Oʻzbekiston Respublikasi Prezidentining 2012-yil 18-iyuldagi PF–4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2012-y., 29-son, 328-modda) muvofiq buyuraman:

1. Oʻzbekiston Respublikasi Elektr energetikada nazorat boʻyicha davlat inspeksiyasi boshligʻining 2012-yil 30-dekabrdagi 12-son buyrugʻi (roʻyxat raqami 2411, 2013-yil 15-yanvar) (Oʻzbekiston Respublikasi qonun hujjatlari toʻplami, 2013-y., 3-son, 33-modda) bilan tasdiqlangan Tadbirkorlik subyektlarining elektr qurilmalarini elektr tarmoqlariga “bir darcha” tamoyili boʻyicha ulash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Muqaddimadagi “tadbirkorlik subyektlarining” degan soʻzlar “tadbirkorlik subyektlarining, shuningdek tadbirkorlik faoliyatini amalga oshirish maqsadi boʻlgan jismoniy shaxslarning (bundan buyon matnda isteʼmolchilar deb yuritiladi)” degan soʻzlar bilan almashtirilsin.

2. 1-bandning ikkinchi xatboshisidagi “tadbirkorlik subyektlarining (bundan buyon matnda isteʼmolchilar deb yuritiladi)” degan soʻzlar “isteʼmolchilarning” degan soʻz bilan almashtirilsin.

3. 6-band quyidagi mazmundagi xatboshi bilan toʻldirilsin:

“Isteʼmolchi talabnomani taqdim etish vaqtida Loyiha ishlarini “Bir darcha” xizmati orqali amalga oshirish istagini bildirgan taqdirda, unga talabnoma berilgan kundan eʼtiboran besh ish kunidan oshmagan muddatda texnik shartlarni berish bilan bir vaqtda loyiha tashkilotlarining Loyihani ishlab chiqish boʻyicha shartnomalar loyihalari taqdim etiladi.”.

4. 10 va 11-bandlar quyidagi tahrirda bayon etilsin:

“10. “Bir darcha” xizmati talabnoma kelib tushgan kunning oʻzida uni roʻyxatga olinishini va texnik shartlarni ishlab chiqish uchun tegishliligiga koʻra elektr taʼminoti korxonasiga yoki hududiy elektr tarmoqlari korxonasiga taqdim etilishini taʼminlaydi.

11. Tegishli elektr taʼminoti korxonasi yoki hududiy elektr tarmoqlari korxonasi tomonidan talabnoma kelib tushgandan boshlab isteʼmolchiga texnik shartlarni berilish muddati inobatga olingan holda koʻrib chiqilib, texnik shartlar rasmiylashtiriladi va “Bir darcha” xizmatiga taqdim etiladi.”.

5. 15-bandning birinchi xatboshisi quyidagi tahrirda bayon etilsin:

“15. Isteʼmolchi “Bir darcha” xizmati taklif etgan yoki uning oʻzi tanlagan loyiha tashkilotlarining Loyihani ishlab chiqish boʻyicha shartnoma loyihalari bilan xizmat tomonidan tanishtiriladi.”.

6. 21-banddagi “ish kunidan” degan soʻzlar “kundan” degan soʻz bilan almashtirilsin.

7. 25-band quyidagi mazmundagi xatboshilar bilan toʻldirilsin:

“Pudrat tashkiloti tomonidan quyidagilarning taʼminlanishi isteʼmolchi bilan tuziladigan shartnomaning majburiy shartlari hisoblanadi:

pudrat ishlarini amalga oshirish uchun qonun hujjatlarida belgilangan ruxsatnomalarni olish;

elektr energiyasini hisobga olish priborlarini oʻrnatish hamda ularni elektr energiyasini hisobga olish va nazorat qilishning avtomatlashtirilgan tizimiga ulashgacha boʻlgan ishlarni amalga oshirish.”.

8. 44-banddagi “oshirilganidan soʻng” degan soʻzlar “oshirilgan kuni” degan soʻzlar bilan almashtirilsin.

9. Nizomning 1-ilovasida:

nomidagi “Tadbirkorlik subyektlarining” degan soʻzlar “Isteʼmolchilarning” degan soʻz bilan almashtirilsin;

3-band quyidagi tahrirda bayon etilsin:

“3. Elektr xoʻjaligiga javobgar shaxsni tayinlash haqidagi buyruqdan koʻchirma yoki elektr xoʻjaligini xavfsiz ekspluatatsiya qilinishi uchun javobgarlikni oʻz zimmasiga olish toʻgʻrisidagi ariza-majburiyat yoxud elektr xoʻjaligini xavfsiz ekspluatatsiya qilish boʻyicha maxsus tashkilot bilan tuzilgan shartnoma nusxasi.”;

eslatmadagi “tadbirkorlik subyekti” degan soʻzlar “isteʼmolchi” degan soʻz bilan almashtirilsin.

10. Nizomning 2-ilovasida:

nomidagi “Tadbirkorlik subyektlarining” degan soʻzlar “Isteʼmolchilarning” degan soʻz bilan almashtirilsin;

3-band quyidagi tahrirda bayon etilsin:

“3. Elektr xoʻjaligiga javobgar shaxsni tayinlash haqidagi buyruqdan koʻchirma yoki elektr xoʻjaligini xavfsiz ekspluatatsiya qilish boʻyicha maxsus tashkilot bilan tuzilgan shartnoma nusxasi.”;

eslatmadagi “tadbirkorlik subyekti” degan soʻzlar “isteʼmolchi” degan soʻz bilan almashtirilsin.

11. Nizomning 3-ilovasi mazkur oʻzgartirish va qoʻshimchalarning ilovasiga muvofiq tahrirda bayon etilsin.

12. Mazkur oʻzgartirish va qoʻshimchalar Oʻzbekiston Respublikasi Iqtisodiyot vazirligi, Davlat arxitektura va qurilish qoʻmitasi, Xususiylashtirish, monopoliyadan chiqarish va raqobatni rivojlantirish davlat qoʻmitasi, “Oʻzbekenergo” DAK va Oʻzbekiston Respublikasi Savdo-sanoat palatasi bilan kelishilgan.