“Ijtimoiy himoya yili” Davlat dasturiga muvofiq hamda aholini ijtimoiy himoya qilish boʻyicha chora-tadbirlarni amalga oshirishda aniq yoʻnaltirilgan va tabaqalashgan yondashuvni yanada kuchaytirish, kam taʼminlangan oilalarni zarur moddiy yordam koʻrsatish orqali qoʻllab-quvvatlashni taʼminlash, ijtimoiy xizmat koʻrsatish tizimi xodimlari mehnatini ragʻbatlantirish va haq toʻlash mexanizmini takomillashtirish, shuningdek, aholini ijtimoiy himoya qilish muassasalarining moddiy-texnika bazasini mustahkamlash maqsadida:

2. 2007-yilning 1-sentabridan:

“Muruvvat” bolalar internat-uylari tarbiyachilari, oʻquv-yordamchi xodimlari va sanitar-enagalari ish haqi, ayni vaqtda bir tarbiyachi uchun ish meʼyorini 15—18 nafar boladan 5-6 nafar bolaga kamaytirgan holda stavkalarni tarif setkasi boʻyicha bir razryadga koʻtarish hisobidan;

bolalar, qariyalar va nogironligi boʻlgan shaxslarning “Muruvvat” va “Saxovat” internat-uylari, jismoniy rivojlanish imkoniyati cheklangan va jismoniy nuqsonlari boʻlgan shaxslar uchun ixtisoslashtirilgan kollejlar, urush va mehnat faxriylari sanatoriylari, nogironligi boʻlgan shaxslar reabilitatsiya markazlari xodimlarini hamda yolgʻiz keksalar va nogironligi boʻlgan shaxslarga uyida xizmat koʻrsatuvchi ijtimoiy xodimlarni moddiy ragʻbatlantirish fondi miqdori mehnatga haq toʻlash fondi hisobidan 25 foizgacha oshirilsin.

3. 2007-yilning 1-iyulidan:

urush va mehnat faxriylari sanatoriylari xodimlarining tarif stavkalariga 15 foiz miqdorida qoʻshimcha;

jismoniy rivojlanish imkoniyati cheklangan va jismoniy nuqsonlari boʻlgan shaxslar uchun ixtisoslashtirilgan kollejlarda nogironligi boʻlgan oʻquvchilarning bepul ovqatlanishi;

uyda ijtimoiy yordam koʻrsatish xizmati xodimlari, shuningdek, nogironligi boʻlgan bolalarni uyda oʻqitayotgan pedagoglar uchun Oʻzbekiston Respublikasi Prezidentining qarorlari bilan belgilanadigan miqdorlarda oylik yoʻl haqi kompensatsiyasi joriy etilsin.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, uyushmalar, kompaniyalar, xoʻjalik boshqaruvining boshqa organlari, korxonalar, tashkilotlar, xayriya jamgʻarmalari, tadbirkorlik tuzilmalari fuqarolarning oʻzini oʻzi boshqarish organlari orqali ehtiyojmand oilalarga har tomonlama qoʻshimcha moddiy yordam koʻrsatsin.

Belgilab qoʻyilsinki, Ijtimoiy himoya yili deb eʼlon qilingan 2007-yilda xoʻjalik yurituvchi subyektlar va tadbirkorlik tuzilmalari tomonidan fuqarolarning oʻzini oʻzi boshqarish organlariga yuqorida qayd etilgan maqsadlar uchun ajratiladigan mablagʻlar daromad soligʻidan toʻliq ozod etiladi.

5. Oʻzbekiston Respublikasi Prezidentining 2007-yil 23-yanvardagi PQ-573-qarori bilan tasdiqlangan “Ijtimoiy himoya yili” Davlat dasturida 28 ta “Mehribonlik” uyi, shuningdek, 86 ta sanatoriy tipidagi hamda jismoniy va ruhiy rivojlanishdan orqada qolgan bolalar uchun moʻljallangan ixtisoslashtirilgan maktab-internatlarni kapital taʼmirlash, jihozlash, ular uchun mikroavtobuslar sotib olish maqsadida davlat budjetidan qoʻshimcha 8,2 milliard soʻm yoʻnaltirish koʻzda tutilganligi eʼtiborga olinsin.

Oʻzbekiston Respublikasi Moliya vazirligi, Iqtisodiyot vazirligi hamda Mehnat va aholini ijtimoiy muhofaza qilish vazirligining bolalar, qariyalar va nogironlarning “Muruvvat” hamda “Saxovat” internat-uylari, urush va mehnat faxriylari sanatoriylari, nogironlar reabilitatsiya markazlarini kapital taʼmirlash, jihozlash, ularning taʼminotini yanada yaxshilash boʻyicha joriy yilda ushbu maqsadlarga davlat budjeti mablagʻlari hisobidan qoʻshimcha 5,2 milliard soʻm yoʻnaltirish haqidagi taklifi maʼqullansin.

6. Oʻzbekiston Respublikasi Adliya vazirligi Mehnat va aholini ijtimoiy muhofaza qilish vazirligi, Moliya vazirligi va boshqa manfaatdor vazirlik hamda idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga taklif kiritsin.

7. Mazkur Farmon ijrosini nazorat qilish Oʻzbekiston Respublikasi Bosh vaziri oʻrinbosari R. Azimov zimmasiga yuklansin.