LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Xorijiy sarmoyalar ishtirokidagi korxonalar faoliyati uchun qulay shart-sharoitlarni yaratish, ularga bank xizmatini yaxshilash, O‘zbekiston Respublikasi iqtisodiyotiga xorijiy sarmoyalar jalb etilishini rag‘batlantirish maqsadida:
O‘zbekiston Respublikasi hududida xorijiy sarmoyalar ishtirokida barpo etilgan korxonalar o‘z xohishlariga ko‘ra bir yoki bir qancha bank muassasalarida so‘m va xorijiy valyutada talab qilib olinadigan depozit hisobvaraqlariga ega bo‘lishga haqlidirlar.
Oldingi tahrirga qarang.
(1-bandning uchinchi xatboshisi O‘zbekiston Respublikasi Prezidentining 1999-yil 1-martdagi PF-2241-sonli Farmoniga asosan o‘z kuchini yo‘qotgan — Oliy Majlis Axborotnomasi, 1999-y., 3-son, 66-modda)
2. O‘zbekiston Respublikasi Vazirlar Mahkamasi va Markaziy banki bir hafta muddatda amaldagi normativ hujjatlarga ushbu Farmondan kelib chiqadigan o‘zgartish va qo‘shimchalar kiritsin.
3. Mazkur Farmonning bajarilishini nazorat qilish O‘zbekiston Respublikasi Bosh vaziri O‘.T. Sultonov zimmasiga yuklansin.