Respublikada mineral, sintetik va yarim sintetik moylar ishlab chiqarishni qoʻshimcha qoʻllab-quvvatlashni taʼminlash maqsadida Vazirlar Mahkamasi qaror qiladi:

1. Vazirlar Mahkamasining “Yuqori sifatli texnik moylar ishlab chiqarish boʻyicha zamonaviy korxona tashkil etish chora-tadbirlari toʻgʻrisida” 2011-yil 15-noyabrdagi 304-son qarorining 2-bandiga quyidagi mazmundagi xat boshi qoʻshilsin:

“Uz-Prista” masʼuliyati cheklangan jamiyat qoʻshma korxonasiga 2012-2013-yillarda “Fargʻona neftni qayta ishlash zavodi” unitar shuʼba korxonasidan erkin almashtiriladigan valyutaga bazaviy moylar sotib olishda qoʻshilgan qiymat soligʻini Oʻzbekiston Respublikasi Markaziy bankining toʻlov kunidagi kursi boʻyicha milliy valyutada toʻlash huquqi berilsin”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I.Ibragimov zimmasiga yuklansin.