Qoʻshni davlatlarning Oʻzbekiston Respublikasi bojxona chegarasidan oʻtuvchi avtotransport vositalari kirib kelishining yagona shartlarini belgilash maqsadida Vazirlar Mahkamasi qaror qiladi:

1. Belgilansinki, Tojikiston Respublikasi va Qirgʻiziston Respublikasi transport vositalari, boshqa oʻziyurar mashina va mexanizmlarining Oʻzbekiston Respublikasi bojxona hududiga kirib kelishiga “Oʻzagrosugʻurta” davlat-aksiyadorlik sugʻurta kompaniyasi va Oʻzbekiston Respublikasining boshqa sugʻurta tashkilotlarining Qozogʻiston Respublikasi va Turkmanistonning transport vositalariga, boshqa oʻziyurar mashinalari va mexanizmlariga nisbatan qoʻllaniladigan shartlarda haydovchilarning uchinchi shaxslar oldidagi fuqarolik javobgarligi sugʻurta qilinganligi toʻgʻrisidagi polis mavjud boʻlgan taqdirda yoʻl qoʻyiladi.

2. Tojikiston Respublikasi va Qirgʻiziston Respublikasi avtotransport vositalari uchun sugʻurta toʻlovlari stavkalari ilovaga muvofiq tasdiqlansin.

3. Belgilab qoʻyilsinki, sugʻurta toʻlovlari bojxona organlari tomonidan bevosita bojxona postlarida erkin almashtiriladigan valyutada undiriladi, keyinchalik mablagʻlar shartnoma asosida sugʻurta tashkilotlari hisob raqamiga oʻtkaziladi.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.Y. Otayev zimmasiga yuklansin.

Tojikiston Respublikasi va Qirgʻiziston Respublikasi avtotransporti uchun sugʻurta summalari miqdorlari:

1000 AQSH dollari — mol-mulkka yetkazilgan zararni qoplash uchun;

2000 AQSH dollari — oʻlimga olib kelgan zararni qoplash uchun.