Oʻzbekiston Respublikasining “Sugʻurta faoliyati toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 2002-y., 4-5-son, 68-modda) muvofiq buyuraman:

1. Oʻzbekiston Respublikasi moliya vazirining 2009-yil 7-apreldagi 42-son buyrugʻi bilan tasdiqlangan Aktuar xizmatlarini koʻrsatish tartibi toʻgʻrisidagi nizomga (roʻyxat raqami 1975, 2009-yil 26-iyun) (Oʻzbekiston Respublikasi qonun hujjatlari toʻplami, 2009-y., 26-son, 309-modda) ilovaga muvofiq oʻzgartirishlar va qoʻshimcha kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 2-bandda:

ikkinchi xatboshi quyidagi tahrirda bayon etilsin:

“aktuariy — maxsus vakolatli davlat organi tomonidan belgilangan tartibda aktuariy malaka sertifikatini olgan va aktuar tashkilot shtatida turgan yoki aktuar tashkilot bilan fuqarolik-huquqiy shartnoma tuzgan jismoniy shaxs”;

quyidagi mazmundagi xatboshi bilan toʻldirilsin:

“buyurtmachi — sugʻurtalovchi yoki aktuar xizmatlarining boshqa buyurtmachisi.”.

2. 8-banddagi “sugʻurtalovchining” va “sugʻurtalovchi” degan soʻzlar tegishlicha “buyurtmachining” va “buyurtmachi” degan soʻzlar bilan almashtirilsin.

3. 10-banddagi “sugʻurtalovchi” degan soʻz “buyurtmachi” degan soʻz bilan almashtirilsin.

4. 12-banddagi “sugʻurtalovchi”, “sugʻurtalovchidan”, “sugʻurtalovchiga” va “sugʻurtalovchining” degan soʻzlar tegishlicha “buyurtmachi”, “buyurtmachidan”, “buyurtmachiga” va “buyurtmachining” degan soʻzlar bilan almashtirilsin.

5. 13-banddagi “sugʻurtalovchiga” va “sugʻurtalovchi” degan soʻzlar tegishlicha “buyurtmachiga” va “buyurtmachi” degan soʻzlar bilan almashtirilsin.

6. 14, 23, 25, 31 va 34-bandlardagi “sugʻurtalovchi” degan soʻz “buyurtmachi” degan soʻz bilan almashtirilsin.

7. 16-banddagi “sugʻurtalovchiga” degan soʻz “buyurtmachiga” degan soʻz bilan almashtirilsin.

8. 19-banddagi “sugʻurtalovchining (shu jumladan, sugʻurta faoliyatini amalga oshirish uchun litsenziyaning seriyasi, raqami va berilgan sanasi) rekvizitlari, shuningdek aktuar xizmatlarini koʻrsatishning asosi va sugʻurtalovchi faoliyatining umumiy tavsifi bayon etiladi” degan soʻzlar “buyurtmachining (shu jumladan, mavjud boʻlganda sugʻurta faoliyatini amalga oshirish uchun litsenziyaning seriyasi, raqami va berilgan sanasi) rekvizitlari, shuningdek aktuar xizmatlarini koʻrsatishning asosi va buyurtmachi faoliyatining umumiy tavsifi bayon etiladi” degan soʻzlar bilan almashtirilsin.

9. 20-bandning uchinchi xatboshisidagi “sugʻurtalovchi” degan soʻz “buyurtmachi” degan soʻz bilan almashtirilsin.

10. 26-band quyidagi tahrirda bayon etilsin:

“26. Aktuar xulosasi buyurtmachiga aktuar xizmatlarini koʻrsatish shartnomasida nazarda tutilgan aktuar xizmatlarini koʻrsatish muddati tugaganidan keyin 10 ish kuni davomida taqdim etiladi.

Aktuar tashkilot tomonidan tasdiqlangan aktuar tekshiruvini amalga oshirish natijalari boʻyicha chiqarilgan aktuar xulosasining nusxasi Oʻzbekiston Respublikasi Moliya vazirligi huzuridagi Sugʻurta nazorati davlat inspeksiyasiga (bundan buyon matnda Davsugʻurtanazorat deb yuritiladi) aktuar xizmatlarini koʻrsatish shartnomasida nazarda tutilgan aktuar xizmatlarini koʻrsatish muddati tugaganidan keyin 10 ish kuni davomida taqdim etiladi.”.

11. 30-banddagi “sugʻurtalovchining (shuningdek, sugʻurta faoliyatini amalga oshirish uchun berilgan litsenziya raqami, seriyasi va berilgan sanasi)” degan soʻzlar “buyurtmachining (shu jumladan, mavjud boʻlganda sugʻurta faoliyatini amalga oshirish uchun berilgan litsenziya raqami, seriyasi va berilgan sanasi)” degan soʻzlar bilan almashtirilsin.