Vazirlar Mahkamasi qayd etadiki o‘tgan davrda respublikada iqtisodiy o‘sishni barqarorlashtirishga va aholi turmush darajasini oshirishga va 1999-yilda ijtimoiy-iqtisodiy islohotlarni yanada chuqurlashtirishga yo‘naltirilgan kompleks chora-tadbirlar amalga oshirildi.

Yalpi ichki mahsulot shu yilning 9 oyida o‘tgan yilning tegishli davriga nisbatan 1044 foizni tashkil etdi. Yalpi ichki mahsulotning 65 foizdan ko‘prog‘i nodavlat sektorda ishlab chiqarildi. Sanoat (1061 foiz) qishloq xo‘jaligi mahsulotlari (1049 foiz) kapital qo‘yilmalar (1160 foiz) chakana savdo tovar oboroti (1131 foiz) aholiga pulli xizmatlar ko‘rsatish hajmlari (1124 foiz) o‘sdi.

Davlat budjeti taqchilligi belgilangan ko‘rsatkichlardan oshmadi. xarajatlardagi naqd pul emissiyasi ulushi belgilangan 12 foiz o‘rniga 8 foizni tashkil etdi. Inflatsiya darajasi o‘tgan yilning tegishli davriga nisbatan 17 baravar pasaydi. Aholining real daromadlari oshdi.

Fond bozorini faollashtirishga tadbirkorlikni rivojlantirish, tadbirkorlikni qo‘llab-quvvatlashga va aksiyadorlik jamiyatlari aksiyalari paketlarining o‘z vaqtida sotilishi uchun rahbarlarning javobgarligini oshirishga yo‘naltirilgan bir qator me’yoriy hujjatlar qabul qilindi.

Shu bilan birga tashqi savdo oborotidagi ijobiy saldoga qaramasdan “O‘zavtosanoat”, “O‘zkimyosanoat”, “O‘zbekyengilsanoat”, “O‘zmashsanoat” uyushmalari, “O‘zmevasabzavotuzumsanoatxolding”, “O‘zqishloqxo‘jalikmashxolding” kompaniyalari, “O‘zqurilishmateriallari” aksiyadorlik kompaniyasi, “Chkalov nomidagi Toshkent aviatsiya ishlab chiqarish birlashmasi” davlat aksiyadorlik birlashmasi, “O‘zbekneftgaz” milliy korporatsiyasi rahbarlari eksport va valyuta tushumi prognoz hajmlarini bajarish yuzasidan zarur chora-tadbirlar ko‘rmayaptilar.

“O‘zeltexsanoat”, “O‘zavtosanoat”, “O‘zmashsanoat”, “O‘zbektransqurilish” uyushmalari “O‘zparrandasanoat” birlashmasi “O‘zsuvqurilish” davlat konserni rahbarlari tomonidan korxonalar aksiyalarini sotish tarmoq dasturlarini bajarish bo‘yicha aniq chora-tadbirlar ko‘rilmayapti.

Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari Tovar ishlab chiqaruvchilar va tadbirkorlar palatasi Dehqon va fermer xo‘jaliklari uyushmasi tijorat banklari tomonidan kichik va o‘rta biznesni rivojlantirish xorijiy kredit liniyalarini o‘zlashtirish ishlari sust amalga oshirilmoqda.

“O‘zbekyengilsanoat”, “O‘zkimyosanoat” uyushmalari “O‘zqishloqxo‘jalikmashxolding” kompaniyasi rahbarlari xorijiy investitsiyalarni jalb qilish dasturining bajarilishini ta’minlashmayapti.

To‘lanmagan o‘zaro to‘lovlar darajasini qisqartirish ayniqsa Energetika vazirligi, Qishloq va suv xo‘jaligi vazirligi, Kommunal xizmat ko‘rsatish vazirligi, “O‘zkimyosanoat” uyushmasi, “O‘zbekneftgaz” milliy korporatsiyasi korxonalarida sust bormoqda.

Bir qator mintaqalarda Qishloq xo‘jaligida iqtisodiy islohotlarni chuqurlashtirish dasturi zarur darajada amalga oshirilmayapti. Qoraqalpog‘iston Respublikasida Jizzax va Sirdaryo viloyatlarida paxta yig‘im-terimi Qoraqalpog‘iston Respublikasida Qashqadaryo va Jizzax viloyatlarida kuzgi boshoqli don ekinlari ekish sur’atlari pastligicha qolmoqda.

Iqtisodiy islohotlarni chuqurlashtirish chora-tadbirlarini so‘zsiz bajarish sa’y-harakatlarni iqtisodiy o‘sish va ijtimoiy rivojlantirishning joriy yil oxirigacha belgilangan ko‘rsatkichlariga erishishga qaratish maqsadida Vazirlar Mahkamasi qaror qiladi:

1. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, konsernlar, korporatsiyalar, uyushmalar va kompaniyalar quyidagilarni amalga oshirishga qaratilgan qo‘shimcha chora-tadbirlarni ishlab chiqsinlar va amalga oshirsinlar:

to‘lov muddati o‘tgan debitorlik va kreditorlik qarzlarni tasdiqlangan jadvallarga muvofiq bartaraf etish to‘lov muddati o‘tgan debitorlik qarzlarning qaytadan ko‘payishiga yo‘l qo‘ymaslik;

korxonalarni sanatsiya qilish qayta ixtisoslashtirish umidsiz zarar ko‘rib ishlayotgan va istiqbolsiz korxonalarni tugatish bo‘yicha joriy yilga belgilangan dasturni nihoyasiga yetkazish;

tuzilgan shartnomalar bo‘yicha shu jumladan eksport qilish uchun raqobatbardoshli mahsulot ishlab chiqarishni ko‘paytirish eksport topshiriqlarini va valyuta tushumini majburiy sotishni so‘zsiz bajarish;

1999-yil uchun buyurtmalar portfelini shakllantirishni shu jumladan eksportga mahsulot yetkazib berish bo‘yicha tugallash;

obyektlarning kuz-qish davrida bir maromda ishlashini ta’minlovchi barcha tayyorgarlik tadbirlarini nihoyasiga yetkazish.

2. Vazirliklar, idoralar, konsernlar, korporatsiyalar, uyushmalar va kompaniyalar rahbarlari O‘zbekiston Respublikasi Davlat mulki qo‘mitasi bilan birgalikda:

xorijiy investorlar ulushi va erkin sotish bo‘yicha joylashtirilmagan aksiyalarni tarmoq dasturlarida nazarda tutilgan hajmlarda shu yil oxirigacha sotish yuzasidan aniq chora-tadbirlar ko‘rsinlar;

davlat mulkini xususiylashtirish dasturi va 1998-yilda pul tushumlari bajarilishini ta’minlasinlar;

O‘zbekiston Respublikasi Vazirlar Mahkamasining “Aksiyadorlik jamiyatlarini boshqarish tizimini takomillashtirishga doir chora-tadbirlar to‘g‘risida” 1998-yil 22-avgustdagi 361-son qarorini bajarish bo‘yicha aksiyadorlik jamiyatlari aksiyadorlari umumiy yig‘ilishlarining tasdiqlangan jadvallarga muvofiq o‘tkazilishini tugallasinlar.

3. O‘zbekiston Respublikasi Davlat mulki qo‘mitasi (V. A Chjen):

O‘zbekiston Respublikasi Moliya vazirligi boshqa vazirliklar, idoralar, konsernlar, korporatsiyalar va uyushmalar bilan birgalikda 1998-yilda xususiylashtirilgan korxonalar aksiyalarining sotilishi yakunlariga ko‘ra erkin resurslar qoldiqlarini tahlil qilsin va ushbu aksiyalarni sotishdan 1999-2000-yillarda davlat budjetiga tushadigan pul mablag‘lari miqdorini aniqlagan holda ularni sotish muddatlari bo‘yicha 1999-yil 10-yanvargacha Vazirlar Mahkamasiga taklif kiritsin;

vazirliklar, idoralar, konsernlar, korporatsiyalar va uyushmalar bilan birgalikda aksiyadorlik jamiyatlaridagi davlatning ishonchli vakillarini o‘qitish dasturini ikki hafta muddatda ishlab chiqsin, ularni o‘qitish jadvalini tasdiqlasin va o‘qitishni tashkil etsin;

Tovar ishlab chiqaruvchilar va tadbirkorlar palatasi Dehqon va fermer xo‘jaliklari uyushmasi, Biznes-fond, tijorat bilan birgalikda tijorat banklarida 1999-yilgi kredit dasturi doirasida kichik va o‘rta biznesni rivojlantirish uchun har bir kredit liniyasi bo‘yicha kreditlar berish shartlarini keng tadbirkorlar doirasiga yetkazgan holda shu yil oxirigacha kredit liniyalari ochilishini ta’minlasin.

4. Vazirliklar, idoralar, konsernlar, korporatsiyalar, uyushmalar va kompaniyalar:

mulkida davlat ulushi bo‘lgan istiqbolsiz va 1999-yilda bankrot qilinadigan xo‘jalik yurituvchi subyektlar ro‘yxatini;

mulkida davlat ulushi bo‘lgan va sanatsiya qilinadigan yoki qayta ixtisoslashtiriladigan korxonalar ro‘yxatini, shuningdek ularni moliyaviy sog‘lomlashtirish dasturini shu yilning 1-dekabrigacha tayyorlasinlar va Vazirlar Mahkamasi komplekslarining rahbarlari bilan kelishgan holda O‘zbekiston Respublikasi Davlat mulki qo‘mitasi huzuridagi Iqtisodiy nochor korxonalar ishlari qo‘mitasiga kiritsinlar, keyinchalik Korxonalar bankrotligi va sanatsiyasi masalalari bo‘yicha Hukumat komissiyasiga taqdim etsinlar.

Korxonalar bankrotligi va sanatsiyasi masalalari bo‘yicha hukumat komissiyasi 1999-yilda mulkida davlat ulushi bo‘lgan korxonalarni tugatish, sanatsiya qilish va qayta ixtisoslashtirish dasturini 1999-yil 1-yanvargacha ko‘rib chiqsin va tasdiqlasin.

5. Vazirliklar, idoralar, konsernlar, korporatsiyalar, uyushmalar va kompaniyalar rahbarlari ilgari yo‘l qo‘yilgan qoloqlikning o‘rnini to‘ldirishni ta’minlashni nazarda tutgan holda shu yil IV chorakda eksportga mahsulot jo‘natishning aniqlashtirilgan jadvallarini bir hafta muddatda tasdiqlasinlar.

Joriy yilda mahsulot eksport qilish bo‘yicha qoloqlikning o‘rnini to‘ldirish va mahsulotni yuklab jo‘natishning belgilangan jadvallari bajarilishi uchun shaxsiy javobgarlik vazirliklar, idoralar, konsernlar, korporatsiyalar, uyushmalar va kompaniyalar rahbarlari zimmasiga yuklansin.

O‘zbekiston Respublikasi Makroiqtisodiyot va statistika vazirligi mahsulotni yuklab jo‘natishning ko‘rsatib o‘tilgan jadvallari bajarilishi monitoringini ta’minlasin.

6. Mahsulot yetkazib berish yuzasidan shartnomalar tuzilishini va ularning bajarilishini hamda moddiy-texnika resurslari bilan ta’minlashni nazorat qilish bo‘yicha ishchi guruh vazirliklar, idoralar, korporatsiyalar va uyushmalar bilan birgalikda 1999-yilda mahsulotlar, hom ashyo va materiallarning asosiy turlarini ishlab chiqarish va taqsimlashning prognoz balanslaridan kelib chiqib, tovar ishlab chiqaruvchilar tomonidan kelgusi yil uchun buyurtmalar portfeli o‘z vaqtida shakllantirilishi yuzasidan kompleks chora-tadbirlarni ta’minlasin.

1999-yil uchun buyurtmalar portfelini shakllantirish ishlarining borishi 1998-yil noyabr oyida Vazirlar Mahkamasi majlisida ko‘rib chiqilsin.

7. O‘zbekiston Respublikasi Makroiqtisodiyot va statistika vazirligi, Moliya vazirligi 1998-yilgi Investitsiya dasturi bajarilishining kutilayotgan yakunlarini mablag‘ bilan ta’minlashning real manbalari mavjudligini va respublika iqtisodiyotini tarkibiy qayta qurishning asosiy yo‘nalishlarini hisobga olgan holda 1999-yilgi Investitsiya dasturini ishlab chiqsin va shu yil 20-noyabrda Vazirlar Mahkamasiga taqdim etsinlar.

8. O‘zbekiston Respublikasi Moliya vazirligi, Davlat soliq qo‘mitasi, Davlat bojxona qo‘mitasi, mahalliy moliya organlari, budjet muassasalari va boshqa tashkilotlarning ular tomonidan budjetdan ajratiladigan mablag‘lar hisobiga iste’mol qilinadigan elektr-energiyasi, kommunal xizmatlar, neft mahsulotlari, aloqa xizmatlari va boshqa xarajatlar uchun xo‘jalik yurituvchi subyektlarning budjetga soliqlar va to‘lovlar bo‘yicha qarzdorligini kamaytirish hisobiga o‘zaro qarzlarni uzish bayonnomalarini rasmiylashtirish yo‘li bilan hisob-kitob qilish amaliyotini davom ettirsinlar.

9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari zimmasiga yuklansin.