“Sudlar toʻgʻrisida”gi Oʻzbekiston Respublikasi Qonunining 47-moddasiga asoslanib, Oʻzbekiston Respublikasi Oliy xoʻjalik sudining Plenumi qaror qiladi:

I. Oʻzbekiston Respublikasi Oliy xoʻjalik sudi Plenumining 1993-yil 3-iyundagi “Mahsulotlar, tovarlar yetkazib berishda kamomad chiqishi bilan bogʻliq nizolarni hal etish amaliyoti toʻgʻrisida”gi 17-sonli qaroriga quyidagi oʻzgartishlar kiritilsin:

1) kirish qismidagi “Hakamlik sudi va xoʻjalik nizolarini hal etish tartibi toʻgʻrisida”gi Oʻzbekiston Respublikasi Qonunining 24-moddasiga amal qilingan holda” soʻzlari “Sudlar toʻgʻrisida”gi Oʻzbekiston Respublikasi Qonunining 47-moddasiga asoslanib” soʻzlari bilan almashtirilsin;

2) 1 -band quyidagi tahrirda bayon etilsin:

“1. Mahsulotlar (tovarlar) yetkazib berishda kamomad chiqishi bilan bogʻliq nizolarni hal etishda xoʻjalik sudlari Oʻzbekiston Respublikasi Fuqarolik kodeksi, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuni va mahsulotlar (tovarlar) yetkazib berish hamda ularni qabul qilish qoidalarini tartibga soluvchi boshqa qonun hujjatlarini qoʻllashlari lozim”;

3) 2-band quyidagi tahrirda bayon etilsin:

“2. Xoʻjalik sudlarining eʼtibori har bir ishni sud majlisiga puxta tayyorlash, kamomad paydo boʻlishining sabablari va joyini aniqlash uchun zarur boʻlgan hamma dalillarni taraflardan taqdim etilishini, sud majlisida nizolashayotgan taraflarning rahbarlarini yoki ular tomonidan vakil qilingan, mahsulotni yuklab joʻnatish, transportda tashish va qabul qilib olish masalalaridan xabardor boʻlgan, masʼul vakillarning ishtirokini taʼminlash lozimligiga qaratilsin.

Zarur hollarda sudlar mahsulotlar (tovarlar)ni yuklab joʻnatish va qabul qilishda qatnashgan shaxslardan tushuntirishlar talab qilish yoki ularni xoʻjalik sudi majlisiga chaqirish huquqiga ega. Bunday tushuntirishlar sudlar tomonidan ish boʻyicha boshqa dalillar bilan bir qatorda baholanishi zarur”;

4) 4-bandning birinchi xatboshisi “Sudlarga tushuntirilsinki,” soʻzlari bilan toʻldirilsin.

II. Oʻzbekiston Respublikasi Oliy xoʻjalik sudi Plenumining 1994-yil 5-yanvardagi “Meva-sabzavot mahsulotlarini yetkazib berish va temir yoʻl orqali tashish chogʻidagi kamomad hamda buzilib qolishi bilan bogʻliq nizolarni hal qilish amaliyoti toʻgʻrisida”gi 22-sonli qaroriga quyidagi oʻzgartishlar kiritilsin:

1) kirish qismidagi “Oʻzbekiston Respublikasi “Sudlar toʻgʻrisida”gi Qonunining 46-moddasiga asoslanib” soʻzlari ““Sudlar toʻgʻrisida”gi Oʻzbekiston Respublikasi Qonunining 47-moddasiga asoslanib” soʻzlari bilan almashtirilsin;

2) 1-banddagi “Oʻzbekiston Respublikasi qonunlariga, xalq isteʼmoli mollarini yetkazib berish toʻgʻrisidagi Nizomning” soʻzlari “Oʻzbekiston Respublikasi Fuqarolik kodeksi, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuni” soʻzlari bilan almashtirilsin;

3) 9-bandning ikkinchi xatboshisidagi “tovar ekspertizalari inspeksiyasi yoki byurosidan” soʻzlari “Oʻzstandart” agentligi tomonidan tegishli tartibda akkreditatsiya qilingan mutaxassislar, tashkilotlar (sertifikatlash, yukni ortib joʻnatishdan oldin inspeksiya qiladigan organ)” soʻzlari bilan almashtirilsin.

III. Oʻzbekiston Respublikasi Oliy xoʻjalik sudi Plenumining 1996-yil 1-martdagi “Oʻzbekiston Respublikasi Oliy xoʻjalik sudi qoshidagi Ilmiy-maslahat kengashi toʻgʻrisidagi Nizomni tasdiqlash haqida”gi 48-sonli qarori bilan tasdiqlangan Ilmiy-maslahat kengashi toʻgʻrisidagi Nizomga quyidagi oʻzgartishlar kiritilsin:

1) 1-bandi birinchi xatboshisidagi “82-moddasiga binoan” degan soʻzlar “81-moddasiga binoan” soʻzlari bilan almashtirilsin;

2) 1-bandi uchinchi xatboshisidagi “Kengashga Oʻzbekiston Respublikasi Oliy xoʻjalik sudi raisining oʻrinbosari boshchilik qiladi” degan soʻzlari “Kengashga Oʻzbekiston Respublikasi Oliy xoʻjalik sudining raisi boshchilik qiladi” degan soʻzlar bilan almashtirilsin;

3) 1-bandining toʻrtinchi xatboshisi quyidagi tahrirda bayon etilsin:

“Kengashning yalpi yigʻilishlari kengash raisi tomonidan zaruriyat tugʻilganda chaqiriladi”;

4) 2-bandining 2.2-kichik bandi quyidagi tahrirda bayon etilsin:

“2.2. Xoʻjalik nizolarini koʻrib chiqadigan Oʻzbekiston Respublikasi xoʻjalik sudlari oldiga qoʻyilgan vazifalarni hal etish boʻyicha ilmiy yondashuvlar ishlab chiqish va sud amaliyotini nazariy jihatdan umumlashtirish”;

5) 2-bandi 2.3-kichik bandining birinchi xatboshisidagi “xoʻjalik nizolarini hal etuvchi organlar” soʻzlari “xoʻjalik sudlari” soʻzlari bilan almashtirilsin;

6) 2-bandi 2.3-kichik bandining ikkinchi xatboshisidagi “xoʻjalik nizolarini hal etuvchi organlar” soʻzlari “xoʻjalik sudlari” soʻzlari bilan almashtirilsin;

7) 4-bandi 4.2-kichik bandining “xoʻjalik nizolarini hal etuvchi organ” soʻzlari “xoʻjalik sudlari” soʻzlari bilan almashtirilsin;

8) 7-bandning birinchi xatboshisidagi “Oʻzbekiston Respublikasi Oliy xoʻjalik sudi va xoʻjalik nizolarini hal etuvchi boshqa organlar” soʻzlari “Xoʻjalik sudlari” soʻzlari bilan almashtirilsin;

9) 11-bandidagi “Qoraqalpogʻiston Respublikasi va viloyat xoʻjalik sudlarining raislari, boshqa xodimlari” soʻzlari “Qoraqalpogʻiston Respublikasi, viloyatlar va Toshkent shahar xoʻjalik sudlari raislari” soʻzlari bilan almashtirilsin;

10) 13-bandining ikkinchi xatboshisi chiqarilsin;

11) 14-bandi quyidagi tahrirda bayon etilsin:

“Ilmiy-maslahat kengashi ishini texnik jihatdan taʼminlash Oʻzbekiston Respublikasi Oliy xoʻjalik sudi Plenumining kotibiyati tomonidan amalga oshiriladi”.

IV. Oʻzbekiston Respublikasi Oliy xoʻjalik sudi Plenumining 1999-yil 4-martdagi “Oʻzbekiston Respublikasining “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunini xoʻjalik sudlari amaliyotida qoʻllashning ayrim masalalari haqida”gi 103-sonli qaroriga quyidagi oʻzgartish kiritilsin:

16-bandidagi “Xoʻjalik sudlari tomonidan Oʻzbekiston Respublikasi Fuqarolik kodeksining javobgarlik toʻgʻrisidagi qoidalarini qoʻllashning ayrim masalalari haqida”gi 1999-yil 5-fevraldagi 77-son” soʻzlari “2007-yil 15-iyundagi “Majburiyatlarni bajarmaganlik yoki lozim darajada bajarmaganlik uchun mulkiy javobgarlikni belgilovchi fuqarolik qonun hujjatlarini qoʻllashning ayrim masalalari haqida”gi 163-sonli” soʻzlari bilan almashtirilsin.

V. Oʻzbekiston Respublikasi Oliy xoʻjalik sudi Plenumining 1997-yil 28-fevraldagi “Oʻzbekiston Respublikasi xoʻjalik sudlarining malaka darajasiga ega boʻlgan sudya va xodimlariga uzoq muddatli xizmati uchun qoʻshimcha haq toʻlash tartibi toʻgʻrisida”gi Nizomni tasdiqlash toʻgʻrisida”gi 65-sonli qarori oʻz kuchini yoʻqotgan deb hisoblansin.

VI. Oʻzbekiston Respublikasi Oliy xoʻjalik sudi Plenumining 2002-yil 26-iyuldagi “Oʻzbekiston Respublikasi Fuqarolik kodeksining kafillik toʻgʻrisidagi meʼyorlarini qoʻllash bilan bogʻliq nizolarni hal qilishning ayrim masalalari haqida”gi 104-sonli qarori oʻz kuchini yoʻqotgan deb hisoblansin.

VII. Oʻzbekiston Respublikasi Oliy xoʻjalik sudi Plenumining 2004-yil 23-iyuldagi “Nazorat qiluvchi organlar faoliyatini tartibga solishga oid qonun hujjatlarini amaliyotda qoʻllashning ayrim masalalari haqida”gi 116-sonli qarori oʻz kuchini yoʻqotgan deb hisoblansin.