LexUZ sharhi
Ushbu Farmonga O‘zbekiston Respublikasi Prezidentining 1997-yil 3-noyabrdagi PF-1879-sonli Farmoniga asosan o‘zgartirish kirgan. Mazkur Farmonga muvofiq O‘zbekiston Respublikasi Vazirlar Mahkamasi huzuridagi O‘zbekiston Qishloq xo‘jaligi ilmiy-ishlab chiqarish markazi O‘zbekiston Respublikasi Qishloq va suv xo‘jaligi vazirligi huzuridagi O‘zbekiston Qishloq xo‘jaligi ilmiy-ishlab chiqarish markaziga aylantirilgan.
LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Qishloq xo‘jaligi fanining ishlab chiqarish bilan aloqasini mustahkamlash, bozor iqtisodiyotiga o‘tish sharoitlarida qishloq xo‘jaligi ishlab chiqarishining samaradorligini oshirishda ilmiy muassasalarning roli va mas’uliyatini kuchaytirish, respublika agrosanoat majmuidagi islohotlarni jadallashtirish maqsadida:
1. O‘zbekiston Qishloq xo‘jaligi fanlari akademiyasi umumiy yig‘ilishining uni O‘zbekiston Respublikasi Vazirlar Mahkamasi huzuridagi O‘zbekiston Qishloq xo‘jaligi ilmiy-ishlab chiqarish markaziga aylantirish to‘g‘risidagi taklifi qabul qilinsin.
ilmiy-tadqiqot institutlari, konstruktorlik byurolari, ilmiy-ishlab chiqarish birlashmalari va qishloq xo‘jaligiga ixtisoslashgan boshqa ilmiy hamda ilmiy-yordamchi tashkilotlar birlashmasi;
qaysi idoraga qarashligidan qat’i nazar, agrosanoat majmui sohasida respublika ilmiy muassasalari va Oliy o‘quv yurtlari tomonidan olib borilayotgan ilmiy tadqiqotlarni muvofiqlashtiruvchi organ;
majburiyatlari bo‘yicha O‘zbekiston Qishloq xo‘jaligi fanlari akademiyasining huquqiy vorisi hisoblanadi.
2. Belgilab qo‘yilsinki, O‘zbekiston Qishloq xo‘jaligi ilmiy-ishlab chiqarish markazi o‘z ishini O‘zbekiston Respublikasi Qishloq va suv xo‘jaligi vazirligi va boshqa vazirliklar hamda idoralar bilan birgalikda, markazning ilmiy-tadqiqot tashkilotlari faoliyatini eng avvalo qishloq xo‘jaligi tarmoqlari chuqur o‘rganishga va uni kelajakda rivojlantirishning prinsipial yo‘nalishlarini ishlab chiqishga, shuningdek, qishloq xo‘jaligi tovar ishlab chiqaruvchilarining aniq amaliy vazifalarini hal etishga yo‘naltirgan holda quradi.
3. Quyidagilar O‘zbekiston qishloq xo‘jaligi ilmiy-ishlab chiqarish markazining asosiy vazifalari hisoblansin:
Vatanimiz va jahon ilm-fani va amaliyotining eng yaxshi yutuqlaridan to‘laroq foydalanishni hisobga olgan holda respublika agrosanoat majmuining eng muhim muammolari bo‘yicha ilmiy tadqiqotlarni tashkil etish. Ularning natijalarini qishloq xo‘jaligining samaradorligini yanada oshirish maqsadida qishloq xo‘jaligi ishlab chiqarishiga joriy etish;
sug‘oriladigan va lalmi yerlarning unumdorligini hamda samaradorligini oshirishning ilmiy-uslubiy asoslarini ishlab chiqish, qishloq xo‘jaligi ekinlariga ishlov berishning, chorva mollari va parranda o‘stirishning, yer va suv resurslaridan oqilona foydalanishning resurslarni tejovchi texnologiyalarni joriy etish;
seleksiya va urug‘chilik, naslchilik ishi sohasidagi tadqiqotlarni kengaytirish, seleksiyaga oid yutuqlarni sinab ko‘rish va muhofaza qilish;
ilmiy tadqiqotlar sohasida shartnoma munosabatlarini rivojlantirish, tugallangan ishlanmalarni qishloq xo‘jaligi ishlab chiqarishiga joriy qilish uchun ilmiy xodimlar va mutaxassislarning manfaatdorligini hamda mas’uliyatini rag‘batlantiruvchi chora-tadbirlarni ishlab chiqish;
qishloq va suv xo‘jaligida iqtisodiy islohotlarni chuqurlashtirish, yuqori samarali, ijtimoiy yo‘naltirilgan ko‘p ukladli iqtisodiyotni shakllantirish, tovar ishlab chiqaruvchining iqtisodiy mustaqilligini kengaytirish, xo‘jalik ichidagi munosabatlar mexanizmini takomillashtirish, qishloqda xususiy tadbirkorlikni va kichik biznesni shakllantirish muammolarini hal etish yo‘llarini ishlab chiqish;
yuqori unum bilan ishlaydigan, mustahkam va tejamkor qishloq xo‘jaligi mashinalari va mexanizmlarning yangi turlarini yaratish va joriy etish;
eskidan sug‘orib kelinayotgan yerlarning meliorativ holatini yaxshilash va rekonstruksiya qilishning ilmiy asoslarini ishlab chiqish va joriy etish, yangi yerlarni o‘zlashtirish, sug‘orishning ilg‘or usullarini va suvni tejovchi texnologiyalarni joriy etish;
qishloq xo‘jaligini tashkil etish va yuritishning jahon ilg‘or tajribasini o‘rganish va ijodiy qo‘llash, xalqaro va xorijdagi yetakchi ilmiy tadqiqot markazlari bilan hamkorlikni rivojlantirish;
respublikada va xorijda qishloq va suv xo‘jaligi rahbarlari va mutaxassislarini qayta tayyorlash hamda ularning malakasini oshirishni tashkil etishda qatnashishi.
4. Ilmiy tadqiqot tashkilotlarning qishloq xo‘jaligi tovar ishlab chiqaruvchilari bilan aloqalarini mustahkamlash va ilmiy texnik ishlanmalarni hayotga samarali joriy etish maqsadida Qoraqalpog‘iston Respublikasida va viloyatlarda O‘zbekiston qishloq xo‘jaligi ilmiy ishlab chiqarish markazining bo‘linmalari tuzilsin.
5. Sobiq O‘zbekiston Qishloq xo‘jaligi fanlar akademiyasining haqiqiy a’zolari va muxbir a’zolarining amaldagi barcha imtiyozlari, shu jumladan, gonorarlar saqlab qolinsin.
6. O‘zbekiston Respublikasi Fanlar akademiyasiga akademiya tarkibida qishloq xo‘jaligi fanlari bo‘limini tashkil etish tavsiya etilsin.
7. O‘zbekiston Respublikasi Prezidentining 1991-yil 11-iyundagi 218-son farmoni o‘z kuchini yo‘qotgan deb hisoblansin.
8. Vazirlar Mahkamasi ikki hafta muddatda O‘zbekiston qishloq xo‘jaligi ilmiy-ishlab chiqarish markazi faoliyatini tashkil etish masalalari yuzasidan qaror qabul qilsin.