Qimmatli qog‘ozlar bozori infratuzilmasini yanada rivojlantirish, uning subyektlarini institutsional jihatdan mustahkamlash, qimmatli qog‘ozlar bozorining professional ishtirokchilari faoliyatiga zamonaviy axborot texnologiyalarini joriy etish hamda ularning faoliyatini tartibga solish tizimini takomillashtirish maqsadida Vazirlar Mahkamasi qaror qiladi:

1. O‘zbekiston Respublikasi Davlat mulki qo‘mitasi va qimmatli qog‘ozlar bozori ishtirokchilarining:

qimmatli qog‘ozlar bozori infratuzilmasi institutlari faoliyatini va ularning o‘zaro hamkorligini muvofiqlashtirishni kuchaytirishni, hisobga olish tizimini soddalashtirishni, shuningdek qimmatli qog‘ozlarga oid bitishuvlarga hisob-kitob-kliring xizmati ko‘rsatishni takomillashtirishni;

qimmatli qog‘ozlar bozori ishtirokchilarining dasturiy-texnik ta’minotini birxillashtirish va standartlashtirishni, elektron hujjat aylanishini keng ko‘lamda joriy etishni va undan foydalanishni;

jismoniy shaxslarning qimmatli qog‘ozlarga oid operatsiyalarda, shu jumladan, qimmatli qog‘ozlarning plastik kartochkalardan foydalangan holda oldi-sotdi operatsiyalarida ishtirokini soddalashtirishni;

qimmatli qog‘ozlar bozori ma’lumotlarning yagona axborot bazasini shakllantirish uchun shart-sharoitlar yaratishni ta’minlaydigan Koreya fond birjasi tomonidan 2013-yil oxirigacha O‘zbekiston Respublikasi qimmatli qog‘ozlar bozorini modernizatsiya qilish bo‘yicha Bosh shartnoma doirasida O‘zbekiston Respublikasi fond bozori uchun kamida 6 mln AQSh dollari summasiga dasturiy ta’minlashni, server va telekommunikatsiya asbob-uskunalarini, mahalliy mutaxassislarni o‘qitishni va 1 yil mobaynida kafolatli xizmat ko‘rsatishni o‘z ichiga oladigan Yagona dasturiy-texnik kompleks foydalanishga tayyor sharti bilan yetkazib berilishi va joriy etilishi to‘g‘risidagi taklifiga rozilik berilsin.

4. “Toshkent” respublika fond birjasi aksiyadorlarining uning ustav fondini 1 mlrd. so‘mgacha ko‘paytirish to‘g‘risidagi taklifi qabul qilinsin.

5. Qimmatli qog‘ozlar bozori faoliyatini muvofiqlashtirish va nazorat qilish markazi qimmatli qog‘ozlar bozorining professional qatnashchilari birlashmalari, “Toshkent” respublika fond birjasi hamda reyting agentlari bilan birgalikda qimmatli qog‘ozlar bozori amaliyotiga qimmatli qog‘ozlar va ularning emitentlarini reyting baholash hamda uni keng targ‘ib qilish chora-tadbirlarini ko‘rsinlar.

6. O‘zbekiston Respublikasi Oliy va o‘rta maxsus ta’lim vazirligi moliya-iqtisodiyot, huquqshunoslik ixtisosliklari bo‘yicha mutaxassislar tayyorlaydigan oliy o‘quv yurtlarining o‘quv dasturlariga qimmatli qog‘ozlar va korporativ boshqaruv bo‘limlari kiritilishini nazarda tutsin.

7. O‘zbekiston Respublikasi Davlat mulki qo‘mitasi huzuridagi Qimmatli qog‘ozlar bozori faoliyatini muvofiqlashtirish va nazorat qilish markazi ikki oy muddatda:

Qimmatli qog‘ozlar bozori professional ishtirokchilarining majburiy normativlari tizimi to‘g‘risidagi;

Qimmatli qog‘ozlar bozori professional ishtirokchilarini ichki nazorat qilish to‘g‘risidagi nizomlarni ishlab chiqsin va belgilangan tartibda tasdiqlasin.

8. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.