgʻarmasi tashkil etilsin.

Quyidagilar maxsus jamgʻarmani shakllantirish manbalari etib belgilansin:

standartlar, metrologiya va sertifikatlashtirishning majburiy talablarini buzganlik uchun jarimalar;

davlat inspektorlarining mahsulot sotilishi (yetkazib berilishi, sotilishi)ni taqiqlash toʻgʻrisidagi yozma koʻrsatmalarining xoʻjalik faoliyati yurituvchi subyektlar tomonidan buzilganligi uchun jarimalar;

sertifikatlashtirish organlarini va sinov laboratoriyalarini akkreditatsiya qilganlik uchun toʻlov;

Respublika metrologiya xizmatlari koʻrsatish markazi, Respublika sinov va sertifikatlashtirish markazi va uning tarkibiga kiruvchi akkreditatsiya qilingan sertifikatlashtirish organlari hamda sinov laboratoriyalarining daromadlaridan 20 foiz mablagʻlar.

Belgilab qoʻyilsinki, maxsus jamgʻarma mablagʻlari ilmiy-texnika ishlanmalarini, qonun hujjatlarini va normativ hujjatlarni ishlab chiqishni, Standartlar va etalonlar davlat reyestrlari yuritishni, standartlashtirish, metrologiya va sertifikatlashtirish sohasi moddiy-texnika bazasini rivojlantirishni mablagʻ bilan taʼminlashga yoʻnaltiriladi.

Oʻzbekiston Respublikasi Moliya vazirligi Oʻzbekiston standartlashtirish, metrologiya va sertifikatlashtirish agentligi bilan birgalikda Maxsus jamgʻarmani shakllantirish va undan foydalanish tartibi toʻgʻrisidagi Nizomni bir oy muddatda ishlab chiqsin va belgilangan tartibda tasdiqlasin.

14. Oʻzbekiston standartlashtirish, metrologiya va sertifikatlashtirish agentligi:

majburiy tartibda sertifikatlanadigan mahsulotlar va xizmatlarning yangi roʻyxatini oʻn kun muddatda ishlab chiqsin va Vazirlar Mahkamasiga kiritsin;

bir oy muddatda 2003—2005-yillarda Oʻzbekiston Respublikasining milliy etalon bazasini yanada rivojlantirish uchun zarur etalonlar va yuqori aniqlikka ega boʻlgan oʻlchov vositalarining barcha manfaatdor vazirliklar va idoralar bilan kelishilgan roʻyxatini tuzsin va Vazirlar Mahkamasiga kiritsin;

Oʻzbekiston Respublikasi Adliya vazirligi bilan birgalikda ikki hafta muddatda standartlashtirish, metrologiya va sertifikatlashtirish masalalarini tartibga soluvchi umumiy ravishda foydalaniladigan zarur normativ hujjatlar roʻyxatini belgilasin hamda joriy yil oxirigacha ularning ishlab chiqilishini va belgilangan tartibda davlat roʻyxatidan oʻtkazilishini taʼminlasin;

manfaatdor vazirliklar va idoralar bilan birgalikda standartlashtirish, metrologiya va sertifikatlashtirish masalalarini tartibga soluvchi Oʻzbekiston Respublikasi qonunlariga oʻzgartirish va qoʻshimchalar kiritish toʻgʻrisidagi Qonun loyihasini joriy yil oxirigacha ishlab chiqsin va belgilangan tartibda Vazirlar Mahkamasiga kiritsin.

15. Oʻzbekiston Respublikasi Adliya vazirligi “Oʻzstandart” agentligi, manfaatdor vazirliklar va idoralar bilan birgalikda bir oy muddatda amaldagi qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida takliflar kiritsin.

16. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T.Sultonov zimmasiga yuklansin.

Budjetdan mablagʻ bilan taʼminlanadigan xodimlar soni — 248 kishi

Xodimlarning jami soni — 170 kishi, shu jumladan:

Toshkent shahrida — 24; Toshkent va Fargʻona viloyatlarida — 19; Samarqand viloyatida — 17; Qashqadaryo viloyatida — 15; Buxoro va Namangan viloyatlarida — 10; Qoraqalpogʻiston Respublikasida va Andijon viloyatida — 9; Surxondaryo, Sirdaryo va Xorazm viloyatlarida — 8; Jizzax va Navoiy viloyatlarida — 7.

1. Ushbu Nizom Oʻzbekiston standartlashtirish, metrologiya va sertifikatlashtirish agentligi (keyingi oʻrinlarda “Oʻzstandart” agentligi deb ataladi)ning “Standartlashtirish toʻgʻrisida”, “Metrologiya toʻgʻrisida”, “Mahsulotlar va xizmatlarni sertifikatlashtirish toʻgʻrisida”gi Oʻzbekiston Respublikasi qonunlariga hamda Oʻzbekiston Respublikasining “Oʻzstandart” agentligi faoliyatiga taalluqli boshqa qonun hujjatlariga muvofiq asosiy vazifalari, funksiyalari va vakolatlarini belgilaydi.

2. “Oʻzstandart” agentligi oʻz vakolatlari doirasida standartlashtirish, metrologiya, sertifikatlashtirish va akkreditatsiya qilish boʻyicha faoliyatga umumiy rahbarlikni va uni muvofiqlashtirish hamda nazorat qilishni amalga oshiruvchi Oʻzbekiston Respublikasining davlat boshqaruv organi hisoblanadi, ushbu sohalardagi ishlarni amalga oshirishning umumiy qoidalarini belgilaydi.

3. “Oʻzstandart” agentligi oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisi qarorlariga va boshqa qonun hujjatlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi tomonidan tuzilgan xalqaro shartnomalarga hamda ushbu Nizomga amal qiladi.

4. “Oʻzstandart” agentligi Oʻzbekiston Respublikasining standartlashtirish, metrologiya va sertifikatlashtirish boʻyicha milliy organi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga hisobot beradi.

5. “Oʻzstandart” agentligi oʻz faoliyatini joylardagi davlat boshqaruvi va hokimiyati boshqa organlari, xoʻjalik birlashmalari hamda yuridik shaxslar va jamoat tashkilotlari bilan oʻzaro hamkorlikda amalga oshiradi.

6. “Oʻzstandart” agentligi oʻziga yuklangan vazifalarni bevosita, shuningdek “Oʻzstandart” agentligi tomonidan tasdiqlangan ular toʻgʻrisidagi nizomlar asosida oʻz faoliyatini amalga oshiradigan oʻziga boʻysunuvchi hududiy organlar orqali hal etadi.

“Oʻzstandart” agentligi, uning hududiy organlari, uning tarkibiga kiruvchi tashkilotlar va korxonalar standartlashtirish, metrologiya, sertifikatlashtirish, akkreditatsiya qilish, mahsulotlar va xizmatlar sifatini boshqarish sohasidagi Oʻzbekiston Respublikasi davlat boshqaruvi organlarining yagona tizimini tashkil qiladi.

7. Quyidagilar “Oʻzstandart” agentligining asosiy vazifalari hisoblanadi:

Oʻzbekiston Respublikasi hududidagi, mulkchilik shakllaridan qatʼi nazar, barcha jismoniy shaxslar va xoʻjalik yurituvchi subyektlar tomonidan “Standartlashtirish toʻgʻrisida”, “Metrologiya toʻgʻrisida”, “Mahsulotlar va xizmatlarni sertifikatlashtirish toʻgʻrisida”, “Oziq-ovqat mahsulotining sifati va xavfsizligi toʻgʻrisida”gi Oʻzbekiston Respublikasi qonunlariga hamda standartlashtirish, metrologiya va sertifikatlashtirish sohasidagi boshqa qonun hujjatlari va normativ hujjatlarning bajarilishi hamda ularga amal qilinishi ustidan nazoratni taʼminlash yuzasidan kompleks chora-tadbirlar ishlab chiqish;

oʻtkazilayotgan ilmiy-tadqiqot ishlari asosida standartlashtirish, metrologiya va sertifikatlashtirish sohasida yagona davlat siyosatini amalga oshirish;

standartlashtirish boʻyicha ishlarni amalga oshirishning, manfaatdor tomonlarning davlat boshqaruv organlari, jamoat birlashmalari bilan oʻzaro hamkorligi shakllari va metodlari umumiy qoidalarini belgilash;

xalqaro standartlar boʻyicha maʼlumotlarning yagona axborot bazasini yaratish, standartlarni va texnik shartlarni, etalonlarni va fizik hajmlar birliklarini belgilash va ulardan foydalanish;

majburiy tartibda sertifikatlanadigan mahsulotlar va xizmatlarning yangi roʻyxatini, ularni har yili yangidan paydo boʻlgan mahsulotlar va xizmatlar turlarini, shuningdek joriy etilayotgan yangi texnologiyalar va materiallarni hisobga olgan holda, tuzish va belgilangan tartibda tasdiqlash;

mahsulotlar va xizmatlarni sertifikatlashtirishning yangi tartibini ishlab chiqish hamda unga rioya etilishini nazorat qilish;

zamonaviy davlat standartlari va etalonlarini ishlab chiqish va ularni xalqaro tizimlar bilan uygʻunlashtirish;

Sertifikatlangan mahsulotlar, sifatni boshqarish tizimlari, sertifikatlash boʻyicha akkreditatsiya qilingan organlar, sinov laboratoriyalari (markazlari), sifat boʻyicha ekspert-auditorlar davlat reyestrini, yuritish, shuningdek oziq-ovqat mahsulotlarini va ularni tayyorlash uchun foydalaniladigan asbob-uskunalarni davlat roʻyxatidan oʻtkazish;

turdosh mahsulotlar standartlarini ishlab chiqish boʻyicha tarmoq tuzilmalarini tashkil etishga koʻmaklashish, ular faoliyatiga ilmiy-metodik rahbarlikni va nazoratni taʼminlash;

standartlashtirish tizimlarining faoliyat koʻrsatishini va rivojlanishini taʼminlash, oʻlchovlar birligini sertifikatlashtirish, akkreditatsiya qilish va ushbu sohalardagi ilmiy-texnika axborotlari yagonaligini, shuningdek ularni chet mamlakatlarning xalqaro (mintaqaviy) va milliy tizimlari bilan uygʻunlashtirishni taʼminlash;

tovarlar (ishlar, xizmatlar)ning sifatiga va xavfsizligiga boʻlgan talablarga rioya etishni hamda oʻlchashlarning notoʻgʻri natijalari salbiy oqibatlarini nazorat qilish sohasida isteʼmolchilar huquqlarini va davlat manfaatlarini himoya qilish chora-tadbirlarini amalga oshirish;

shtrixli kodlashtirish tizimini joriy etish boʻyicha yagona siyosatni amalga oshirish hamda Oʻzbekiston Respublikasida ishlab chiqariladigan tovarlarning Davlat reyestrini yuritish;

standartlar va texnik shartlar talablariga rioya etilishini, sertifikatlashtirish oʻlchovlari va qoidalarining yagonaligi taʼminlanishini, sertifikatlashtirilgan mahsulotlarni, shuningdek metrologik taʼminlash qoidalariga va yagonaligiga rioya etilishini nazorat qilish;

ishlab chiqarilayotgan spirt va alkogolli mahsulotlarning sifatini, saqlanishini, tashilishini va sotilishini nazorat qilish;

ijro etuvchi hokimiyat organlari bilan birgalikda axborot resurslarini va standartlashtirish, metrologiya, sertifikatlashtirish, akkreditatsiya qilish, texnik-iqtisodiy va ijtimoiy axborotlarni sifati, klassifikatsiyalash, kodlashtirish, shu jumladan shtrixli kodlashtirish infratuzilmasini shakllantirish;

fizik birliklar etalonlarini oʻlchash, saqlash va tegishli darajada saqlash yagonaligini va ishonchliligini taʼminlash, davlat metrologiya xizmati va etalon bazasini rivojlantirish, eng yuqori aniqlikdagi oʻlchovlarning yangi metodlari va vositalarini yaratish va mavjudlarini takomillashtirish, oʻlchash, nazorat qilish va sinash metodlari va vositalarini standartlashtirish;

mahsulotlar va xizmatlarni sinash va sertifikatlashtirishning zamonaviy tizimini tashkil etish;

Oʻzbekiston Respublikasi qonun hujjatlarida yuklangan boshqa vazifalar.

8. “Oʻzstandart” agentligi quyidagi funksiyalarni amalga oshiradi:

Oʻzbekiston Respublikasi standartlashtirish davlat tizimi, Oʻzbekiston Respublikasi oʻlchovlar birligini taʼminlash davlat tizimi, Oʻzbekiston Respublikasi sertifikatlashtirish milliy tizimi, Oʻzbekiston Respublikasi akkreditatsiya qilish tizimi va ushbu sohalardagi ilmiy-texnika axborotlarining faoliyat koʻrsatishini va ularning takomillashtirilishini, shuningdek ularni mahsulotlarning raqobatbardoshliligini oshirishda va eksport potensialini koʻtarishda, standartlashtirish, metrologiya va sertifikatlashtirishni rivojlantirishda respublika iqtisodiyoti tarmoqlariga koʻmaklashish maqsadida chet mamlakatlarning xalqaro, mintaqaviy va milliy tizimlari bilan uygʻunlashtirishni taʼminlash;

respublikada ishlab chiqariladigan va import boʻyicha olib kelinadigan mahsulotlarni sinash va sertifikatlashtirish ishlarini tashkil etish va oʻtkazish, chet mamlakatlarning muvofiqlik sertifikatlarini eʼtirof etish;

koʻrsatilayotgan xizmatlarni sertifikatlashtirishni tashkil etish va oʻtkazish;

davlat, tarmoq, maʼmuriy-hududiy standartlarni va ularga oʻzgartirishlarni, korxonalarning mahsulotlar (xizmatlar)ga texnik shartlarini, standartlarini va ularga oʻzgartirishlarni, standartlashtirish, metrologiya, sertifikatlashtirish va akkreditatsiya qilish boʻyicha amal qilinadigan hujjatlarini, shuningdek norma va qoidalarni tasdiqlash, davlat roʻyxatidan oʻtkazish;

foydalanuvchilarni mahsulotlar va xizmatlarni standartlashtirish, metrologiya va sertifikatlashtirish, shuningdek sinash va oʻlchash metodlari boʻyicha normativ hujjatlar bilan taʼminlash;

vazirliklar, idoralar va xoʻjalik birlashmalari bilan birgalikda belgilangan tartibda standartlarni, texnik-shartlarni ishlab chiqish hamda standartlashtirish sohasidagi faoliyatga metodik rahbarlikni va muvofiqlashtirishni amalga oshirish uchun standartlashtirish boʻyicha texnik qoʻmitalarni shakllantirishda qatnashish;

buyumlar va materiallarning tarkibi va xossalarining standart namunalarini attestatsiyadan oʻtkazish boʻyicha ishlarni tashkil etish;

namunaviy oʻlchov vositalarini ishlab chiqarish va yuqori aniqlikdagi oʻlchov texnikasini taʼmirlash;

oʻlchov vositalari turlarini tasdiqlash boʻyicha sinovlar va metrologik attestatsiya oʻtkazish;

standartlashtirish, metrologiya, sertifikatlashtirish hamda mahsulotlar va xizmatlarning sifatini boshqarish sohasida tadqiqotlar oʻtkazish;

davlat boshqaruv organlari, xoʻjalik birlashmalari, korxonalar va tashkilotlar bilan birgalikda standartlashtirish va sertifikatlashtirishning xalqaro amaliyotiga oʻtishni taʼminlash;

standartlashtirish, metrologiya, mahsulotlar va xizmatlarni sertifikatlashtirishni rivojlantirish va akkreditatsiyaning asosiy yoʻnalishlarini, konsepsiyalarini, istiqbolli dasturlarini va uzoq muddatli prognozlarini ishlab chiqish;

standartlar va texnik shartlar talablariga rioya etilishi, oʻlchovlarning yagonaligi va sertifikatlashtirish qoidalarining taʼminlanishi, sertifikatlashtirilgan mahsulotlar, shuningdek metrologik taʼminlash qoidalariga va yagonaligiga rioya etilishi ustidan nazoratni tashkil etish va amalga oshirish;

ishlab chiqarilayotgan spirt va alkogolli mahsulotlarning sifati, saqlanishi, tashilishi va sotilishi ustidan nazoratni tashkil etish va oʻtkazish;

standartlashtirish, metrologiya, mahsulotlar va xizmatlarni sertifikatlashtirish hamda sifatini yaxshilash sohasidagi qonun hujjatlarini ishlab chiqish, shuningdek ularni ishlab chiqish boʻyicha takliflar kiritish;

standartlashtirish, metrologiya, mahsulotlar va xizmatlarni sertifikatlashtirish, sinash, sifatini yaxshilash sohasidagi atamalar va taʼriflarni ishlab chiqish;

standartlashtirish, metrologiya, mahsulotlar va xizmatlar sifatini, sinashni va sertifikatlashtirishni boshqarish sohasidagi yutuqlarning ilmiy-texnik targʻibotini amalga oshirish;

davlat nazorati, shuningdek mahsulotlar va xizmatlarni sertifikatlashtirish natijalarini tahlil qilish asosida mahsulotlar sifatini va raqobatbardoshliligini oshirish hamda sifatni taʼminlash va boshqarish tizimlarini takomillashtirish boʻyicha takliflar ishlab chiqish;

standartlashtirish, metrologiya, sertifikatlashtirish sohasida xorijiy tashkilotlar va firmalar bilan ilmiy-texnik hamkorlikni rivojlantirish;

standartlashtirish, metrologiya, sifatni boshqarish, mahsulotlar va xizmatlarni sinash va sertifikatlashtirish sohasida ilmiy va muhandis-texnik kadrlarni tayyorlash va qayta tayyorlash;

davlat boshqaruv organlari, xoʻjalik birlashmalari, korxonalar va tashkilotlarning standartlashtirish, metrologiya, mahsulotlarni sinash va sertifikatlashtirish sohasidagi faoliyatiga metodik rahbarlikni va uni muvofiqlashtirishni taʼminlash;

huquqni muhofaza qilish va nazorat organlari bilan standartlarga rioya qilish, oʻlchovlar yagonaligini va sertifikatlashtirish qoidalarini taʼminlash masalalari boʻyicha oʻzaro hamkorlik qilish;

metrologik xizmatlar, sinash laboratoriyalari (markazlari), yuridik va jismoniy shaxslarning oʻlchash, tahlil qilish, kalibrlash laboratoriyalarini, sertifikatlashtirish organlarini attestatsiyadan oʻtkazish va akkreditatsiya qilish;

mulkchilik shakllaridan qatʼi nazar, korxonalar va firmalar ustavlarining, ular standartlashtirish, metrologiya va sertifikatlashtirish faoliyati boʻyicha ijro etuvchi hokimiyat organlarida roʻyxatdan oʻtkazilgungacha, kelishib olinishini amalga oshirish;

standartlashtirish, metrologiya va sertifikatlashtirish boʻyicha belgilangan talablarga muvofiqlikni aniqlash maqsadida mahsulotlar va xizmatlar sifati monitoringini oʻtkazish hamda sifatni yaxshilash boʻyicha tavsiyanomalar berish.

9. “Oʻzstandart” agentligi quyidagi huquqlarga ega:

oʻz vakolati doirasida davlat hokimiyati va boshqaruvi organlari, xoʻjalik birlashmalari, yuridik va jismoniy shaxslar tomonidan bajarilishi va rioya etilishi majburiy boʻlgan Oʻzbekiston Respublikasi qonun hujjatlariga muvofiq qarorlar qabul qilish va normativ hujjatlar chiqarish;

standartlashtirish, metrologiya, mahsulotlarni sinash va sertifikatlashtirish masalalarini hal etish uchun davlat boshqaruv organlarini, yuridik shaxslar birlashmalarini, korxonalar, tashkilotlar, jamoat birlashmalarini jalb etish;

qonunlar hamda boshqa qonunchilik va normativ hujjatlar loyihalarini ishlab chiqish hamda belgilangan tartibda Hukumatga kiritish, standartlashtirish, metrologiya, mahsulotlar va xizmatlar sifatini sertifikatlashtirish va nazorat qilish masalalari boʻyicha qonunlar va boshqa normativ-huquqiy hujjatlar loyihalari yuzasidan xulosalar berish;

davlat boshqaruv organlari, xoʻjalik birlashmalari, korxonalar, tashkilotlar va respublika jamoat birlashmalaridan “Oʻzstandart” agentligiga yuklangan vazifalarni bajarish uchun zarur boʻlgan maʼlumotlar va materiallarni olish;

Idoralararo kengashda davlat boshqaruv organlari, xoʻjalik birlashmalari, korxonalar va tashkilotlar, shuningdek Oʻzbekiston Respublikasi hududida joylashgan xorijiy sheriklar bilan birgalikdagi korxonalar va tashkilotlar rahbarlarining standartlashtirish, metrologiya, mahsulotlarni sinash va sertifikatlashtirish masalalari boʻyicha axborotlarini tinglash;

xoʻjalik birlashmalaridan standartlashtirish boʻyicha bazaviy tashkilotlar va texnik qoʻmitalar tashkil etishni talab qilish;

standartlashtirish, metrologiya, respublika xalq xoʻjaligi uchun alohida ahamiyatga ega boʻlgan mahsulotlarni sinash va sertifikatlashtirish muammolarini koʻrib chiqish boʻyicha vaqtinchalik ilmiy-texnika komissiyalari tuzish;

idoraviy mansubligi va mulkchilik shakllaridan qatʼi nazar, xoʻjalik yurituvchi subyektlar tomonidan standartlar va texnik shartlarga rioya qilinishi, oʻlchovlarning, sertifikatlashning yagonaligi taʼminlanishi, isteʼmolchilar va davlat manfaatlarini, shu jumladan odamlarning hayoti va salomatligi uchun xavfsizlik, atrof muhitning muhofaza qilinishi, mahsulotlarning muvofiqligi va oʻzaro bir-birining oʻrnini bosuvchanligi, resurslarni tejash, ularni nazorat qilish metodlarining yagonaligi va markirovka qilinishining yagonaligi bilan bogʻliq standartlar va texnik shartlar talablari hamda Oʻzbekiston Respublikasi qonun hujjatlarida belgilangan boshqa talablarni himoya qilish maqsadida, shuningdek eksportga yetkazib berilayotgan va import boʻyicha olinayotgan mahsulotlar sifati ustidan davlat nazoratini amalga oshirish;

davlat metrologiya nazoratini oʻtkazish;

nazorat qilinayotgan mahsulotlar koʻrsatkichlarining belgilangan talablarga muvofiqligini tekshirish maqsadida sotish va saqlash korxonalarida nazorat xaridini oʻtkazish yoʻli bilan mahsulotlar sifatining davlat nazoratini oʻtkazish;

standartlashtirish, metrologiya va sertifikatlashtirish qoidalari buzilganligi uchun amaldagi qonun hujjatlariga muvofiq taʼsir koʻrsatishning huquqiy va iqtisodiy chora-tadbirlarni qoʻllanish;

mahsulotning texnik darajasi va sifatini oshirishni taʼminlamaydigan hamda isteʼmolchilar talablariga va amaldagi qonun hujjatlariga zid boʻlgan normativ hujjatlarni bekor qilish, ularning amal qilish muddatini cheklash yoki qayta koʻrib chiqish toʻgʻrisida bajarilishi majburiy boʻlgan qarorlar qabul qilish;

muvofiqlik sertifikatlari va belgilarining, akkreditatsiya qilish va attestatsiyadan oʻtkazish toʻgʻrisidagi attestat (guvohnomalar)ni bekor qilish va ularning amal qilishini toʻxtatib qoʻyish;

mahsulotlar, xizmatlar, sifatni boshqarish tizimlarini sertifikatlashtirish va muvofiqlik sertifikatlari berish;

sertifikatlashtirilgan mahsulotlar (xizmatlar), sertifikatlashtirish boʻyicha akkreditatsiya qilingan organlar, yuklab joʻnatishdan oldingi inspeksiya organlari, sinov, oʻlchash, tekshirish va kalibrlash laboratoriyalari ustidan inspeksiya nazorati oʻtkazish, ular faoliyatiga rahbarlik qilish va uni muvofiqlashtirish;

noshirlik faoliyatini amalga oshirish;

standartlarda va texnik shartlarda mahsulotlar, jarayonlar va xizmatlar sifatiga nisbatan aholi turmushi va salomatligi, atrof muhitni muhofaza qilish, muvofiqlik, oʻzaro bir-birining oʻrnini bosishni va resurslarni tejashni taʼminlashga yoʻnaltirilgan talablarni belgilash;

standartlashtirish, metrologiya va sertifikatlashtirish sohasida xalqaro loyihalar va dasturlarni ishlab chiqish va amalga oshirishda qatnashish;

standartlashtirish, metrologiya, sertifikatlashtirish, akkreditatsiya qilish boʻyicha xalqaro, mintaqaviy, davlatlararo tashkilotlarda Oʻzbekiston Respublikasi nomidan vakillik qilish;

qonun hujjatlarida nazarda tutilgan boshqa vakolatlarni amalga oshirish.

10. “Oʻzstandart” agentligiga yuklangan vazifalar va funksiyalarni bajarish maqsadida uning mansabdor shaxslari xoʻjalik yurituvchi subyektlar hududiga kirish, shuningdek zarur hujjatlar va axborotlardan foydalanish huquqiga egadirlar.

11. “Oʻzstandart” agentligi oʻz faoliyatida davlat hokimiyati va boshqaruvi organlari, xoʻjalik birlashmalari, korxonalar va jamoat tashkilotlari bilan bevosita hamkorlik qiladi.

12. “Oʻzstandart” agentligini Oʻzbekiston Respublikasi Vazirlar Mahkamasi qarori bilan lavozimga tayinlanadigan va lavozimdan ozod qilinadigan Bosh direktor boshqaradi.

“Oʻzstandart” agentligi bosh direktorining Oʻzbekiston Respublikasi Vazirlar Mahkamasi qarori bilan lavozimga tayinlanadigan va lavozimdan ozod qilinadigan ikki nafar oʻrinbosari boʻladi.

13. Bosh direktorga va Bosh direktor oʻrinbosarlariga ayni bir vaqtda lavozimiga koʻra Standartlar va oʻlchovlarning yagonaligini nazorat qilish boʻyicha Oʻzbekiston Respublikasi davlat bosh inspektori va davlat bosh inspektorining oʻrinbosarlari vazifalari yuklanadi.

14. “Oʻzstandart” agentligi bosh direktori:

“Oʻzstandart” agentligi faoliyatiga rahbarlik qiladi hamda agentlikka yuklangan vazifalar va majburiyatlarning bajarilishi uchun shaxsan javob beradi;

Bosh direktor oʻrinbosarlari oʻrtasida vazifalarni taqsimlaydi;

Oʻzbekiston Respublikasi Vazirlar Mahkamasiga Bosh direktor oʻrinbosarlari lavozimiga tayinlash uchun nomzodlarni taqdim etadi;

“Oʻzstandart” agentligi markaziy apparati tuzilmasini va xodimlarning belgilangan soni doirasida shtatlari jadvalini tasdiqlaydi;

“Oʻzstandart” agentligi markaziy apparati xodimlarini lavozimga tayinlaydi va lavozimdan ozod qiladi;

“Oʻzstandart” agentligi markaziy apparatining tarkibiy boʻlinmalari toʻgʻrisidagi, shuningdek uning hududiy boshqarmalari va tasarrufidagi tashkilotlar toʻgʻrisidagi nizomlarni tasdiqlaydi;

hududiy standartlashtirish va metrologiya boshqarmalari boshliqlarini Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda lavozimga tayinlaydi va lavozimdan ozod qiladi;

“Oʻzstandart” agentligi, uning tasarrufidagi tashkilotlar va hududiy boshqarmalar xodimlari tomonidan bajarilishi majburiy boʻlgan buyruqlar, farmoyishlar va yoʻriqnomalar chiqaradi, koʻrsatmalar beradi;

xorijiy mamlakatlarning standartlashtirish, metrologiya, sertifikatlashtirish, akkreditatsiya qilish, sifat va davlat nazorati boʻyicha organlari bilan hamkorlik masalalari yuzasidan idoralararo tusdagi xalqaro shartnomalarni belgilangan tartibda imzolaydi.

15. “Oʻzstandart” agentligida tarkibida Bosh direktor, uning oʻrinbosarlari, shuningdek markaziy apparatning boshqa yuqori malakali rahbar xodimlari boʻladigan 7 kishidan iborat hayʼat tuziladi. Hayʼatning shaxsiy tarkibi (uning tarkibiga lavozimiga koʻra kiruvchi shaxslardan tashqari) Vazirlar Mahkamasi tomonidan tasdiqlanadi.

16. Hududiy standartlashtirish va metrologiya boshqarmalari boshliqlari Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda “Oʻzstandart” agentligi bosh direktori tomonidan lavozimga tayinlanadi va lavozimdan ozod qilinadi.

“Oʻzstandart” agentligining Qoraqalpogʻiston Respublikasi, viloyatlar va Toshkent shahridagi hududiy standartlashtirish va metrologiya boshqarmalari boshliqlari lavozimiga koʻra ayni bir vaqtda tegishli ravishda Qoraqalpogʻiston Respublikasi, viloyatlar va Toshkent shahrida standartlar va oʻlchovlar yagonaligi ustidan nazorat boʻyicha davlat bosh inspektorlari, ularning oʻrinbosarlari esa – tegishli hududiy bosh inspektorlarning oʻrinbosarlari hisoblanadilar.

Hududiy boshqarmalar boshliqlarining oʻrinbosarlari va bosh buxgalterlari “Oʻzstandart” agentligi bosh direktori tomonidan lavozimga tayinlanadi va lavozimdan ozod qilinadi.

17. “Oʻzstandart” agentligi va uning hududiy boshqarmalari hamda boʻlimlarining zimmasiga davlat nazoratini amalga oshirish yuklangan boshliqlari, ularning oʻrinbosarlari, mutaxassislari lavozimiga koʻra ayni bir vaqtda standartlar va oʻlchovlar yagonaligi ustidan nazorat boʻyicha davlat inspektorlari hisoblanadilar.

18. Standartlar va oʻlchovlar yagonaligi ustidan davlat nazoratini amalga oshiruvchi mansabdor shaxslar davlat inspektori yoki davlat ishonchli vakili sifatida “Oʻzstandart” agentligi tomonidan belgilanadigan tartibda attestatsiyadan oʻtkazilishi kerak.

19. “Oʻzstandart” agentligi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, bank muassasalarida hisob-kitob va boshqa hisob raqamlariga ega boʻladi.

20. “Oʻzstandart” agentligi va uning hududiy boshqarmalari faoliyatini mablagʻ bilan taʼminlash budjet mablagʻlari hamda amaldagi qonun hujjatlariga zid boʻlmagan boshqa mablagʻlar hisobiga amalga oshiriladi.

21. “Oʻzstandart” agentligini qayta tashkil etish va tugatish Oʻzbekiston Respublikasi qonun hujjatlariga muvofiq amalga oshiriladi.

Xodimlarning jami soni — 747 kishi