Oʻzbekiston Milliy axborot agentligining samarali faoliyat koʻrsatishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Davlat mulkini boshqarish davlat qoʻmitasi, Toshkent shahar hokimligi, Oʻzbekiston Milliy axborot agentligi va “Sharq” nashriyot-matbaa aksiyadorlik kompaniyasining Toshkent shahri, Buyuk Turon koʻchasi, 41-uy manzilida joylashgan 17 qavatli maʼmuriy binoni tasarruf etish huquqisiz Oʻzbekiston Milliy axborot agentligi balansiga bepul oʻtkazish toʻgʻrisidagi taklifiga rozilik berilsin.

2. Toshkent shahar hokimligi va “Sharq” nashriyot-matbaa aksiyadorlik kompaniyasi Toshkent shahri, Buyuk Turon koʻchasi, 41-uy manzilida joylashgan 17 qavatli maʼmuriy binoni Oʻzbekiston Milliy axborot agentligi balansiga belgilangan tartibda topshirsin.

Oʻzbekiston Milliy axborot agentligi ushbu maʼmuriy binoni belgilangan tartibda qabul qilib olsin hamda binoni saqlash va undan samarali foydalanish boʻyicha zarur chora-tadbirlar koʻrsin.

3. “Sharq” nashriyot-matbaa aksiyadorlik kompaniyasining ushbu maʼmuriy binoda kompaniya egallab turgan xonalar uchun ijara haqi toʻlamasdan foydalanish huquqi saqlab qolinsin.

4. Vazirlar Mahkamasining “Sharq” nashriyot-matbaa aksiyadorlik kompaniyasi faoliyatini tashkil etish masalalari toʻgʻrisida” 2000-yil 23-oktabrdagi 411-son qaroriga 3-ilovaning birinchi bandi oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.