Oʻzbekiston Respublikasining Soliq va Bojxona kodekslariga, shuningdek Oʻzbekiston Respublikasining “Davlat bojxona xizmati toʻgʻrisida”gi Qonunining 7-moddasiga muvofiq qaror qilamiz:

1. Oʻzbekiston Respublikasi Moliya vazirligi va Davlat bojxona qoʻmitasi tomonidan 2002-yil 23-yanvardagi 27, 02/8-2-sonli qarori bilan tasdiqlangan Oʻzbekiston Respublikasi hududiga import qilinadigan tovarlarga nisbatan qoʻshilgan qiymat soligʻini hisoblab chiqarish va toʻlash tartibi toʻgʻrisidagi yoʻriqnomaning (2002-yil 15-aprel, roʻyxat raqami 1124 — Normativ hujjatlar axborotnomasi, 2002-yil, 7, 14-son; 2003-yil, 4-son; Oʻzbekiston Respublikasi qonun hujjatlari toʻplami 2004-yil, 10-son, 123-modda; 2005-yil, 5-6-son, 49-modda) 8-band “m” kichik bandi quyidagi tahrirda bayon etilsin:

“m) dori-darmon (veterinariya preparatlari) vositalari va tibbiyot (veterinariya) uchun moʻljallangan buyumlar, shuningdek dori-darmon vositalari va tibbiyot (veterinariya) buyumlarini ishlab chiqarish uchun olib kirilayotgan xomashyo”.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.