LexUZ sharhi
Mazkur qaror O‘zbekiston Respublikasi Vazirlar Mahkamasining 2010-yil 2-iyundagi 104-sonli “O‘zbekiston Respublikasi Prezidentining “O‘zbekiston Respublikasida notariat institutini yanada takomillashtirish choralari to‘g‘risida” 2010-yil 5-maydagi PF-4216-son Farmonini amalga oshirish chora-tadbirlari haqida”gi qaroriga muvofiq o‘z kuchini yo‘qotgan.
Notariat faoliyatini mablag‘ bilan ta’minlashni takomillashtirish va notariuslarning moddiy manfaatdorligini oshirish hamda xususiy va davlat notariuslari faoliyat ko‘rsatishi uchun teng shart-sharoitlar yaratish maqsadida Vazirlar Mahkamasi qaror qiladi:
1. Notarial harakatlar sodir etilganligi uchun notarial idoralar tomonidan undiriladigan davlat bojining 15 foizi miqdoridagi ajratma to‘g‘ridan to‘g‘ribudjetdan mablag‘ bilan ta’minlash o‘rniga davlat notarial idoralari faoliyatini mablag‘ bilan ta’minlash manbai etib belgilansin.
Bunda notarial harakatlar sodir etilganligi uchun undiriladigan davlat bojlari miqdori quyidagi tartibda:
Oldingi tahrirga qarang.
(1-bandning to‘rtinchi xatboshisi O‘zbekiston Respublikasi Vazirlar Mahkamasining 2003-yil 30-apreldagi 197-sonli qarori tahririda — O‘zbekiston Respublikasi Qonun hujjatlari to‘plami, 2003-y., 7-8-son, 66-modda)
15 foizi — mablag‘larni Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarining maxsus hisob raqamlariga to‘plash yo‘li bilan davlat notarial idoralari faoliyatini mablag‘ bilan ta’minlashga taqsimlanadi.
2. Adliya vazirligi Mehnat va aholini ijtimoiy muhofaza qilish vazirligi hamda Moliya vazirligi bilan birgalikda davlat notarial idoralari faoliyatini mablag‘ bilan ta’minlash tartibini ikki hafta muddatda ishlab chiqsin va tasdiqlasin, unda xodimlarni sodir etilayotgan notarial harakatlar hajmiga va undiriladigan davlat bojlari miqdoriga qarab moddiy rag‘batlantirish va davlat notarial idoralarining moddiy-texnika bazasini mustahkamlashni nazarda tutsin.
xususiy amaliyot bilan shug‘ullanuvchi notariuslar faoliyatini shartnoma asosida axborot bilan ta’minlashni va ularning davlat notarial idoralari bilan o‘zaro aloqasini takomillashtirish yuzasidan zarur chora-tadbirlar ko‘rsin;
xususiy amaliyot bilan shug‘ullanuvchi notariuslarni o‘qitish va ularga metodik yordam berish, ular faoliyatini muvofiqlashtirish va nazorat qilish ishlarini kuchaytirsin;
joylarda davlat notarial idoralari va xususiy amaliyot bilan shug‘ullanuvchi notariuslar notarial harakatlarni sodir etish uchun zarur bo‘lgan huquqiy hujjatlardan va boshqa axborotdan foydalanadigan ma’lumotlarning elektron axborot bazalari barpo etilishini ta’minlasin;
davlat notarial idoralarining sonini, ularning shtatdagi xodimlari sonini maqbullashtirsin, tejalgan mablag‘lar notariuslarni moddiy rag‘batlantirishga yo‘naltirilsin;
qonun hujjatlariga mazkur qarordan kelib chiquvchi o‘zgartirish va qo‘shimchalar kiritish to‘g‘risida bir oy muddatda Vazirlar Mahkamasiga takliflar kiritsin.
4. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi A. Azizov va O‘zbekiston Respublikasi Bosh vazirining o‘rinbosari R. Azimov zimmasiga yuklansin.