Oʻzbekiston Respublikasining Soliq kodeksi (Oʻzbekiston Respublikasi qonun hujjatlari toʻplami, 2007-y., 52 (I)-son) va Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 232-modda) 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Quyidagilar:

Oʻzbekiston Respublikasi Moliya vazirligi va Davlat soliq qoʻmitasi tomonidan 1994-yil 13-mayda 53, 118-son bilan tasdiqlangan qoʻshimcha qiymat soligʻini qoʻllash boʻyicha tushuntirish xati (roʻyxat raqami 52, 1994-yil 5-may);

Oʻzbekiston Respublikasi Moliya vazirligi va Davlat soliq qoʻmitasi tomonidan 1994-yil 1-iyulda 65, 128-son bilan tasdiqlangan “Oʻzbekiston Respublikasi Moliya vazirligi va Davlat soliq qoʻmitasining 1992-yil 25-martdagi 4-1-1-son va 1993-yil 15-yanvardagi 9/16-son yoʻriqnomalariga qoʻshimchalar kiritish toʻgʻrisida”gi qoʻshimcha (roʻyxat raqami 72, 1994-yil 13-iyun);

Oʻzbekiston Respublikasi Moliya vazirligi va Davlat soliq qoʻmitasi tomonidan 1997-yil 14-noyabrda 04-03-04/531, 97-94-son bilan tasdiqlangan 1997-yilda yer osti magistral muhandislik kommunikatsiyalariga yer osti boyliklaridan foydalanganlik uchun soliq solish boʻyicha tushuntirish (roʻyxat raqami 416, 1998-yil 31-mart) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.