Oʻzbekiston Respublikasi Hukumati va Oʻmon Sultonligi Hukumati, bundan keyin “Ahdlashuvchi Tomonlar” deb ataluvchilar,

ikki davlat oʻrtasida savdo va iqtisodiy hamkorlikni rivojlantirish va kengaytirish istagida, teng huquqlilik va oʻzaro manfaatdorlik tamoyillariga asoslangan holda, ikki mamlakatda amalda boʻlgan qonunlarga muvofiq,

quyidagilar toʻgʻrisida ahdlashib oldilar:

1. Ahdlashuvchi Tomonlar, ikki mamlakatda amalda boʻlgan qonunlarga asosan, oʻzaro savdo va iqtisodiy hamkorlikni rivojlantirishga intiladilar.

2. Hamkorlik quyidagi sohalarda amalga oshiriladi:

(a) sanoat;

(b) qishloq xoʻjaligi;

(v) transport;

(g) telekommunikatsiyalar, va

(d) investitsiyalar.

1. Ahdlashuvchi Tomonlar Tariflar va Savdo boʻyicha Bosh Bitim va Butunjahon savdo tashkilotini tashkil etish toʻgʻrisida Bitimda qayd etilganidek, bir-birlari uchun eng qulay rejim yaratadilar:

(a) bojxona toʻlovlari hamda tovarlarning koʻrsatilgan qiymati yoxud ularning importi yoki eksporti bilan bogʻliq boʻlgan har qanday turdagi yigʻimlar;

(b) bojxona rasmiylashtiruvi, tranzit, omborda saqlash, tovarlarni olib oʻtish va boshqa shu kabi xizmatlar;

(v) bevosita yohud bilvosita ravishda belgilangan soliqlar va boshqa ichki yigʻimlar;

(g) eksport va import qilingan tovarlar, ishlar va xizmatlar, shuningdek toʻlovlarni xalqaro oʻtkazmalar uchun toʻlovlar metodlari;

(d) savdo, sotib olish, tashish, tarqatish, omborda saqlash va ichki bozorda tovarlardan foydalanish qoidalari.

2. Har bir Ahdlashuvchi Tomon agar Ahdlashuvchi Tomonning milliy qonunchiligi bilan talab qilinmagan hollarda boshqa Ahdlashuvchi Tomonning davlati hududida ishlab chiqarilgan yoki import uchun moʻljallangan tovalarning importi va eksporti uchun beriladigan ruxsatnomalar (sertifikatlar, litsenziyalar va boshqalar)ga nisbatan kamsitmaslik rejimini qoʻllaydilar.

3. Eng qulay rejim shartlari quyidagilarga nisbatan qoʻllanilmasligi lozim:

(a) Ahdlashuvchi Tomonlardan biri chegara oldi savdosini va chegara boʻyi tashuvlarni yengillashtirish maqsadida qoʻshni davlatlarga berayotgan imtiyozlarga;

(b) mavjud erkin savdo zonalari va bojxona uyushmalari va savdo va iqtisodiy hamkorlikning boshqa koʻrinishlarida Ahdlashuvchi Tomonlardan birining hozirda va kelajakda ishtiroki bilan bogʻliq kafolatlangan maxsus imtiyozlarga yohud bojxona uyushmasi yoki erkin savdo zonasi barpo etish maqsadida uchinchi davlatga nisbatan imtiyozlarga;

(v) Tariflar va Savdo boʻyicha Bosh Bitim (GATT 1994), Butunjahon savdo tashkilotini tashkil etish toʻgʻrisida Bitim va boshqa xalqaro shartnomalarga muvofiq rivojlanayotgan yoki kam rivojlangan mamlakatlarga berilayotgan imtiyozlarga.

Ahdlashuvchi Tomonlar ikki mamlakat oʻrtasidagi savdo oqimini ragʻbatlantiradilar va mazkur Bitimda aks ettirilgan hamkorlikning sohalarida xoʻjalik subyektlari tomonidan loyihalarni amalga oshirish imkoniyatlarini taʼminlashga koʻmak beradilar.

Ahdlashuvchi Tomonlar xoʻjalik yurituvchi subyektlar oʻrtasidagi mazkur Bitim asosida imzolagan shartnomalari doirasidagi barcha toʻlovlar Ahdlashuvchi Tomonlarning milliy qonunchiligiga muvofiq erkin muomaladagi valyutada amalga oshiriladi.

(1) Har bir Ahdlashuvchi Tomon oʻz davlatlari hududlarida oʻtkaziladigan konferensiyalarda, seminarlarda, savdo koʻrgazmalarida va boshqa anjumanlarda boshqa Ahdlashuvchi Tomonning jismoniy va yuridik shaxslarining ishtirok etishini ragʻbatlantiradi.

(2) Har bir Ahdlashuvchi Tomon boshqa Ahdlashuvchi Tomonga tijorat delegatsiyalari almashinuvini amalga oshirishda koʻmaklashadi.

(1) Ahdlashuvchi Tomonlar qoʻshma loyihalar orqali ikki tomonlama iqtisodiy hamkorlikni amalga oshirilishini qoʻllab-quvvatlaydilar.

(2) Mazkur Bitimga asosan har bir Ahdlashuvchi Tomon ikki davlatning yuridik va jismoniy shaxslari oʻrtasidagi savdo va texnikaviy hamkorlikni rivojlantirish uchun barcha chora-tadbirlarni, ekspertlar, olimlar, texniklar, talabalar va shu soha mutaxassislarining oʻzaro almashinuvini amalga oshiradi, ilmiy izlanish va boshqa hamkorlik sohalarida yordam beradi.

(1) Har ikkala Ahdlashuvchi Tomonlar vakillaridan tuzilgan Qoʻshma savdo-iqtisodiy qoʻmita ikki davlat oʻrtasidagi savdo- iqtisodiy hamkorlikni rivojlantiradi va muvofiqlashtiradi. Qoʻshma qoʻmita faoliyatining asosiy vazifalari quyidagilardir:

(a) ushbu Bitimda belgilangan sohalarda maʼlum natijalarga erishish.

(b) Ahdlashuvchi Tomonlar oʻrtasida savdo, qishloq xoʻjalik va sanoat sohalaridagi hamkorlikni kengaytirish maqsadida turli usullar va vositalarni tatbiq qilish.

(v) ushbu Bitimning qoʻllanishi va talqin etilishi bilan bogʻliq nizolarni hal qilish.

(g) ushbu Bitimning tatbiq qilinishi yuzasidan takliflar berish va ularni qoʻllash.

(d) ushbu Bitimda belgilangan sohalarda yoki Ahdlashuvchi Tomonlar bilan kelishilgan boshqa sohalarda hamkorlikni rivojlantirish.

(2) Qoʻshma qoʻmita Ahdlashuvchi Tomonlardan birining tashabbusi va ikkinchi tomonning roziligi bilan Ahdlashuvchi Tomonlar hududida uchrashadilar.

(3) Qoʻshma qoʻmita oʻz ish faoliyatini oʻzi muvofiqlashtiradi.

(4) Ahdlashuvchi Tomonlarning roziligi bilan ularning ishbilarmonlar doirasi vakillari zarur holda Qoʻshma qoʻmitaning ish faoliyatida qatnashadilar.

(5) Qoʻshma qoʻmita hamraislari sifatida Oʻzbekiston Respublikasi tomoniga Tashqi iqtisodiy aloqalar, investitsiyalar va savdo vazirligi va Oʻmon Sultonligi tomoniga Milliy iqtisodiyot vazirligi boshchilik qiladi.

(6) Ushbu Bitimda belgilangan sohalardagi hamkorlikni amalga oshirish uchun Qoʻshma qoʻmitaning takliflari Ahdlashuvchi Tomonlarning ichki qonunchiligi va ular imzolagan xalqaro shartnomalar asosida amalga oshiriladi.

(1) Ushbu Bitimga Oʻzbekiston Respublikasi yoki Oʻmon Sultonligi tomonidan uchinchi davlat, mintaqaviy yoki xalqaro iqtisodiy tashkilotlar bilan oʻzaro imzolangan memorandum, shartnoma va bitimlardan kelib chiqadigan huquq va majburiyatlar taʼsir qilmaydi.

(2) Ahdlashuvchi Tomonlarning xoʻjalik faoliyatini yurituvchi subyektlari oʻrtasida tuzilgan shartnomalarga asosan, Ahdlashuvchi Tomonlar ularning xoʻjalik yurituvchi subyektlari tomonidan imzolangan shartnomalardan kelib chiqadigan majburiyatlari boʻyicha javobgar boʻlmaydilar.

Ushbu Bitim qoidalarini talqin qilish yoki qoʻllash boʻyicha kelishmovchiliklar paydo boʻlgan holda Ahdlashuvchi Tomonlar ularni oʻzaro konsultatsiyalar va muzokaralar yoʻli bilan hal etadilar.

Ushbu Bitim Ahdlashuvchi Tomonlardan birining diplomatik kanallar orqali boshqa Ahdlashuvchi Tomonning ushbu Bitimning kuchga kirishi uchun zarur boʻlgan ichki protseduralarni bajarganligi toʻgʻrisida diplomatik kanallar orqali soʻnggi yozma xabarnomani olgan kundan boshlab kuchga kiradi.

(1) Mazkur Bitim kuchga kirgandan soʻng besh (5) yil davomida amal qiladi va Tomonlardan birontasi ushbu Bitimning amal qilishini toʻxtatish toʻgʻrisidagi niyati haqida boshqa Tomonni tegishli besh yillik muddat tugashidan kamida olti oy ilgari yozma ravishda diplomatik kanallar orqali xabardor qilmasa, u oʻz-oʻzidan keyingi besh yillik muddatga uzaytiriladi.

(2) Mazkur Bitimning amal qilishi toʻxtatilgan holda, uning qoidalari Bitim amalda boʻlgan davrda tuzilgan shartnomalar va ular boʻyicha majburiyatlar bajarilgan keyingi muddat davomida amal qiladi.

Ushbu Bitimga Ahdlashuvchi Tomonlarning oʻzaro kelishuviga muvofiq oʻzgartish va qoʻshimchalar kiritilishi mumkin, Ahdlashuvchi Tomonlar bir-birlariga lozim boʻlgan davlat ichki protseduralarni bajarganliklari toʻgʻrisida diplomatik kanallar orqali soʻnggi yozma xabarnomani berganlaridan soʻng oʻzgartish va qoʻshimchalar kuchga kiradi.

UShBUNI TASDIQLAB, quyidagi vakillar tegishlicha oʻz hukumatlari tomonidan berilgan vakolatga ega boʻlgan holda mazkur Bitimni imzoladilar.

Maskat shahrida 2009-yil 5-oktabrda ikki asl nusxada, har biri oʻzbek, arab va ingliz tillarida tuzildi, bunda barcha matnlar bir xil kuchga ega. Talqin qilishda kelishmovchiliklar yuzaga kelsa, ingliz tilidagi matn ustuvor hisoblanadi.