“Xoʻjalik shirkatlari toʻgʻrisida” va “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi Oʻzbekiston Respublikasi qonunlariga muvofiq Oʻzbekiston Respublikasi Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Vazirlar Mahkamasining “Obyektlarning xoʻjalik jamiyatlari va shirkatlari tarkibidan chiqishi tartibi toʻgʻrisidagi Nizomni tasdiqlash haqida” 1994-yil 18-iyuldagi 366-son qarori (Oʻzbekiston Respublikasi QT, 1994-y., 7-son, 35-modda) oʻz kuchini yoʻqotgan deb hisoblansin.

1. Oʻzbekiston Respublikasi Vazirlar Mahkamasining 1994-yil 8-iyundagi 285-son qarori bilan tasdiqlangan Davlat korxonalarini qayta oʻzgartirish natijasida tashkil etilgan ochiq turdagi aksionerlik jamiyatlarining aksiyalarini roʻyxatdan oʻtkazish va muomalaga chiqarish tartibi toʻgʻrisidagi nizomning I boʻlimida “Xoʻjalik jamiyatlari va shirkatlari toʻgʻrisida” soʻzlari “Aksiyadorlik jamiyatlari va aksiyadorlarning huquqlarini himoya qilish toʻgʻrisida” soʻzlari bilan almashtirilsin.

2. Oʻzbekiston Respublikasi Vazirlar Mahkamasining 1995-yil 12-oktabrdagi 398-son qarori (Oʻzbekiston Respublikasi QT, 1995-y., 10-son 39-modda; 2000-y., 10-son 69-modda; 2001-y., 8-son 47-modda) bilan tasdiqlangan Xoldinglar toʻgʻrisidagi nizomning muqaddimasida va I boʻlimi 5-bandida “Xoʻjalik jamiyatlari va shirkatlari toʻgʻrisida” va “Monopolistik faoliyatni cheklash toʻgʻrisida” soʻzlari tegishli ravishda “Aksiyadorlik jamiyatlari va aksiyadorlarning huquqlarini himoya qilish toʻgʻrisida” va “Raqobat va tovar bozorlarida monopolistik faoliyatni cheklash toʻgʻrisida” soʻzlari bilan almashtirilsin.

3. Oʻzbekiston Respublikasi Vazirlar Mahkamasining “Investitsiya va Xususiylashtirish investitsiya fondlari faoliyatini takomillashtirish chora-tadbirlari toʻgʻrisida” 1998-yil 25-sentabrdagi 410-son qarorida:

a) 2-ilovaning 2-bandidan (Investitsiya fondlari toʻgʻrisidagi nizom) “Oʻzbekiston Respublikasidagi korxonalar toʻgʻrisida”, “Xoʻjalik jamiyatlari va shirkatlari toʻgʻrisida” soʻzlari chiqarib tashlansin;

b) 4-ilovaning 2-bandidan (Investitsiya fondlarining boshqaruvchi kompaniyasi toʻgʻrisidagi nizom):

“Oʻzbekiston Respublikasidagi korxonalar toʻgʻrisida”, “Xoʻjalik jamiyatlari va shirkatlari toʻgʻrisida” soʻzlari chiqarib tashlansin;

“Aksiyadorlik jamiyatlari va aksiyadorlarning huquqlarini himoya qilish toʻgʻrisida” soʻzlaridan keyin “Masʼuliyati cheklangan hamda qoʻshimcha masʼuliyatli jamiyatlar toʻgʻrisida” soʻzlari qoʻshilsin.

4. Oʻzbekiston Respublikasi Vazirlar Mahkamasining 2001-yil 9-martdagi 119-son qarori (Oʻzbekiston Respublikasi QT, 2001-y., 3-son 17-modda; 2001-y., 8-son 47-modda, 10-son 58-modda) bilan tasdiqlangan Davlat mulki boʻlgan obyektlarni davlat tasarrufidan chiqarish va xususiylashtirish tartibi toʻgʻrisidagi nizomda:

2-bandning ikkinchi xatboshi va 27-bandning yettinchi xatboshida “masʼuliyati cheklangan” soʻzlaridan keyin “hamda qoʻshimcha masʼuliyatli” soʻzlari qoʻshilsin;

29-bandning uchinchi xatboshi quyidagi mazmundagi gap bilan toʻldirilsin:

“Korxona masʼuliyati cheklangan hamda qoʻshimcha masʼuliyatli jamiyatga aylantirilganda buyruq bilan bir vaqtning oʻzida ustav hamda davlat mulkida saqlanib qoladigan va investorlarga sotiladigan ustav fondidagi ulushlar tasdiqlanadi”;

31-bandning uchinchi xatboshida “aksiyadorlik jamiyati” soʻzlari “xoʻjalik jamiyati” soʻzlari bilan almashtirilsin;

quyidagi mazmundagi 31-1-band bilan toʻldirilsin:

“Davlat mulki qoʻmitasi yoki uning hududiy boshqarmasi davlat korxonalarini qayta oʻzgartirish natijasida tashkil etiladigan masʼuliyati cheklangan hamda qoʻshimcha masʼuliyatli jamiyatlarning muassisi hisoblanadi”;

61-bandning uchinchi xatboshida “jamiyatga (boshqa xoʻjalik jamiyatiga)” soʻzlari “hamda qoʻshimcha masʼuliyatli jamiyatga” soʻzlari bilan almashtirilsin;

4-ilovadan “aksiyalar” soʻzlari chiqarib tashlansin.