Respublika shoshilinch tibbiy yordam markazi va uning mintaqaviy (viloyat) filiallarini Islom taraqqiyot banki mablag‘lari hisobiga yetkazib beriladigan tibbiyot asbob-uskunalari bilan o‘z vaqtida jihozlash maqsadida Vazirlar Mahkamasi qaror qiladi:

Vazirlar Mahkamasining “Respublika shoshilinch tibbiy yordam markazi va uning mintaqaviy (viloyat) filiallarini tibbiyot asbob-uskunalari bilan jihozlash” loyihasini Islom taraqqiyot banki ishtirokida amalga oshirish chora-tadbirlari to‘g‘risida” 2005-yil 11-maydagi 120-son qarorining 4-bandiga quyidagi mazmundagi xatboshi qo‘shilsin:

“Islom taraqqiyot banki mablag‘lari hisobiga yetkazib beriladigan tibbiyot asbob-uskunalarini xarid qilish va davolash muassasalariga olib borish bilan bog‘liq ma’muriy xarajatlarni sog‘liqni saqlash muassasalari ta’minoti uchun nazarda tutilgan tasdiqlangan budjet mablag‘lari doirasida amalga oshirsin”.