Milliy xavfsizlik xizmatining Davlat chegaralarini himoya qiluvchi qoʻmitasi harbiy xizmatchilari va ularning oila aʼzolarining uy-joy-maishiy shart-sharoitlarini va ijtimoiy taʼminotini yaxshilash maqsadida Vazirlar Mahkamasi qaror qiladi:

1. Vazirlar Mahkamasining “Tovarlarning Oʻzbekiston Respublikasi chegarasi orqali noqonuniy olib oʻtilishini bartaraf etishga doir faoliyatni ragʻbatlantirish toʻgʻrisida” 2004-yil 25-oktabrdagi 498-son qarori (Oʻzbekiston Respublikasi QT, 2004-y., 10-son, 99-modda) 1-bandining ikkinchi xatboshidagi “ragʻbatlantirishda” soʻzidan keyin “Milliy xavfsizlik xizmatining Davlat chegaralarini himoya qiluvchi qoʻmitasi harbiy xizmatchilarining ipoteka krediti boʻyicha dastlabki badalni toʻlashida” soʻzlari qoʻshilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.