LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Budjet tashkilotlari va muassasalari xodimlarining halol mehnatini moddiy rag‘batlantirish maqsadida hamda kirib kelayotgan Yangi – 2009-yil bayrami munosabati bilan:
1. 2008-yilning dekabr oyida budjet tashkilotlari va muassasalari xodimlari oylik lavozim maoshining 10 foizi miqdorida pul bilan bir yo‘la mukofotlansin.
2. Budjet tashkilotlari xodimlariga bir yo‘la pul mukofotini to‘lash bilan bog‘liq xarajatlar Davlat budjeti mablag‘lari hisobidan amalga oshirilsin.
O‘zbekiston Respublikasi Moliya vazirligi mazkur mukofotni to‘lash tartibi va manbalarini belgilasin.
3. Mulkchilik shaklidan qat’i nazar, xo‘jalik hisobidagi korxona va tashkilotlarga o‘z xodimlarini shaxsiy mablag‘lari hisobidan bir yo‘la mukofotlash tavsiya etilsin.
4. Mazkur Farmonning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Markaziy banki raisi F.M. Mullajonov zimmasiga yuklansin.