1. Daromad va kapitalga ikki yoqlama soliq solinishiga yo‘l qo‘ymaslik to‘g‘risida O‘zbekiston Respublikasi Hukumati bilan Shveysariya Federal Kengashi o‘rtasida 2002-yil 3-aprelda tuzilgan Bitimga, shuningdek mazkur Bitimning 2014-yil 1-iyulda Bern shahrida imzolangan Protokoliga o‘zgartishlar kiritish haqidagi Protokol tasdiqlansin.

2. O‘zbekiston Respublikasi Tashqi ishlar vazirligi O‘zbekiston Respublikasi tomonidan mazkur xalqaro shartnoma kuchga kirishi uchun zarur bo‘lgan ichki davlat tartib-taomillari bajarilgani to‘g‘risida tegishli bildirishnoma yo‘llasin.

3. O‘zbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin belgilangan tartibda O‘zbekiston Respublikasining majburiyatlari bajarilishi ustidan nazoratni ta’minlasinlar.

4. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.