LexUZ sharhi
Mazkur qaror O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi Prezidentining “2009 — 2014-yillarda ishlab chiqarishni modernizatsiya qilish, texnikaviy va texnologik qayta jihozlash bo‘yicha eng muhim loyihalarni amalga oshirish chora-tadbirlari Dasturi to‘g‘risida” 2009-yil 12-martdagi PQ—1072-sonli qaroriga muvofiq hamda “O‘zbekenergo” DAK generatsiya quvvatlarini yanada rivojlantirish, respublika energetika tarmog‘iga yangi texnologiyalarni joriy etish va Toshkent shahri iste’molchilarining issiqlik va elektr ta’minoti ishonchliligini oshirish maqsadida:
O‘zbekiston Respublikasi Hukumati bilan Yangi energetika va sanoat texnologiyalarini rivojlantirish tashkiloti (Yaponiya) o‘rtasida “Yuqori unumdorlikka ega kogeneratsion gaz turbinasi texnologiyasini joriy etgan holda Toshkent IEMda energiya samaradorligini oshirish” model loyihasi bo‘yicha O‘zbekiston Respublikasi Hukumati bilan Yangi energetika va sanoat texnologiyalarini rivojlantirish tashkiloti o‘rtasida o‘zaro anglashuv to‘g‘risidagi Memorandum imzolandi;
“Toshkent IEMda yuksak samarali kogeneratsion gaz turbinasi texnologiyasini joriy etish hisobiga energiya hosil qilish samaradorligini oshirish model loyihasi” investitsiya loyihasining dastlabki texnik-iqtisodiy asoslanishi belgilangan tartibda tasdiqlandi;
Yangi energetika va sanoat texnologiyalarini rivojlantirish tashkiloti yetkazib beradigan asosiy uskunalarni o‘rnatish bo‘yicha pudratchi etib Yaponiya tarafidan Yaponiyaning “TOHOKU Electric Power Co., Inc” kompaniyasi belgilandi;
“O‘zbekenergo” DAK bilan Yaponiyaning “TOHOKU Electric Power Co., Inc” kompaniyasi o‘rtasida Toshkent IEMda yuksak samarali kogeneratsion gaz turbinasi texnologiyasini joriy etish hisobiga energiya hosil qilishni ko‘paytirish bo‘yicha model loyihasini amalga oshirish to‘g‘risidagi hujjat imzolandi.
Oldingi tahrirga qarang.
3. Toshkent IEMda yuksak samarali kogeneratsion gaz turbinasi texnologiyasini joriy etish hisobiga energiya hosil qilishni oshirish borasidagi model loyihasi bo‘yicha quyidagilar:
Oldingi tahrirga qarang.
4. “O‘zbekenergo” DAK vakolatli ekspertiza organlari bilan birgalikda 2010-yilning 31-dekabrigacha model loyihasining texnik-iqtisodiy asoslanishini, belgilangan tartibda O‘zbekiston Respublikasi Vazirlar Mahkamasiga tasdiqlash uchun kiritilishini ta’minlasin, obyektning 2013-yil 1-iyulgacha foydalanishga topshirilishi nazarda tutilsin.
5. Istisno tariqasida mazkur model loyihasi amalga oshirilishini tezlashtirish maqsadida “O‘zbekenergo” DAK va Yaponiyaning “TOHOKU Electric Power Co., Inc” kompaniyasiga loyihaning texnik-iqtisodiy asoslanishi tasdiqlangunga qadar loyiha-smeta hujjatlarini ishlab chiqish bilan bir vaqtda qurilish-montaj ishlarini amalga oshirishga ruxsat etilsin.
“O‘zbekenergo” DAK va Yaponiyaning “TOHOKU Electric Power Co., Inc” kompaniyasi olib keladigan, shu jumladan O‘zbekiston Respublikasi Vazirlar Mahkamasi tomonidan tasdiqlanadigan ro‘yxatlar bo‘yicha “vaqtincha olib kirish” rejimida olib kelinadigan uskunalar, materiallar, butlovchi buyumlar va ehtiyot qismlar, shuningdek avtotransport vositalari bojxona to‘lovlaridan (bojxona rasmiylashtiruvi yig‘imlaridan tashqari);
Yaponiyaning “ TOHOKU Electric Power Co., Inc” kompaniyasi va subpudratchilarning transport tashkilotlari O‘zbekiston Respublikasi hududiga kirish uchun olinadigan yig‘imdan, shuningdek og‘ir yukli hamda katta hajmli transport vositalarining umum foydalanadigan yo‘llardan o‘tish haqini to‘lashdan;
Yangi energetika va sanoat texnologiyalarini rivojlantirish tashkiloti (Yaponiya), Yaponiyaning “TOHOKU Electric Power Co., Inc” kompaniyasi va boshqa xorijiy yuridik shaxslar O‘zbekiston Respublikasi hududida olingan daromadlari bo‘yicha yuridik shaxslarning foyda solig‘ini to‘lashdan;
Yangi energetika va sanoat texnologiyalarini rivojlantirish tashkiloti tomonidan berilgan mablag‘lar hisobiga “Toshkent IEM” oladigan uskunalar, butlovchi buyumlar va ehtiyot qismlarning qiymati foyda solig‘idan;
buyurtmachi, bosh loyihachi va bosh pudratchi tomonidan amalga oshiriladigan loyiha-qidiruv, qurilish-montaj, ishga tushirish-sozlash ishlari, qo‘ldan-qo‘lga o‘tgan,shu jumladan O‘zbekiston Respublikasi hududida xarid qilinadigan uskunalar, materiallar, ehtiyot qismlar qo‘shilgan qiymat solig‘idan va budjetdan tashqari Ta’lim va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga to‘lanadigan majburiy ajratmalardan ozod etilsin.
(6-bandning yettinchi xatboshisi O‘zbekiston Respublikasi Prezidentining 2012-yil 25-yanvardagi PF-4416-sonli Farmoni tahririda — O‘R QHT, 2012-y., 3-4-son, 26-modda)
7. “O‘zstandart” agentligi “Toshkent IEM” OAJning buyurtmalariga binoan, majburiy sertifikatsiyadan o‘tishi kerak bo‘lgan uskunalar va butlovchi buyumlarning o‘z vaqtida sertifikatsiyadan o‘tkazilishini ta’minlasin.
8. “O‘zbekiston temir yo‘llari” DAK Yaponiyaning “ TOHOKU Electric Power Co., Inc” kompaniyasi tomonidan mazkur model loyihasi doirasida olib kelinadigan uskunalar, materiallar, butlovchi buyumlar va ehtiyot qismlarni O‘zbekiston Respublikasi hududi bo‘ylab temir yo‘l orqali tashishni tashkil etishda hisob-kitoblarni O‘zbekiston Respublikasi rezidentlari uchun qo‘llaniladigan tariflarga muvofiq amalga oshirsin.
9. Belgilansinki, Sof rivojlanish mexanizmi SRM doirasida mazkur model loyihasini amalga oshirish BMTning hadli Konvensiyasi Ijroiya qo‘mitasida belgilangan tartibda ma’qullangan taqdirda model loyihasini amalga oshirish natijasida havoga chiqariladigan moddalarning sertifikatlangan qisqartirilishi umumiy hajmi tasdiqlangan butun kredit davrida Yangi energetika va sanoat texnologiyalarini rivojlantirish tashkiloti foydasiga beg‘araz berib boriladi.
10. O‘zbekiston Respublikasi Davlat arxitektura va qurilish qo‘mitasi model loyihasi bo‘yicha loyiha-smeta hujjatlarining davlat ekspertizasidan o‘tkazilishini ta’minlasin, shuningdek bajarilayotgan qurilish ishlarining sifati ustidan davlat arxitektura-qurilish nazoratini o‘rnatsin.
11. O‘zbekiston Respublikasi Iqtisodiyot vazirligi, Moliya vazirligi hamda Tashqi iqtisodiy aloqalar, investitsiyalar va savdo vazirligi mazkur model loyihasini belgilangan tartibda O‘zbekiston Respublikasining 2011-yil va undan keyingi yillardagi Investitsiya dasturiga kiritsin.
12. O‘zbekiston Respublikasi Tashqi ishlar vazirligi “O‘zbekenergo” DAK talabnomalariga ko‘ra model loyihasini amalga oshirishda ishtirok etayotgan xorijiy mutaxassislarning, shuningdek ularning oila a’zolarining ko‘p martalik kirish vizalarini konsullik yig‘imi va boshqa yig‘imlar undirib olinmasdan belgilangan tartibda rasmiylashtirilishini ta’minlasin.
13. O‘zbekiston Respublikasi Ichki ishlar vazirligi “O‘zbekenergo” DAK talabnomalariga ko‘ra, model loyihasini amalga oshirishda ishtirok etayotgan xorijiy mutaxassislarga ko‘p martalik vizalar berish va ularning muddatini uzaytirish, shuningdek muvaqqat yashash joyida vaqtincha ro‘yxatda turish va uning muddatini uzaytirishni ta’minlasin hamda ular davlat boji to‘lashdan ozod qilinsin.
14. Mazkur .qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.