Oʻzbekiston Respublikasi Vazirlar Mahkamasining 2013-yil 15-avgustdagi 225-son “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi qaroriga muvofiq, Oʻzbekiston matbuot va axborot agentligi va Oʻzbekiston Respublikasi Moliya vazirligi qaror qiladi:

1. Oʻzbekiston Respublikasi Davlat matbuot qoʻmitasi va Moliya vazirligi tomonidan 2000-yil 4-sentabrda va 2000-yil 20-sentabrda 103-son bilan tasdiqlangan Uzluksiz taʼlim tizimi uchun yaratilgan yangi oʻquv adabiyotlari va boshqa oʻquv vositalarini nashr etish tartibi toʻgʻrisidagi yoʻriqnoma (roʻyxat raqami 986, 2000-yil 27-noyabr) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2000-y., 22-son) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Iqtisodiyot vazirligi, Xalq taʼlimi vazirligi, Oliy va oʻrta maxsus taʼlim vazirligi va Davlat statistika qoʻmitasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.