O‘zbekiston SSJ aholisini, ayniqsa aholi jon boshiga o‘rtacha daromadi kam bo‘lgan oilalarni ijtimoiy himoya qilish chora-tadbirlarini ro‘yobga chiqarishni davom ettirish maqsadida, jumhuriyatda keng avj olgan uy-joy qurilishi ko‘lamlarining kattaligini hisobga olib hamda SSJI Prezidentining “Aholiga mahsulot sotishdan olinadigan soliqqa oid imtiyozlarni kengaytirish haqida” 1991-yil 5-apreldagi Farmonini bajarish yuzasidan Vazirlar Mahkamasi qaror qiladi:

1. O‘zbekiston SSJ Prezidenti huzuridagi Vazirlar Mahkamasining 1991-yil 28-martdagi 72-son qarorining 1-punkti to‘ldirilib, shu yil 15-apreldan boshlab aholiga quyidagi mollarni sotishdan besh foizli soliq olinmasin:

bolalar uchun mollar;

3-kategoriyadagi umumiy ovqatlanish korxonalarining mahsulotlari;

choy, tuz, gugurt;

mahalliy binokorlik materiallari;

sement;

pishiq g‘isht, xom g‘isht;

toshqol, keramzit va beton bloklar;

ohakli, sementli va murakkab qorishmalar;

gips, shag‘al, ohak, qum.

2. O‘zbekiston SSJ Savdo vazirligi, O‘zbekbirlashuv, O‘zbekiston SSJ Moliya vazirligi, SSJI Davlat bankining O‘zbekiston jumhuriyat banki, Qoraqalpog‘iston MSSJ Vazirlar Kengashi, viloyat ijroiya qo‘mitalari va Toshkent shahar ijroiya qo‘mitasi mazkur qarorning bajarilishini ta’minlasinlar.