Yadroviy terrorizm aktlariga qarshi kurash to‘g‘risidagi xalqaro konvensiyaga (Nyu-York, 2005-yil 13-aprel) quyidagi bildirishlar va bayonotlar bilan qo‘shilinsin:

1) Konvensiyaning 7-moddasi 4-bandi bo‘yicha: “O‘zbekiston Respublikasi Konvensiyaning 7-moddasida ko‘rsatilgan axborotni yuborish va olish uchun mas’ul organ sifatida O‘zbekiston Respublikasi Milliy xavfsizlik xizmati belgilanishini bildiradi”;

2) Konvensiyaning 9-moddasi 3-bandi bo‘yicha: “O‘zbekiston Respublikasi Konvensiya 9-moddasining 1 va 2-bandlarida nazarda tutilgan hollarda Konvensiyaning 2-moddasiga binoan jinoiy deb topilgan qilmishlarga nisbatan o‘zining yurisdiksiyasiga ega ekanligini bildiradi”;

3) Konvensiyaning 16-moddasi bo‘yicha: “O‘zbekiston Respublikasi Konvensiyaning 16-moddasi qoidalari Konvensiyaning amal qilishi doirasiga kiradigan jinoyatlarni sodir etganlik uchun javobgarlikning muqarrarligi ushlab berish va huquqiy yordam masalalari bo‘yicha xalqaro hamkorlik samaradorligi uchun zarar yetkazmasdan ta’minlangan tarzda qo‘llanilishi kerak ekanligidan kelib chiqadi”;

4) Konvensiyaning 23-moddasi 2-bandi bo‘yicha: “O‘zbekiston Respublikasi o‘zini Konvensiyaning 23-moddasi 1-bandi qoidalari bilan bog‘langan deb hisoblamasligini bayon etadi”.