Oziq-ovqat va boshqa mahsulotlarning narxi oshishi munosabati bilan umumta’lim maktablarining o‘quvchilari, yosh avlod uchun zarur shart-sharoit yaratish hamda ularni ijtimoiy muhofaza qilish maqsadida:

1. Maktab oshxonalariga va bufetlarida nonushta va tushlik uchun beriladigan oziq-ovqatlar narxi shu yilning 2-apreliga qadar belgilangan narxda qoldirilsin.

2. O‘zbekiston SSR qishloq xo‘jaligi vazirligi, “Uzplodoovoshchvinprom” konserni, O‘zbekiston SSR Davlat suv xo‘jaligi qurilishi komiteti, V.I. Lenin nomidagi Butunittifoq qishloq xo‘jalik fanlari akademiyasi O‘rta Osiyo bo‘limi, Qoraqalpog‘iston ASSR Vazirlar Kengashi, viloyat ijroiya komitetlari va Toshkent shahar ijroiya komitetiga qishloq umumta’lim maktablariga kolxoz va sovxozlar tomonidan ajratiladigan qishloq xo‘jalik mahsulotlarini ularning tayyorlov rejalariga kiritish yuklatilsin.

O‘zbekiston SSR Iqtisodiyot komiteti va O‘zbekiston SSR Davlat hisob komitetiga bunday mahsulotlarni hisobga olish tartibini aniqlash topshirilsin.

3. O‘zbekiston SSR Savdo vazirligi, “O‘zbekbirlashuv”, Qoraqalpog‘iston ASSR Vazirlar Kengashi, viloyat ijroiya komitetlari, Toshkent shahar ijroiya komitetiga hamda davlat va kooperativ muassasalari hamda xo‘jaliklarga maktablarning oshxonalari va bufetlarini zarur oziq-ovqat mahsulotlari bilan uzluksiz ta’minlash topshirilsin.

4. O‘zbekiston SSR Xalq ta’limi vazirligi, Qoraqalpog‘iston ASSR Vazirlar Kengashi, viloyat ijroiya komitetlari hamda Toshkent shahar ijroiya komitetiga o‘quvchilar ovqatlanishining tashkil etilishini nazorat qilish, maktab oshxonalari va bufetlarining moddiy-texnika bazasini mustahkamlash, ulardagi o‘rinlarni ko‘paytirish topshirilsin.

5. O‘zbekiston SSR Moliya vazirligiga maktablarning oshxonalari va bufetlari uchun sarf etiladigan qo‘shimcha xarajatlarni qoplash imkoniyatini topish hamda O‘zbekiston SSR Xalq ta’limi, Savdo vazirliklari, “O‘zbekbirlashuv” bilan birgalikda narxlar orasidagi farqlarni qoplash tartibini ishlab chiqish vazifasi yuklatilsin.