Boshoqli ekinlar doni nobudgarchiliksiz o‘z vaqtida va sifatli yig‘ishtirib olinishini, davlat resurslariga g‘alla sotish bo‘yicha kontraktatsiya shartnomalari bajarilishini ta’minlash maqsadida Vazirlar Mahkamasi qaror qiladi:

1. Quyidagilar:

g‘alla o‘rish kombaynlari, yuk avtomobillari, transport traktorlari, g‘alla tashish uchun tirkamalar, shuningdek don xirmonlari va maydonchalari, don tozalash mashinalari va donni dastlabki qayta ishlash boshqa vositalarini tayyorlab qo‘yish joriy yilning 10-mayigacha tugallanishini;

g‘allaning xo‘jaliklar tomonidan tayyorlov punktlariga majburiy dastlabki tozalangandan keyin, iflosligi va namligi standart normativlardan ortiq bo‘lmagan holda yetkazib berilishini;

idoraviy mansubligidan qat’i nazar, korxonalar va tashkilotlarning don qabul qilish punktlariga g‘alla tashish uchun yaroqli bo‘lgan transport vositalari shartnoma asosida jalb etilishini;

O‘zbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi bilan birgalikda xo‘jaliklar bilan — davlat ehtiyojlari uchun xarid qilinayotgan g‘alla uchun, mashina-traktor parklari bilan — ko‘rsatilgan mexanizatsiya xizmatlari va g‘alla o‘rish kombaynlari operatorlariga ish haqi to‘lash uchun o‘z vaqtida hisob-kitob qilinishini ta’minlash Qoraqalpog‘iston Respublikasi Vazirlar Kengashi va viloyatlar hokimliklari, O‘zbekiston Respublikasi Qishloq va suv xo‘jaligi vazirligi, “O‘zdonmahsulot” davlat-aksiyadorlik korporatsiyasi, “O‘zagromashservis” uyushmasining eng muhim vazifalari hisoblansin.

2. Don hosilini yig‘ishtirib olishni zarur darajada tashkil etilishi va amalga oshirilishi, shuningdek g‘alla o‘rish kombaynlaridan samarali foydalanilishi uchun shaxsiy javobgarlik Qoraqalpog‘iston Respublikasi Vazirlar Kengashi Raisi, viloyatlar hokimlari, O‘zbekiston Respublikasi Qishloq va suv xo‘jaligi vazirligi, “O‘zagromashservis” uyushmasi va uning mashina-traktor parklari hududiy birlashmalari rahbarlari zimmasiga yuklansin.

3. “O‘zagromashservis” uyushmasi g‘alla o‘rish texnikasi mavjud parkining, ayniqsa “Keys” kombaynlarining yuqori darajada tayyorlanishini ta’minlasin, ehtiyot qismlar zaxirasini yaratsin.

4. Qoraqalpog‘iston Respublikasi Vazirlar Kengashi va viloyatlar hokimliklari O‘zbekiston Respublikasi Ichki ishlar vazirligi bilan birgalikda yo‘llarda harakatlanish xavfsizligini ta’minlash, yong‘inlar kelib chiqishining oldini olish, shuningdek 2004-yil boshoqli don ekinlari hosilining talon-taroj qilinishi va nobud bo‘lishiga yo‘l qo‘ymaslik yuzasidan zarur chora-tadbirlar ko‘rsinlar.

5. “O‘zbekneftgaz” milliy xolding kompaniyasi va “O‘zneftmahsulot” aksiyadorlik kompaniyasi yonilg‘i-moylash materiallarining zarur zaxirasini yaratsin va yonilg‘i-moylash materiallari belgilangan tartib doirasida, ular qiymatining 30 foizi oldindan to‘langandan keyin hosilni yig‘ishtirib olish, tashish va tayyorlash bilan band bo‘lgan qishloq xo‘jaligi korxonalari, mashina-traktor parklari va boshqa tashkilotlarga uzluksiz yetkazib berilishini tashkil etsin.

6. “O‘zbekiston temir yo‘llari” davlat-aksiyadorlik kompaniyasi g‘allaning qiymati oshib ketishiga yo‘l qo‘ymaslik maqsadida yangi hosilni yig‘ishtirib olish davrida “O‘zdonmahsulot” davlat-aksiyadorlik korporatsiyasi uchun don tashishga imtiyozli tariflarni qo‘llashni nazarda tutsin.

7. “O‘zstandart” agentligi “O‘zdavdoninspeksiya”, O‘zbekiston Respublikasi Tashqi iqtisodiy aloqalar agentligi, Qishloq va suv xo‘jaligi vazirligi hamda “O‘zdonmahsulot” davlat-aksiyadorlik korporatsiyasi bilan birgalikda 2004-yil 20-maygacha davlat resurslari uchun tayyorlanadigan bug‘doyga amaldagi O‘zRST 880-98 standarti talablarini xalqaro standartlar talablarini hisobga olgan holda qayta tasdiqlasin.

10. O‘zbekiston Respublikasi Davlat statistika qo‘mitasi xo‘jaliklar tomonidan don sotish to‘g‘risidagi statistika hisobotlarining ishonchliligini don qabul qilib olish korxonalari bo‘yicha muntazam ravishda tekshirib borsin, hisobotni buzib ko‘rsatishning aniqlangan holatlari to‘g‘risida tezkorlik bilan Vazirlar Mahkamasiga axborot bersin.

11. Mazkur qarorning bajarilishini nazorat qilish O‘zbekiston Respublikasining Bosh vaziri Sh. M. Mirziyoyev zimmasiga yuklansin.