Davlat reyestridan chiqariladigan normativ-huquqiy hujjat boʻyicha 2011-yil 6-dekabrdagi xulosaga muvofiq hamda Oʻzbekiston Respublikasi Vazirlar Mahkamasining 1997-yil 9-oktabrdagi 469-sonli “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi (Oʻzbekiston Respublikasi Hukumati qarorlarining toʻplami, 1997-y., 10-son, 33-modda) va 2000-yil 19-maydagi 197-sonli “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi (Oʻzbekiston Respublikasi Hukumati qarorlarining toʻplami, 2000-y., 5-son, 26-modda) qarorlariga asosan, shuningdek Oʻzbekiston Kasaba uyushmalari Federatsiyasi Kengashining 2011-yil 9-noyabrdagi TN-08/972-son xatini inobatga olgan holda buyuraman:

1. Oʻzbekiston Respublikasi Kasaba uyushmalari Federatsiyasi Kengashi tomonidan 2000-yil 16-noyabrda DJ-07/533-son bilan tasdiqlangan Oʻzbekiston Respublikasi Adliya vazirligi tomonidan 1997-yil 15-mayda 344-son bilan roʻyxatga olingan Ishchi va bolalarni sogʻlomlashtirish uchun Oʻzbekiston Kasaba uyushmalari Federatsiyasi Kengashiga yoʻnaltiriladigan ijtimoiy sugʻurta mablagʻlarini hisobga olish va sarflash, sugʻurta badallarini hisoblash va toʻlash tartibi toʻgʻrisidagi yoʻriqnomaga 1-son oʻzgartirishlar va qoʻshimchalar (roʻyxat raqami 344-1, 2000-yil 6-dekabr) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestridan chiqarilsin va bu haqda mazkur davlat reyestriga tegishli yozuv kiritilsin.

2. Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) ushbu normativ-huquqiy hujjatni davlat reyestridan chiqarilganligini oʻn kun muddat ichida barcha manfaatdor shaxslar eʼtiboriga yetkazilishi ustidan nazoratni taʼminlasin.

3. Qonun hujjatlarini turkumlash va huquqiy axborot boshqarmasi (S. Nuriyev) ushbu buyruqni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Oʻzbekiston Kasaba uyushmalari Federatsiyasi Kengashi ushbu hujjatni Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestridan chiqarilganligini oʻn kun muddat ichida barcha manfaatdor shaxslar eʼtiboriga yetkazishi lozimligi maʼlumot uchun qabul qilinsin.

5. Mazkur buyruq davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

6. Mazkur buyruqning bajarilishini nazorat qilish vazirning birinchi oʻrinbosari E. Kanyazov zimmasiga yuklansin.