“Tabiatni muhofaza qilish toʻgʻrisida”gi va “Alohida muhofaza etiladigan tabiiy hududlar toʻgʻrisida”gi Oʻzbekiston Respublikasi qonunlarining qabul qilinganligi munosabati bilan Oʻzbekiston Respublikasi Oliy Kengashi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1978-yil 26-iyuldagi Qonuni bilan tasdiqlangan Oʻzbekiston Respublikasining Oʻrmon toʻgʻrisidagi kodeksiga (Oʻzbekiston Respublikasi Oliy Sovetining Vedomostlari, 1978-yil, № 22, 371-modda):

1. 4, 17, 27, 54, 60 va 86-moddalardagi “qoʻriqxona deb eʼlon qilingan oʻrmonlardan”, “qoʻriqxona deb eʼlon qilingan oʻrmonlarda”, “qoʻriqxona oʻrmonlari”, “qoʻriqxona oʻrmonlarda” “milliy va tabiiy parklar”, “milliy va tabiiy parklarda”, “tabiiy yodgorliklar”, “tabiat yodgorliklarida” degan soʻzlar tegishli kelishikda turlangan “davlat qoʻriqxonalarining oʻrmonlari”, “davlat milliy tabiat bogʻlari”, “davlat tabiat yodgorliklari” degan soʻzlar bilan almashtirilsin.

2. 10-modda:

ikkinchi qismidagi “shuningdek davlat oʻrmon xoʻjaligi organlari va buning uchun maxsus vakil qilingan boshqa davlat organlari SSR Ittifoqi qonunlarida belgilangan tartibda” degan soʻzlar “Oʻzbekiston Respublikasi Tabiatni muhofaza qilish davlat qoʻmitasi tomonidan qonun hujjatlarida belgilab qoʻyiladigan tartibda” degan soʻzlar bilan almashtirilsin;

quyidagi mazmundagi uchinchi qism bilan toʻldirilsin:

“Davlat oʻrmon xoʻjaligi organlari oʻrmonlarning holati, ulardan foydalanish, ularni uzluksiz koʻpaytirish, muhofaza qilish va qoʻriqlash ustidan idoraviy nazoratni qonun hujjatlarida belgilangan tartibda amalga oshiradilar”.

3. 10 va 52-moddalarning birinchi qismlaridagi “davlat, kooperativ, jamoat korxonalari, tashkilotlari, muassasalari”, “davlat, kooperativ va jamoat korxonalari, tashkilotlari, muassasalariga” degan soʻzlar tegishli kelishikda turlangan “korxonalar, tashkilotlar, muassasalar” degan soʻzlar bilan almashtirilsin.

4. III bobning nomidagi, 11 va 12-moddalarning nomi va matnidagi “jamoat tashkilotlari”, “jamoat tashkilotlarining” degan soʻzlar tegishli kelishikda turlangan “jamoat birlashmalari” degan soʻzlar bilan almashtirilsin.

5. 16 va 121-moddalarning nomi va matnidagi “kontrollik”, “kontrol” degan soʻzlar “idoraviy nazorat” degan soʻzlar bilan almashtirilsin.

6. 54-moddaning toʻrtinchi qismidagi “Qoʻriqxona deb eʼlon qilingan oʻrmonlarda” degan soʻzlar chiqarib tashlansin.

7. 97-modda quyidagi tahrirda bayon etilsin:

Davlat qoʻriqxonalarining oʻrmonlarida faqat yongʻinga qarshi tadbirlarni oʻtkazish maqsadida daraxt kesishga yoʻl qoʻyiladi”.

8. 98-modda chiqarib tashlansin.

9. 133-modda quyidagi tahrirda bayon etilsin:

Oʻrmonlarning holati va ularni uzluksiz koʻpaytirishga zararli taʼsir etgan yoki bunday taʼsir etish xavfli tugʻilgan taqdirda korxonalar, muassasalar, tashkilotlar va boshqa obyektlarning faoliyati cheklanishi, toʻxtatib qoʻyilishi, zararli taʼsir etish sabablarini bartaraf qilishning imkoni boʻlmagan taqdirda esa — tugatilishi yoki oʻzgartirilishi mumkin”.

II. Oʻzbekiston Respublikasining 1981-yil 29-mayda qabul qilingan “Hayvonot dunyosini muhofaza qilish va undan foydalanish toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1981-yil, № 16, 316-modda):

1. 10-modda quyidagi tahrirda bayon etilsin:

Oʻzbekiston Respublikasi Tabiatni muhofaza qilish davlat qoʻmitasi Oʻzbekiston Respublikasida hayvonot dunyosini muhofaza qilish va undan foydalanishni tartibga solish sohasida maxsus vakolati boʻlgan davlat organi hisoblanadi”.

2. IV bobning nomidagi, 14, 15 va 17-moddalarning nomi va matnidagi “jamoat tashkilotlari”, “jamoat tashkilotlarining” degan soʻzlar tegishli kelishikda turlangan “jamoat birlashmalari” degan soʻzlar bilan almashtirilsin.

3. 31 va 68-moddalardagi “Davlat, kooperativ va boshqa jamoat korxonalari, muassasalari hamda tashkilotlariga”, “davlat, kooperativ va boshqa jamoat korxonalari, muassasalari, tashkilotlari” degan soʻzlar tegishli kelishikda turlangan “korxonalar, muassasalar, tashkilotlar” degan soʻzlar bilan almashtirilsin.

4. 45-moddaning 6-bandidagi, 53 va 54-moddalarning nomi va matnidagi “qoʻriqxonalar”, “qoʻriqxonalarning”, “qoʻriqxonalarda” degan soʻzlar tegishli kelishikda turlangan “davlat qoʻriqxonalari” degan soʻzlar bilan almashtirilsin.

5. 69-modda quyidagi tahrirda bayon etilsin:

Hayvonot dunyosining muhofaza qilinishi va undan foydalanish ustidan davlat nazorati qonun hujjatlarida belgilib qoʻyiladigan tartibda davlat hokimiyati va boshqaruv organlari, shuningdek Oʻzbekiston Respublikasi Tabiatni muhofaza qilish davlat qoʻmitasi tomonidan amalga oshiriladi”.

III. Oʻzbekiston Respublikasining 1976-yil 25-noyabrdagi Qonuni bilan tasdiqlangan Oʻzbekiston Respublikasining Yer osti boyliklari kodeksiga (Oʻzbekiston Respublikasi Oliy Sovetining Vedomostlari, 1976-yil, № 33, 386-modda):

1. 29-moddaning 4-bandidagi “qoʻriqxonalar” degan soʻz “davlat qoʻriqxonalari” degan soʻzlar bilan almashtirilsin.

2. 74-moddaning nomi va matnidagi “jamoat tashkilotlar” degan soʻzlar “jamoat birlashmalari” degan soʻzlar bilan almashtirilsin.

IV. Oʻzbekiston Respublikasining 1981-yil 29-mayda qabul qilingan “Atmosfera havosini muhofaza qilish toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1981-yil, № 16, 314-modda):

1. IV bobning nomidagi, 10 va 12-moddalarning nomi va matnidagi “jamoat tashkilotlari”, “jamoat tashkilotlarining” degan soʻzlar tegishli kelishikda turlangan “jamoat birlashmalari” degan soʻzlar bilan almashtirilsin.

2. 22-modda “yotqizib qoʻyishga” degan soʻzlardan keyin “yoki oʻzgartirishga” degan soʻzlar bilan toʻldirilsin.

V. Oʻzbekiston Respublikasining 1985-yil 13-dekabrdagi Qonuni bilan tasdiqlangan Oʻzbekiston Respublikasining Maʼmuriy huquqbuzarlik toʻgʻrisidagi kodeksiga (Oʻzbekiston Respublikasi Oliy Sovetining Vedomostlari, 1985-yil, № 35, 411-modda):

1. Kodeks quyidagi mazmundagi 97-2-modda bilan toʻldirilsin.

Davlat qoʻriqxonalarining tartibotini buzish, —

grajdanlarga — oylik ish haqi eng kam miqdorining yarim barobaridan ikki barobarigacha, mansabdor shaxslarga esa — ikki barobardan besh barobarigacha summada jarima solishga sabab boʻladi.

Davlat milliy tabiat bogʻlari, buyurtma qoʻriqxonalari va tabiat yodgorliklari, suvni muhofaza qilish mintaqalari, kurort tabiiy hududlari, botanika bogʻlari, dendrologiya va xayvonot bogʻlari, qoʻriqlanma (oraliq) tegralar, oʻrmonlarning taqiqlangan mintaqalari, baliq xoʻjaligi tegralari tartibotini buzish, —

grajdanlarga — oylik ish haqi eng kam miqdorining uchdan bir barobaridan bir barobarigacha, mansabdor shaxslarga esa — bir barobaridan uch barobarigacha summada jarima solishga sabab boʻladi.

Ushbu moddaning birinchi va ikkinchi qismlarida nazarda tutilgan huquqbuzarlikni maʼmuriy jazo berilganidan keyin bir yil ichida takroran sodir etish, —

grajdanlarga — oylik ish haqi eng kam miqdorining ikki barobaridan besh barobarigacha, mansabdor shaxslarga esa — uch barobaridan yetti barobarigacha summada jarima solishga sabab boʻladi”.

2. 249-moddaning birinchi qismi “93—97-1” raqamlaridan keyin “97-2” raqami bilan toʻldirilsin.