Oʻzbekiston Respublikasining “Oilaviy tadbirkorlik toʻgʻrisida” 2012-yil 26-apreldagi OʻRQ-327-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

1. Vazirlar Mahkamasining 1999-yil 3-iyuldagi 327-son qarori (Oʻzbekiston Respublikasi QT, 1999-y., 7-son, 35-modda) bilan tasdiqlangan Moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalarni tugatish tartibi toʻgʻrisidagi Nizomning 1.3-bandida:

quyidagi mazmundagi toʻrtinchi xatboshi qoʻshilsin:

“oilaviy korxonada yagona qatnashchi qolishi”;

toʻrtinchi xatboshi beshinchi xatboshi deb hisoblansin.

2. Vazirlar Mahkamasining 2003-yil 20-avgustdagi 357-son qarori (Oʻzbekiston Respublikasi QT, 2003-y., 8-son, 72-modda) bilan tasdiqlangan Tadbirkorlik subyektlarini davlat roʻyxatidan oʻtkazish, hisobga qoʻyish va ruxsat beruvchi hujjatlarni rasmiylashtirish tartibi toʻgʻrisidagi Nizomda:

a) 11-bandning ikkinchi xatboshidagi “taʼsis shartnomasi va ustav” soʻzlaridan keyin “oilaviy korxona” soʻzlari qoʻshilsin:

b) quyidagi mazmundagi 72¹-band qoʻshilsin:

“72¹. Oilaviy korxona rahbari almashgan, qatnashchi oilaviy korxona tarkibiga ixtiyoriy ravishda kirganda (uning tarkibidan chiqqanda), er-xotinlar oʻrtasidagi nikoh bekor qilingan yoki oilaviy korxona qatnashchisi vafot etgan taqdirda va bu holatlar oilaviy korxona balansiga berilgan, oilaviy korxona qatnashchilari mol-mulki roʻyxati oʻzgarishiga olib kelganda taʼsis shartnomasiga tegishli oʻzgartirish va qoʻshimchalar kiritiladi. Bunda oilaviy korxona taʼsis hujjatlariga kiritilgan oʻzgartirish va qoʻshimchalarni davlat roʻyxatidan oʻtkazish talab qilinmaydi”;

v) Nizomga 1-ilovaning I boʻlimiga “xususiy korxona” soʻzlaridan keyin “oilaviy korxona” soʻzlari qoʻshilsin.

4. Vazirlar Mahkamasining “Oilaviy tadbirkorlikni va hunarmandchilik faoliyatini rivojlantirish va kengaytirish chora-tadbirlari toʻgʻrisida” 2009-yil 29-iyuldagi 216-son qarorida (Oʻzbekiston Respublikasi QT, 2009-y., 7-son, 58-modda):

a) qaror nomi quyidagi tahrirda bayon qilinsin:

“Yuridik shaxs tashkil etmasdan oilaviy tadbirkorlikni hamda hunarmandchilik faoliyatini rivojlantirish va kengaytirish chora-tadbirlari toʻgʻrisida”;

b) 2-band quyidagi tahrirda bayon qilinsin:

“2. Yuridik shaxs tashkil etmasdan oilaviy tadbirkorlikni va hunarmandchilik faoliyatini amalga oshirish tartibi toʻgʻrisidagi Nizom ilovaga muvofiq tasdiqlansin”;

v) Nizom nomi quyidagi tahrirda bayon qilinsin:

“Yuridik shaxs tashkil etmasdan oilaviy tadbirkorlikni va hunarmandchilik faoliyatini amalga oshirish tartibi toʻgʻrisidagi Nizom”;

Nizomda:

1-band quyidagi tahrirda bayon qilinsin:

“1. Ushbu Nizom Oʻzbekiston Respublikasida yuridik shaxs tashkil etmasdan oilaviy tadbirkorlikni va hunarmandchilik faoliyatini amalga oshirish tartibini belgilaydi”;

14-band quyidagi tahrirda bayon qilinsin:

“14. Oilaviy tadbirkorlikda yoki hunarmandchilik faoliyatida qatnashayotgan 16 yoshdan 18 yoshgacha boʻlgan shaxslar uchun bir haftada 36 soatlik, 15 yoshdan 16 yoshgacha boʻlgan shaxslar uchun esa – bir haftada 24 soatlik ish vaqtidan oshmasligi lozim”;

17-bandda:

quyidagi mazmundagi beshinchi xatboshi qoʻshilsin:

“oʻquvchilarga tegishli mukofotlar toʻlash”;

beshinchi va oltinchi xatboshi tegishli ravishda oltinchi va yettinchi xatboshi deb hisoblansin.