Vazirlar Mahkamasining 2004-yil 1-martdagi 96-sonli qarori bilan tasdiqlangan Elektr energetikada nazorat boʻyicha davlat inspeksiyasi (“Oʻzdavenergonazorat” inspeksiyasi) toʻgʻrisidagi nizomga va Oʻzbekiston Respublikasi Vazirlar Mahkamasining 2014-yil 5-martdagi 52-sonli “Energiya taʼminoti sohasida ruxsat berish tartib-taomillaridan oʻtish tartibi toʻgʻrisidagi nizomlarni tasdiqlash haqida”gi qaroriga asosan buyuraman:

1. Quyidagilar oʻz kuchini yoʻqotgan deb topilsin:

Elektr energetikada nazorat boʻyicha davlat inspeksiyasi boshligʻining 2007-yil 17-sentabrdagi 144-sonli “Isteʼmolchi obyektlarini elektr taʼminoti loyihalarining kelishuvini oʻtkazish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 1731, 2007-yil 20-oktabr) (Oʻzbekiston Respublikasi qonun hujjatlari toʻplami, 2007-y., 43-son, 436-modda);

Elektr energetikada nazorat boʻyicha davlat inspeksiyasi boshligʻining 2011-yil 24-noyabrdagi 24-sonli “Isteʼmolchi obyektlarini elektr taʼminoti loyihalarining kelishuvini oʻtkazish tartibi toʻgʻrisidagi nizomga oʻzgartirishlar va qoʻshimcha kiritish toʻgʻrisida”gi buyrugʻi (roʻyxat raqami 1731-1, 2011-yil 21-dekabr) (Oʻzbekiston Respublikasi qonun hujjatlar toʻplami, 2011-y., 51-son, 547-modda).

2. Mazkur buyruq Oʻzbekiston Respublikasi Davlat arxitektura va qurilish qoʻmitasi, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi hamda “Oʻzbekenergo” Davlat-aksiyadorlik kompaniyasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.