Oʻzbekiston Respublikasi Hukumati bilan Ozarbayjon Respublikasi Hukumati, bundan keyin “Tomonlar” deb ataluvchilar,

ikki mamlakat oʻrtasida erkin savdo tamoyili asosida hamkorlikni muvaffaqiyatli kengaytirish uchun mustahkam asos yaratishga yoʻnaltirilgan choralarning muhimligini eʼtirof etib,

erkin savdo zonasini yaratish toʻgʻrisida 1994-yil 15-aprelda imzolangan Bitim va erkin savdo zonasini yaratish toʻgʻrisida 1994-yil 15-aprelda imzolangan Bitimga oʻzgartirish va qoʻshimchalar kiritish toʻgʻrisida 1999-yil 2-aprelda imzolangan Bayonnomaga amal qilib,

1. 2-moddaning 1-bandidagi “Tovarlarning kelishib olingan turlari boʻyicha ushbu savdo rejimidan istisnolar mazkur Bitimning ajralmas qismi boʻlmish “hujjatlar bilan rasmiylashtiriladi” soʻzlaridan oldin “Agar Tomonlar zarur deb hisoblasa,” soʻzlari bilan toʻldirilsin.

2. 2-moddaning 2-bandi chiqarib tashlansin.

3. Oʻzbekiston Respublikasi Hukumati bilan Ozarbayjon Respublikasi Hukumati oʻrtasida erkin savdo toʻgʻrisidagi 1996-yil 27-mayda imzolangan Bitimga erkin savdo rejimidan istisnolar haqida 1996-yil 27-mayda imzolangan Protokol oʻz kuchini yoʻqotgan deb hisoblansin.

Ushbu Bayonnoma Tomonlar uning kuchga kirishi uchun zarur boʻlgan davlat ichki protseduralarini bajarganligi toʻgʻrisida soʻnggi yozma xabarnoma olingan sanadan kuchga kiradi va Oʻzbekiston Respublikasi Hukumati bilan Ozarbayjon Respublikasi Hukumati oʻrtasida erkin savdo toʻgʻrisidagi 1996-yil 27-mayda imzolangan Bitimning ajralmas qismi hisoblanadi.

Toshkent shahrida 2004-yil 23-martda ikki nusxada, har biri oʻzbek, ozarbayjon va rus tillarida tuzildi, bunda barcha matnlar bir xil kuchga ega.