1. Quyidagilar:

1992-yil 13-martdagi Standartlashtirish, metrologiya va sertifikatlash sohasida muvofiqlashtirilgan siyosat olib borish haqidagi Bitimga oʻzgartishlar kiritish toʻgʻrisida 2007-yil 22-noyabr kuni Ashxobod shahrida imzolangan Protokol;

Tekshirish va metrologik attestatsiya maqsadida transportda olib oʻtiladigan normativ hujjatlar, etalonlar, oʻlchov vositalari va standart namunalarni olib oʻtish uchun boj toʻlovlari, soliqlar toʻlashdan va maxsus ruxsatnomalar berishdan ozod qilish toʻgʻrisida 1995-yil 10-fevraldagi Bitimga oʻzgartishlar kiritish haqida 2007-yil 22-noyabr kuni Ashxobod shahrida imzolangan Protokol;

1995-yil 3-noyabrdagi Standartlashtirish, metrologiya va sertifikatlash sohasida muvofiqlashtirilgan siyosat olib borish haqidagi Bitimda qatnashuvchi davlatlarning qurolli kuchlarida oʻlchovlar birligini taʼminlash boʻyicha hamkorlik qilish Bitimiga oʻzgartishlar kiritish toʻgʻrisida 2010-yil 21-may kuni Sankt-Peterburg shahrida imzolangan Protokol tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnomalarning kuchga kirishi uchun zarur boʻlgan ichki davlat tartib-qoidalari bajarilgani toʻgʻrisida depozitariyga tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.