Yoʻlovchilar tashish yoʻnalishlarida band boʻlgan avtomobilda tashuvchilarni tender boʻyicha tanlash mexanizmini takomillashtirish, shuningdek avtomobil transportida yoʻlovchilar va bagaj tashish qoidalarini tartibga solish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston avtomobil va daryo transporti agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yoʻlovchilar tashish yoʻnalishlarini joylashtirish uchun tenderlar oʻtkazishda qonun hujjatlari talablariga qatʼiy rioya etilishini taʼminlasinlar.

3. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi tenderlar oʻtkazishda raqobat toʻgʻrisidagi qonun hujjatlariga rioya etilishini taʼminlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Xoʻjayev zimmasiga yuklansin.

1. Vazirlar Mahkamasining 1998-yil 17-avgustdagi 350-son qarori bilan tasdiqlangan Shaharda yoʻlovchilar tashish yoʻnalishlarini joylashtirish uchun ochiq tenderlar tashkil etishga oid nizomda (4-ilova):

a) 2-bandda:

“viloyat (shahar)” soʻzlari “Oʻzbekiston Respublikasi” soʻzlari bilan almashtirilsin;

quyidagi mazmundagi xatboshilar qoʻshilsin:

“Tender qatnashchisi davlat soliq xizmati organlarida hisobda turishi hamda tender takliflarida tavsiya etilayotgan har bir avtotransport vositasi uchun tegishli litsenziyaga va litsenziya kartochkalariga ega boʻlishi shart. Tender qatnashchisi aynan bitta avtotransport vositalarini har xil yoʻnalishlarga tavsiya etishga haqli emas.

Tugatish yoki bankrotlik bosqichida turgan yoxud mulkiga arest solingan talabgorlarning tenderda qatnashishiga yoʻl qoʻyilmaydi”;

b) 7-band quyidagi tahrirda bayon qilinsin:

“7. Tender kamida ikki qatnashchi mavjud boʻlgan taqdirda oʻtkaziladi.

Tashuvchiga tender oʻtkazilmasdan yoʻnalishda ishlash huquqining birkitilishiga yoʻl qoʻyilmaydi, quyidagi holatlar bundan mustasno:

yangi yoʻnalish ochilgandan keyin uch-toʻrt oy mobaynida yangi yoʻnalishda avtotransport vositalarining muntazam sinov ishlari bajarilishi;

koʻcha-yoʻl tarmogʻida oldindan kutilmagan vaziyatlarda, ayrim uchastkalar, transport uzellari va maydonlari yopilganda vaqtinchalik yoʻnalishlar joriy etilishi;

yoʻnalishlarning tashkilotlar buyurtmalari boʻyicha soatbay haq toʻlash asosida bajarilishi;

dam olish zonalari, sport-sogʻlomlashtirish komplekslari, yarmarkalarning faoliyat koʻrsatish davrida mavsumiy yoʻnalishlarning tashkil etilishi;

maxsus yoʻnalishlar (tashkilotlar xodimlarini ishga olib borish va ishdan olib ketish kabilar uchun) tashkil etish.

Tenderda qatnashish uchun buyurtmanomalar mavjud boʻlmaganda yoxud unda atigi bir nafar tashuvchi qatnashganda Komissiya ushbu Nizomda nazarda tutilgan tartibda takroriy tender tashkil etishi kerak, bunda yoʻnalishlar paketiga yoki yoʻnalishga qoʻyiladigan talablarning qayta koʻrib chiqilishiga yoʻl qoʻyiladi.

Agar takroriy tenderni oʻtkazishda yoʻnalishga (yoʻnalishlar paketiga) yana atigi bir nafar tashuvchi talabgor boʻlsa, Komissiya ushbu tashuvchiga yoʻnalishda (yoʻnalishlar paketida) ishlash huquqini mazkur tashuvchining tender takliflari qoʻyilayotgan talablarga muvofiq boʻlgan taqdirda biriktirib qoʻyish huquqiga egadir”;

v) 12-bandning ikkinchi xatboshi quyidagi tahrirda bayon qilinsin:

“Buyurtmanomalar berish va tender hujjatlarini olish uchun belgilangan muddat tender oʻtkaziladigan sanadan 5 kun oldin tugaydi. Barcha buyurtmanomalar Komissiyaning tartib raqami qoʻyilgan va ip oʻtkazib tikilgan maxsus daftarida roʻyxatdan oʻtkaziladi”;

g) 14-banddagi “qiymatini” soʻzidan keyin “eʼlonlar chop etish xarajatlarini hisobga olgan holda” soʻzlari qoʻshilsin;

d) 15-bandda:

sakkizinchi xatboshidagi “konvertlar toʻplami (1 ta katta va 2 ta kichik) soʻzlari “konvert” soʻzlari bilan almashtirilsin;

toʻqqizinchi xatboshi chiqarib tashlansin.

oʻninchi va oʻn birinchi xatboshilar tegishli ravishda toʻqqizinchi va oʻninchi xatboshilar deb hisoblansin;

toʻqqizinchi xatboshidagi “Katta” soʻzi chiqarib tashlansin;

e) 16-bandning birinchi xatboshi quyidagi tahrirda bayon qilinsin:

“Tender takliflarini qabul qilish tender oʻtkazilishidan bir kun oldin toʻxtatiladi”;

j) 19-bandda:

birinchi xatboshi quyidagi tahrirda bayon qilinsin:

“Qatnashchining imzosi va muhri qoʻyilgan tender takliflari Komissiyaga konvertda taqdim etiladi”;

ikkinchi xatboshidagi “konvertlar toʻplami” soʻzlari “konvert” soʻzi bilan almashtirilsin;

z) 20-banddagi “komissiyasi” soʻzidan keyin “yoki u saylagan hisoblash guruhi” soʻzlari qoʻshilsin;

i) 22 va 24-bandlar oʻz kuchini yoʻqotgan deb hisoblansin.

k) 25-bandning birinchi xatboshi quyidagi tahrirda bayon qilinsin:

“Tender takliflari quyidagi koʻrsatkichlar boʻyicha koʻrib chiqiladi va baholanadi”;

l) 27-bandga quyidagi mazmundagi uchinchi xatboshi qoʻshilsin:

“Ataylab past tarif bilan tender takliflari taqdim etilishiga yoʻl qoʻymaslik maqsadida Komissiya tender talablarida rentabellilikni hisobga olgan holda tarifning yoʻl qoʻyiladigan eng kam chegarasini belgilashga haqlidir”;

uchinchi xatboshi toʻrtinchi xatboshi deb hisoblansin;

m) 29-band quyidagi tahrirda bayon qilinsin:

“29. Eng koʻp miqdorda ball olgan tashuvchi aniqlangandan keyin Komissiya raisi ushbu qatnashchi toʻgʻrisidagi maʼlumotlarni oʻqib eshittiradi”;

n) 30-band quyidagi tahrirda bayon qilinsin:

“30. Tender oʻtkazishdagi tartibot izchilligi quyidagicha boʻladi:

a) Komissiyaning barcha aʼzolariga tender takliflarini baholash shakllari tarqatiladi, ular tender takliflarini baholash shakllariga paket raqamini, qatnashchi raqamini qoʻyishi va oʻz familiyasini (7-ilova) yozishlari kerak.

Komissiya raisi yakuniy baholar qoʻyiladigan shaklni oʻzida qoldiradi (8-ilova);

b) Komissiya raisi katta konvertning oʻng tomonidagi yuqori burchagiga yirik raqamlar bilan birinchi tartib raqamini qoʻyadi;

v) soʻngra rais tender takliflari joylangan konvertni ochadi, takliflarning har qaysi nusxasiga birinchi tartib raqamini qoʻyib chiqadi va ularni Komissiya aʼzolariga tarqatadi;

g) Komissiya aʼzolari ushbu takliflarni koʻrib chiqadilar va tender takliflarining har qaysi bandi boʻyicha baho qoʻyadilar. Komissiya aʼzolarining baholari konvertga birinchi tartib raqami bilan joylashtiriladi.

Xuddi shunday tartibot mazkur yoʻnalishlarning qolgan barcha konvertlari boʻyicha amalga oshiriladi;

d) Komissiya raisi olingan ballar asosida ushbu yoʻnalishlar paketiga _____raqamli qatnashchi tender gʻolibi boʻlganligini eʼlon qiladi;

e) tender gʻolibining tartib raqami yozilgan katta konvertdan Komissiya raisi qatnashchi toʻgʻrisidagi maʼlumotlarni oladi va ochiq tenderda yutib chiqqan hamda kontrakt tuzish huquqini olgan gʻolibning maʼlumotlarini Komissiya aʼzolariga oʻqib beradi”;

o) 31-bandning ikkinchi xatboshidagi “Komissiya raisi tomonidan imzolanadi va hokimlik muhri bilan tasdiqlanadi” soʻzlari “Shahar yoʻlovchilar tashish transportini boshqarish organi rahbari tomonidan imzolanadi va ushbu organning muhri bilan tasdiqlanadi” soʻzlari bilan almashtirilsin;

p) 32-bandning uchinchi xatboshiga “boʻyicha” soʻzidan keyin “uning tender takliflarining haqiqiyligi Komissiya tomonidan aniqlanishi kerak boʻlgan” soʻzlari qoʻshilsin.

2. Vazirlar Mahkamasining “Shahar atrofi, shaharlararo va xalqaro yoʻlovchilar tashish avtomobil transportida ochiq tenderlarni tashkil etish va oʻtkazish masalalari toʻgʻrisida” 1999-yil 29-iyuldagi 368-son qarorida (Oʻzbekiston Respublikasi QT, 1999-y., 7-son, 44-modda):

a) Shahar atrofida, shaharlararo (viloyatlar ichida, viloyatlararo) va xalqaro yoʻlovchilar tashish yoʻnalishlarini joylashtirish uchun ochiq tenderlarni tashkil etish va oʻtkazish toʻgʻrisidagi nizomda (2-ilova):

2-band quyidagi tahrirda bayon qilinsin:

“2. Ochiq tenderda belgilangan tartibda Oʻzbekiston Respublikasi hududida roʻyxatdan oʻtkazilgan, davlat soliq xizmati organlarida hisobda turadigan avtomobil transportida tegishli ravishda shahar atrofida shaharlararo, xalqaro yoʻlovchilar tashishlarni amalga oshirish huquqini beruvchi litsenziyaga hamda tender takliflarida tavsiya etilayotgan har bir avtotransport vositasi uchun litsenziya kartochkalariga ega boʻlgan har qanday yuridik shaxs qatnashishi mumkin. Har bir transport vositasini bittalab koʻrikdan oʻtkazish boʻyicha belgilangan namunadagi, yoʻl harakati xavfsizligi hududiy boshqarmasi muhri bilan tasdiqlangan, ijobiy xulosali dalolatnomaning mavjud boʻlishi qatnashchi uchun majburiy shart hisoblanadi. Tender qatnashchisi aynan bitta avtotransport vositalarini har xil yoʻnalishlarga tavsiya etishga haqli emas.

Tugatish yoki bankrotlik bosqichida turgan yoxud mulkiga arest solingan talabgorlarning tenderda qatnashishiga yoʻl qoʻyilmaydi”;

4-bandning birinchi xatboshiga “shuningdek uzunligi kamida 400 km boʻlgan ushbu yoʻnalishlarning alohida jadvallari”;

5-band quyidagi tahrirda bayon qilinsin:

“5. Tender kamida ikki qatnashchi mavjud boʻlgan taqdirda oʻtkaziladi.

Tashuvchiga tender oʻtkazilmasdan yoʻnalishda ishlash huquqining birkitilishiga yoʻl qoʻyilmaydi, quyidagi holatlar bundan mustasno:

yangi yoʻnalish ochilgandan keyin uch-toʻrt oy mobaynida yangi yoʻnalishda avtotransport vositalarining muntazam sinov ishlari bajarilishi;

koʻcha-yoʻl tarmogʻida oldindan kutilmagan vaziyatlarda, ayrim uchastkalar, transport uzellari va maydonlari yopilganda vaqtinchalik yoʻnalishlar joriy etilishi;

yoʻnalishlarning tashkilotlar buyurtmalari boʻyicha soatbay haq toʻlash asosida bajarilishi;

dam olish zonalari, sport-sogʻlomlashtirish komplekslari, yarmarkalarning faoliyat koʻrsatish davrida mavsumiy yoʻnalishlarning tashkil etilishi;

maxsus yoʻnalishlar (tashkilotlar xodimlarini ishga olib borish va ishdan olib ketish kabilar uchun) tashkil etish.

Tenderda qatnashish uchun buyurtmanomalar mavjud boʻlmaganda yoxud unda atigi bir nafar tashuvchi qatnashganda Komissiya ushbu Nizomda nazarda tutilgan tartibda takroriy tender tashkil etishi kerak, bunda yoʻnalishga (yoʻnalishlar paketiga yoki jadvalga) yoʻnalishga qoʻyiladigan talablarning qayta koʻrib chiqilishiga yoʻl qoʻyiladi.

Agar takroriy tenderni oʻtkazishda yoʻnalishga (yoʻnalishlar paketiga) yana atigi bir nafar tashuvchi talabgor boʻlsa, Komissiya ushbu tashuvchiga yoʻnalishda (yoʻnalishlar paketida yoki jadvalida) ishlash huquqini mazkur tashuvchining tender takliflari qoʻyilayotgan talablarga muvofiq boʻlgan taqdirda biriktirib qoʻyish huquqiga egadir”;

7-banddagi “yoʻnalishlar paketlari” soʻzlaridan keyin “yoki jadvali” soʻzlari qoʻshilsin;

10-banddagi “bahosini” soʻzidan keyin “eʼlonlarni chop etish xarajatlarini hisobga olgan holda” soʻzlari qoʻshilsin;

11-bandning yettinchi—oʻn birinchi xatboshilari quyidagi mazmundagi yettinchi — oʻninchi xatboshilar bilan almashtirilsin;

“yoʻnalishda (yoʻnalishlar paketida, yoʻnalishning alohida jadvalida) yoʻlovchilar tashish transportida xizmatlar koʻrsatish boʻyicha kontraktning namunaviy shakli;

tender takliflari va qatnashchi toʻgʻrisidagi maʼlumotlarni Komissiyaga berish uchun konvert.

Konvertga tenderga qoʻyilayotgan yoʻnalishning (yoki yoʻnalishlar paketining, yoʻnalishning alohida jadvalining) nomi yoziladi.

Agar tenderga bittadan ortiq yoʻnalish (yoʻnalishlar paketi, yoʻnalishning alohida jadvali qoʻyilgan boʻlsa), u holda har qaysi yoʻnalish (yoki yoʻnalishlar paketining, yoʻnalishning alohida jadvali) uchun alohida konvert ajratilgan boʻlishi kerak. Tenderning u yoki bu qatnashchisini ajratib olish mumkin boʻlmasligi uchun konvertlarda hech qanday chiziqchalar yoki farqlovchi belgilar boʻlmasligi kerak. Tenderda qatnashishga talabgorga tender hujjatlari paketini berish maxsus daftarda roʻyxatdan oʻtkaziladi”;

19-bandning ikkinchi xatboshidagi “mazkur yoʻnalishda” soʻzlaridan keyin “(yoʻnalishlar paketida, yoʻnalishning alohida jadvalida)” soʻzlari qoʻshilsin;

20-bandning ikkinchi xatboshidagi “boʻyicha” soʻzidan keyin “uning tender takliflarining haqiqiyligi Komissiya tomonidan aniqlanishi kerak boʻlgan” soʻzlari qoʻshilsin;

b) Shaharlararo-viloyatlararo va xalqaro yoʻnalishlarni joylashtirish uchun ochiq tenderlar oʻtkazishni tashkil etish masalalari boʻyicha idoralararo komissiya tarkibidagi (4-ilova) “Oʻzavtotrans” DAK boshqaruvi raisining oʻrinbosari” soʻzlari “Oʻzbekiston avtomobil va daryo transporti agentligi boshligʻining oʻrinbosari” soʻzlari bilan almashtirilsin.

3. Vazirlar Mahkamasining 2003-yil 4-noyabrdagi 482-son qarori (Oʻzbekiston Respublikasi QT, 2003-y., 11-son, 108-modda) bilan tasdiqlangan Avtomobil transportida yoʻlovchilar va bagajni tashish qoidalari 6-bandining sakkizinchi xatboshidagi “belgilangan shakldagi” soʻzlari “qatʼiy hisobda turadigan” soʻzlari bilan almashtirilsin;

4. Vazirlar Mahkamasining 2006-yil 31-yanvardagi 11-son qarori (Oʻzbekiston Respublikasi QT, 2006-y., 1-son, 6-modda) bilan tasdiqlangan Toshkent shahrida yoʻlovchilar tashish yoʻnalishlarini joylashtirish uchun ochiq tenderlarni tashkil etish va oʻtkazish toʻgʻrisidagi nizomda:

a) 2-band quyidagi tahrirda bayon qilinsin:

“2. Tashuvchiga tender oʻtkazilmasdan yoʻnalishda ishlash huquqining birkitilishiga yoʻl qoʻyilmaydi, quyidagi holatlar bundan mustasno:

yangi yoʻnalish ochilgandan keyin uch-toʻrt oy mobaynida yangi yoʻnalishda avtotransport vositalarining muntazam sinov ishlari bajarilishi;

koʻcha-yoʻl tarmogʻida oldindan kutilmagan vaziyatlarda, ayrim uchastkalar, transport uzellari va maydonlari yopilganda vaqtinchalik yoʻnalishlar joriy etilishi;

yoʻnalishlarning tashkilotlar buyurtmalari boʻyicha soatbay haq toʻlash asosida bajarilishi;

dam olish zonalari, sport-sogʻlomlashtirish komplekslari, yarmarkalarning faoliyat koʻrsatish davrida mavsumiy yoʻnalishlar tashkil etilishi;

maxsus yoʻnalishlar (tashkilotlar xodimlarini ishga olib borish va ishdan olib ketish kabilar uchun) tashkil etish”;

b) 6-band quyidagi tahrirda bayon qilinsin:

“6. Tender kamida ikki qatnashchi mavjud boʻlgan taqdirda oʻtkaziladi.

Tenderda qatnashish uchun buyurtmanomalar mavjud boʻlmaganda yoxud unda atigi bir nafar tashuvchi qatnashganda Departament ushbu Nizomda nazarda tutilgan tartibda takroriy tender tashkil etishi kerak, bunda yoʻnalishlar paketiga yoki yoʻnalishga qoʻyiladigan talablarning qayta koʻrib chiqilishiga yoʻl qoʻyiladi.

Agar takroriy tenderni oʻtkazishda yoʻnalishga (yoʻnalishlar paketiga) yana atigi bir nafar tashuvchi talabgor boʻlsa, tender komissiyasi ushbu tashuvchiga yoʻnalishda (yoʻnalishlar paketida) ishlash huquqini mazkur tashuvchining tender takliflari qoʻyilayotgan talablarga muvofiq boʻlgan taqdirda birkitib qoʻyish huquqiga egadir”.