1. O‘zbekiston Respublikasi Hukumati bilan Malta Hukumati o‘rtasida 2009-yil 2-iyul kuni London shahri (Buyuk Britaniya)da imzolangan uyushgan jinoyatchilikka, kontrabanda va narkotik vositalarning noqonuniy aylanishiga, psixotrop moddalar hamda prekursorlarga qarshi kurashish sohasida hamkorlik qilish to‘g‘risidagi Bitim tasdiqlansin.

2. O‘zbekiston Respublikasi Tashqi ishlar vazirligi O‘zbekiston Respublikasi tomonidan mazkur xalqaro shartnoma kuchga kirishi uchun zarur bo‘lgan ichki davlat tartib-qoidalari bajarilgani to‘g‘risida tegishli bildirishnoma yo‘llasin.

3. O‘zbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin belgilangan tartibda O‘zbekiston Respublikasining majburiyatlari bajarilishi ustidan nazoratni ta’minlasinlar.

4. Mazkur qarorning ijrosini nazorat qilish O‘zbekiston Respublikasi Bosh vaziri Sh.M.Mirziyoyev zimmasiga yuklansin.