Alkogolli mahsulotlar bilan chakana savdo qiluvchi tadbirkorlik subyektlarini qo‘shimcha shart-sharoitlar bilan ta’minlash maqsadida, “Alkogol va tamaki mahsulotlarining tarqatilishi hamda iste’mol qilinishini cheklash to‘g‘risida” 2011-yil 5-oktabrdagi O‘RQ-302-son O‘zbekiston Respublikasi Qonuni talablarini bajarish yuzasidan Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasining “Chakana savdo va umumiy ovqatlanish sohasida “Alkogol va tamaki mahsulotlarining tarqatilishi hamda iste’mol qilinishini cheklash to‘g‘risida”gi O‘zbekiston Respublikasi Qonunini amalga oshirish chora-tadbirlari haqida” 2012-yil 7-martdagi 65-son qarorining 5-bandidagi “kechi bilan 2012-yil 5-oktabrgacha” so‘zlari “kechi bilan 2013-yil 1-aprelgacha” so‘zlari bilan almashtirilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.