Oʻzbekiston Respublikasi Vazirlar Mahkamasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2002-yil 28-iyundagi 236-son qaroriga muvofiq, shuningdek telekommunikatsiyalar sohasidagi faoliyat turlarini litsenziyalash tartibini takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “Telekommunikatsiyalar va pochta aloqasi sohasida boshqaruv tizimini takomillashtirish chora-tadbirlari toʻgʻrisida” 2000-yil 22-noyabrdagi 458-son qarori (Oʻzbekiston Respublikasi QT, 2000-y., 11-son, 73-modda) bilan tasdiqlangan Telekommunikatsiyalar sohasidagi faoliyatni litsenziyalash toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Oʻzbekiston aloqa va axborotlashtirish agentligi:

ikki hafta muddatda litsenziya berish yoki litsenziya berishni rad etish toʻgʻrisida xulosalar tayyorlash yuzasidan ekspert komissiyaning tarkibini va komissiya haqidagi nizomni ishlab chiqsin va tasdiqlasin;

2004-yil 1-yanvargacha boʻlgan muddatda telekommunikatsiyalar sohasidagi faoliyatni amalga oshirishga ilgari berilgan litsenziyalarni xatlovdan oʻtkazsin hamda litsenziatlar oʻz faoliyatini mazkur qarorga binoan litsenziya talablari va shartlariga muvofiqlashtirishi ustidan nazoratni taʼminlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

1. 3-bandning birinchi xatboshida “qurilishi” va “ulardan foydalanish” soʻzlari quyidagi mazmundagi havolalar bilan toʻldirilsin:

“*Qurilish, shuningdek telekommunikatsiyalar tarmoqlarini rekonstruksiya qilish (kengaytirish, qayta jihozlash) bilan bogʻliq ishlarni ham oʻz ichiga oladi.

**Foydalanish, shuningdek telekommunikatsiyalar tarmoqlariga texnik xizmat koʻrsatish ishlarini ham oʻz ichiga oladi”.

2. 5-band quyidagi mazmundagi beshinchi xatboshi bilan toʻldirilsin:

“radiotelefon, peydjing tarmoqlaridan telekommunikatsiya xizmatlari koʻrsatmasdan ishlab chiqarish-texnologiya maqsadlarida foydalaniladi”.

3. 14-bandda:

“b” kichik bandning birinchi xatboshidan “taʼsis hujjatlari (muassis (muassislar)ning ustavi (ustavlari)ning notarial tasdiqlangan nusxasi, muassis yoki muassislar tomonidan tasdiqlangan ustav (nizom), taʼsis shartnomasi nusxasi)” soʻzlari chiqarib tashlansin;

“g” kichik bandda “Davlat matbuot qoʻmitasida” soʻzlari “Oʻzbekiston matbuot va axborot agentligida” soʻzlari bilan toʻldirilsin;

“j” kichik bandning ikkinchi xatboshi chiqarib tashlansin;

“j” kichik bandning toʻrtinchi xatboshida “(tele-radio eshittirishlarni tarqatish toʻgʻrisidagi xulosasi (translyatsiya qilishga) va radiotelefon aloqasi xizmatlari koʻrsatishga litsenziyalar olishda)” soʻzlari “(radioaloqa vositalaridan foydalanish bilan bogʻliq faoliyatga litsenziya olishda)” soʻzlari bilan almashtirilsin;

band quyidagi mazmundagi “z” kichik band bilan toʻldirilsin:

“z) jismoniy shaxslar (yakka tartibdagi tadbirkorlar) uchun – faoliyatning litsenziyalanadigan ayrim turlarini amalga oshirish uchun talabgorning tegishli bilimlari mavjudligini tasdiqlovchi hujjatning (diplom, sertifikatning) nusxasi taqdim etiladi.”;

quyidagi mazmundagi xatboshi bilan toʻldirilsin:

“Oʻz tarmogʻini yaratish huquqisiz maʼlumotlarni uzatish tarmoqlari, shu jumladan Internet, maʼlumotlarni uzatish operatorlari tarmogʻi orqali provayder xizmatlari koʻrsatishga litsenziya olishda mazkur bandning “g”, “d” va “e” kichik bandlarida nazarda tutilgan hujjatlar taqdim etilmaydi”.

4. 17-bandda:

“qabul qilinadi” soʻzlaridan oldin “masʼul shaxs (ekspert komissiyasi kotibi) tomonidan” soʻzlari qoʻshilsin;

“daʼvogarga” soʻzi “litsenziya talabgoriga” soʻzlari bilan almashtirilsin;

5. 20-band:

birinchi xatboshidan keyin quyidagi mazmundagi xatboshilar bilan toʻldirilsin:

“Litsenziyalar berish toʻgʻrisidagi hujjatlarni koʻrib chiqish va ular boʻyicha xulosa tayyorlash uchun litsenziyalovchi organda ekspert komissiyasi tashkil etiladi. Ekspert komissiyasiga Oʻzbekiston aloqa va axborotlashtirish agentligi bosh direktorining oʻrinbosari rahbarlik qiladi, litsenziyalash masalalari uning funksional vazifalariga kiradi. Ekspert komissiyasi tarkibiga telekommunikatsiyalar texnikasi va texnologiyasi, yurisprudensiya, radiochastota spektoridan foydalanish, bozor qayta oʻzgartirishlari, telekommunikatsiyalar sohasida nazorat organi va boshqa yoʻnalishlar boʻyicha mutaxassislar kiritiladi. Ekspert komissiyasi toʻgʻrisidagi nizom va uning shaxsiy tarkibi litsenziyalovchi organ tomonidan tasdiqlanadi. Ekspert komissiyasi bir oyda kamida bir marta majlis oʻtkazadi.

Ekspert komissiyasi litsenziya talabgorining barcha zarur hujjatlar bilan birgalikdagi arizasi olingan kundan boshlab 20 kundan oshmaydigan muddatda taqdim etilgan hujjatlarni koʻrib chiqadi va ular boʻyicha litsenziya berish yoki litsenziya berishni rad etish toʻgʻrisidagi ekspert xulosasini tayyorlaydi.

Litsenziyalovchi organ oʻn kun muddatda ekspert komissiyasining xulosasi asosida litsenziya berish yoki litsenziya berishni rad etish toʻgʻrisida qaror qabul qiladi”;

band quyidagi mazmundagi xatboshi bilan toʻldirilsin:

“Telekommunikatsiyalar sohasidagi faoliyatni litsenziyalash mazkur Nizomga 4-ilovaga muvofiq sxemaga binoan amalga oshiriladi”.

6. 22-band quyidagi tahrirda bayon qilinsin:

“22. Litsenziyalar litsenziya talabgori tomonidan davlat boji toʻlangandan hamda litsenziya talabgori va litsenziyalovchi organ tomonidan litsenziya bitimi imzolangandan keyin bir kun muddatda beriladi”.

7. 26-band band quyidagi mazmundagi xatboshi bilan toʻldirilsin:

“Ekspert komissiyasi olti kundan oshmaydigan muddatda taqdim etilgan hujjatlarni takroran koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasini tayyorlaydi.

Litsenziyalovchi organ toʻrt kun muddatda ekspert komissiyasining xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.”.

8. 28-band quyidagi tahrirda bayon qilinsin:

“28. Litsenziyalar maxsus blankalarda rasmiylashtiriladi (3-ilova). Litsenziyalar blankalari qatʼiy hisobda turadigan hujjat hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziyalar blankalari litsenziyalovchi organning buyurtmasi boʻyicha “Davlat belgisi” davlat ishlab chiqarish birlashmasida bosmaxona usulida tayyorlanadi. Litsenziyalovchi organning rahbari litsenziya blankalari hisobga olinishi, saqlanishi va ulardan maqsadli foydalanilishi uchun belgilangan tartibda javob beradi”.

9. 31-bandning yigirma beshinchi xatboshida “Oʻzbekiston Respublikasi Davlat matbuot qoʻmitasi” soʻzlari “Oʻzbekiston matbuot va axborot agentligi” soʻzlari bilan almashtirilsin”.

10. 38-band quyidagi tahrirda bayon qilinsin:

“38. Litsenziya qayta rasmiylashtirilgunga qadar litsenziat unda koʻrsatilgan faoliyatni ilgari berilgan litsenziya asosida amalga oshiradi”.

11. 45-bandda:

ikkinchi xatboshida “Oʻzbekiston Respublikasi Davlat matbuot qoʻmitasi” soʻzlari “Oʻzbekiston matbuot va axborot agentligi” soʻzlari bilan almashtirilsin”;

toʻrtinchi xatboshi chiqarib tashlansin.

12. 4-bandning birinchi xatboshida “uch kun muddatda” soʻzlari “oʻn kun muddatda” soʻzlari bilan almashtirilsin.

13. 49-bandning toʻqqizinchi xatboshi quyidagi tahrirda bayon qilinsin:

“litsenziyaning amal qilish muddati toʻxtatilganda”.

14. Nizom 4-ilova bilan toʻldirilsin (ilova qilinadi).