O‘zbekiston Respublikasi Oliy Majlisi qaror qiladi:

O‘zbekiston Respublikasining quyidagi qonunlariga o‘zgartish va qo‘shimchalar kiritilsin:

VI. O‘zbekiston Respublikasining 1994-yil 22-sentabrdagi Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksiga (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda; № 12, 269-modda):

1) 27-moddaning birinchi qismi “sudyasi tomonidan” degan so‘zlardan keyin “eksport qilinishi man etilgan buyumlar va mahsulotlar O‘zbekiston Respublikasidan tashqariga olib chiqib ketilayotgan hollarda esa — bojxona organlari tomonidan” degan so‘zlar bilan to‘ldirilsin;

2) 175-modda uchinchi qismining dispozitsiyasi quyidagi tahrirda bayon etilsin:

“Kassa operatsiyalarini yuritish tartibini va to‘lov intizomini buzish, shu jumladan korxonalarning hisobvaraqlarida tegishli mablag‘lar bo‘la turib, debitorlik va kreditorlik qarzlari muddati o‘tkazib yuborilgan hamda to‘lovlarni amalga oshirishning belgilangan muddatlari buzilgan taqdirda —”;

3) 245-moddaning birinchi qismi “112-moddasida (transport vositalarini boshqarish huquqidan mahrum etishga oid qismi)” degan so‘zlardan keyin “119-moddaning ikkinchi qismi” degan so‘zlar bilan to‘ldirilsin.

4) 262-moddaning ikkinchi qismi quyidagi tahrirda bayon etilsin:

“Bojxona boshliqlari va ularning o‘rinbosarlari bojxona organlari nomidan ma’muriy huquqbuzarlik to‘g‘risidagi ishlarni ko‘rib chiqish va ma’muriy jazo chorasini qo‘llashga, shuningdek eksport qilinishi man etilgan buyumlar va mahsulotni musodara qilishga haqlidirlar”;

5) 294-moddaning uchinchi qismi quyidagi mazmundagi gap bilan to‘ldirilsin: “Eksport qilinishi man etilgan buyumlar va mahsulot O‘zbekiston Respublikasidan tashqariga olib chiqib ketilishi bilan bog‘liq bo‘lib, musodara chorasi qo‘llanilishi mumkin bo‘lgan ma’muriy javobgarlik to‘g‘risidagi ish bojxona organi tomonidan alohida hollarda, agar ma’muriy javobgarlikka tortilayotgan shaxs O‘zbekiston Respublikasi hududidan tashqarida bo‘lsa yoki uning qayerdaligini aniqlashning iloji bo‘lmasa, ma’muriy javobgarlikka tortilayotgan shaxsning ishtirokisiz ko‘rib chiqiladi”;

6) 337-modda quyidagi mazmundagi ikkinchi qism bilan to‘ldirilsin:

“Eksport qilinishi man etilgan buyumlar va mahsulotni musodara qilish to‘g‘risidagi bojxona organining qarorini tegishli hokimliklar tomonidan tuziladigan doimiy ishlovchi komissiyalar qonun hujjatlarida belgilangan tartibda ijro etadilar”;

7) 339-moddaning matni quyidagi tahrirda bayon etilsin:

“Buyumni musodara qilish to‘g‘risidagi qaror, uning ijro etilganligi to‘g‘risida belgi qo‘yilib, shu qarorni chiqargan ma’muriy ishlar bo‘yicha sudyaga, eksport qilinishi man etilgan buyumlar va mahsulotni musodara qilish to‘g‘risidagi qaror esa — bojxona organining musodara etish to‘g‘risida qaror qabul qilgan mansabdor shaxsiga qaytariladi”.