Respublika yo‘l fondiga yig‘imlar to‘lash bo‘yicha imtiyozlar berishni tartibga solish hamda to‘lovlardan bo‘yin tovlash holatlarining oldini olish maqsadida:

1. O‘zbekiston Respublikasi Prezidentining “Umumiy foydalaniladigan avtomobil yo‘llarini loyihalashtirish, qurish va rekonstruksiya qilish tartibini takomillashtirish chora-tadbirlari to‘g‘risida” 2006-yil 25-oktabrdagi PQ-499-sonli qarori bilan tasdiqlangan O‘zbekiston Respublikasi Moliya vazirligi huzuridagi Respublika yo‘l fondi daromadlarini shakllantirish va mablag‘larini sarflash tartibi to‘g‘risidagi Nizomning 36-bandi ikkinchi xatboshi quyidagi tahrirda bayon etilsin:

“ishlab chiqaruvchi zavod tomonidan qo‘lda boshqarishga moslashtirilgan yengil avtomobil va/yoki motokolyaska sotib oladigan barcha guruh nogironlari;”.

2. Belgilansinki, kiritilayotgan o‘zgartish 2007-yilning 1-noyabridan kuchga kiradi.

3. Mazkur qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.