Shanxay hamkorlik tashkiloti Mintaqaviy antiterror tuzilmasi Ijroiya qoʻmitasi (SHHT MATT Ijroiya qoʻmitasi) faoliyatini taʼminlash maqsadida Vazirlar Mahkamasi qaror qiladi:

1. SHHT MATT faoliyatini tashkil etish komissiyasining SHHT MATT Ijroiya qoʻmitasini Toshkent shahri, Mirzo-Ulugʻbek tumani, Xodjayev koʻchasi, 24-uy (sobiq 113-sonli maktab binosi) manzilidagi binoga joylashtirish toʻgʻrisidagi taklifiga rozilik berilsin.

2. SHHT MATT Ijroiya qoʻmitasi joylashgan bino va binolarni rekonstruksiya qilish boʻyicha buyurtmachi Oʻzbekiston Respublikasi Milliy xavfsizlik xizmati hisoblanishi maʼlumot uchun qabul qilinsin.

Iqtisodiyot vazirligi (R.S. Azimov) Moliya vazirligi (M.B. Nurmuratov) bilan birgalikda 2003-yilda Milliy xavfsizlik xizmatiga SHHT MATT Ijroiya qoʻmitasi binosini rekonstruksiya qilish uchun kapital qoʻyilmalar limitini respublikaning 2003-yilga moʻljallangan Investitsiya dasturini amalga oshirish uchun nazarda tutilgan budjet mablagʻlari doirasida taqdim etsin.

3. Toshkent shahar hokimligi (R.M. Shoabduraxmonov):

uch oy muddatda SHHT MATT Ijroiya qoʻmitasi joylashgan bino, xonalar va uning atrofidagi hududlarni rekonstruksiya qilish, kapital taʼmirlash va obodonlashtirish ishlarini yakunlasin;

SHHT MATT Ijroiya qoʻmitasi bilan koʻrsatilgan binoni 5 yil muddatga tekin ijaraga berish, keyinchalik zarurat tugʻilganda ijara muddatini uzaytirish toʻgʻrisida shartnoma oʻrnatilgan tartibda tuzilishini taʼminlasin.

4. Oʻzbekiston Respublikasi Moliya vazirligi (M.B. Nurmuratov):

SHHT Kotibiyati va MATT Ijroiya qoʻmitasi xarajatlarida Oʻzbekiston Respublikasining ulushini xalqaro tashkilotlarga aʼzolik badallari toʻlash uchun nazarda tutilgan Oʻzbekiston Respublikasi respublika budjeti mablagʻlari hisobidan moliyalashtirish manbasi belgilasin;

respublika budjeti xarajatlari roʻyxatiga tegishli oʻzgartirishlar kiritsin;

2003-yil noyabr-dekabr oylarida SHHT Kotibiyati va MATT Ijroiya qoʻmitasi xarajatlaridagi Oʻzbekiston Respublikasining ulushini 2003-yil uchun respublika budjetidan ajratiladigan mablagʻlar doirasida moliyalashtirishni taʼminlasin;

2004-yildan boshlab Oʻzbekiston Respublikasining respublika budjetida Oʻzbekiston Respublikasining SHHT tuzilmalariga aʼzolik badallari toʻlash uchun budjet mablagʻlarini oʻrnatilgan tartibda nazarda tutsin.

5. Milliy xavfsizlik xizmati (R.R. Inoyatov) Ichki ishlar vazirligi (Z.A. Almatov) bilan birgalikda SHHT MATT Ijroiya qoʻmitasi va uning xodimlari xavfsizligini taʼminlash boʻyicha kompleks chora-tadbirlar ishlab chiqsin va amalga oshirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari Q.N. Tulaganov va Oʻzbekiston Respublikasi Prezidenti huzuridagi Milliy xavfsizlik kengashi kotibining birinchi oʻrinbosari M.X. Raxmonqulovga yuklansin.