Oʻzbekiston Respublikasi Vazirlar Mahkamasining 2003-yil 2-dekabrdagi 538-son qarori bilan tasdiqlangan “Oʻzbekiston Respublikasi Davlat arxitektura va qurilish qoʻmitasi toʻgʻrisidagi nizom”ga (Oʻzbekiston Respublikasi qonun hujjatlari toʻplami, 2003-y., 23-son, 233-modda) va Oʻzbekiston Respublikasi Vazirlar Mahkamasining 2003-yil 8-yanvardagi 8-son qarori bilan tasdiqlangan “Oʻzbekiston Respublikasi Davlat statistika qoʻmitasi toʻgʻrisidagi nizom”ga (Oʻzbekiston Respublikasi qonun hujjatlari toʻplami, 2003-y., 1-2-son, 7-modda, 2005-y., 8-son, 44-modda) muvofiq Oʻzbekiston Respublikasi Davlat arxitektura va qurilish qoʻmitasi va Oʻzbekiston Respublikasi Davlat statistika qoʻmitasi qaror qiladi:

1. Oʻzbekiston Respublikasi Davlat arxitektura va qurilish qoʻmitasi va Makroiqtisodiyot va statistika vazirligi tomonidan tasdiqlangan “Jismoniy shaxslar tomonidan amalga oshiriladigan xususiy qurilish obyektlarini loyihalash, qurish, foydalanishga topshirish, roʻyxatga va hisobga olish tartibi” (1998-yil 10-oktabr, roʻyxat raqami 499) oʻz kuchini yoʻqotgan deb topilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan soʻng kuchga kiradi.

3. Ushbu qaror Oʻzbekiston Respublikasi Moliya vazirligi, Yer resurslari, geodeziya, kartografiya va davlat kadastri davlat qoʻmitasi va “Oʻzkommunxizmat” agentligi bilan kelishilgan.