Mahsulot taqsimotiga oid bitimlar doirasida valyuta tushumini majburiy sotish masalalarini tartibga soluvchi qonun hujjatlari bir xilda qoʻllanilishini taʼminlash maqsadida Vazirlar Mahkamasi qaror qiladi:

1. Vazirlar Mahkamasining “Konlarning Kandim guruhi uchastkalariga, Xauzak va Shodi uchastkalariga hamda Qoʻngʻirot uchastkasiga nisbatan mahsulot taqsimotiga oid bitimni amalga oshirish chora-tadbirlari toʻgʻrisida” 2004-yil 14-sentabrdagi 428-son qarorining 2-bandiga quyidagi mazmundagi beshinchi xatboshi qoʻshilsin:

“operatorning Oʻzbekiston Respublikasi rezidentlari hisoblangan pudratchilari (yetkazib beruvchilari) Bitimni amalga oshirish boʻyicha operatsiyalar doirasida oʻzlarining hisob raqamlariga tushadigan valyuta tushumining majburiy sotuvini ular tomonidan Bitimni amalga oshirish maqsadida import qilingan tovarlar (ishlar) xizmatlar qiymatiga kamaytirib amalga oshiradilar”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.