“Markaziy Osiyo Hamkorligi” Tashkilotining Yevrosiyo iqtisodiy hamjamiyatiga integratsiyasi toʻgʻrisidagi Bayonnoma (Minsk, 2006-yil 23-iyun) quyidagi shart bilan ratifikatsiya qilinsin:

“Mazkur Bayonnomaga doir ilovalarda nazarda tutilgan quyidagi hujjatlarning amal qilishi Oʻzbekiston Respublikasiga nisbatan qoʻllanilmaydi:

1) 1-Ilovadagi:

13 va 15-bandlar. Qozogʻiston Respublikasi Hukumati, Qirgʻiziston Respublikasi Hukumati va Oʻzbekiston Respublikasi Hukumati oʻrtasidagi 1998-yilda Norin-Sirdaryo suv omborlari majmuasining suv-energetika zaxiralaridan birgalikda va kompleks foydalanish toʻgʻrisidagi Bitim (Bishkek, 1998-yil 17-mart);

18-band. Qozogʻiston Respublikasi Hukumati, Qirgʻiziston Respublikasi Hukumati va Oʻzbekiston Respublikasi Hukumati oʻrtasidagi 1999-yilda Norin-Sirdaryo suv omborlari majmuasining suv-energetika zaxiralaridan birgalikda va kompleks foydalanish toʻgʻrisidagi Bitim (Bishkek, 1999-yil 14-aprel — 6-may);

2) 3-Ilovadagi:

4-band. Qozogʻiston Respublikasi, Qirgʻiziston Respublikasi va Oʻzbekiston Respublikasi oʻrtasidagi Markaziy Osiyo hamkorlik va taraqqiyot bankini taʼsis etish toʻgʻrisidagi Bitim (Almata, 1994-yil 8-iyul);

9-band. Qozogʻiston Respublikasi, Qirgʻiziston Respublikasi va Oʻzbekiston Respublikasi oʻrtasidagi “Qozogʻiston Respublikasi, Qirgʻiziston Respublikasi va Oʻzbekiston Respublikasi oʻrtasida 1994-yil 8-iyulda tuzilgan Markaziy Osiyo hamkorlik va taraqqiyot bankini taʼsis etish toʻgʻrisidagi Bitimga oʻzgartish va qoʻshimchalar kiritish haqida”gi Bitim (Almati, 1996-yil 23-avgust);

16-band. Qozogʻiston Respublikasi, Qirgʻiziston Respublikasi va Oʻzbekiston Respublikasi oʻrtasida 1994-yil 8-iyulda tuzilgan Markaziy Osiyo hamkorlik va taraqqiyot bankini taʼsis etish toʻgʻrisidagi Bitimga qoʻshimchalar kiritish haqidagi Bayonnoma (Bishkek, 1999-yil 24-iyun);

27-band. Qozogʻiston Respublikasi, Qirgʻiziston Respublikasi, Tojikiston Respublikasi va Oʻzbekiston Respublikasi oʻrtasida 1994-yil 8-iyulda tuzilgan Markaziy Osiyo hamkorlik va taraqqiyot bankini taʼsis etish toʻgʻrisidagi Bitimga oʻzgartish kiritish haqidagi Bayonnoma (Almati, 2001-yil 5-yanvar)”.