Oʻzbekiston Respublikasi Adliya vazirligiga davlat reyestridan chiqarish uchun taqdim etilgan hujjatni huquqiy ekspertiza qilish natijasi boʻyicha 2004-yil 2-fevraldagi xulosaga muvofiq hamda Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi va 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan buyuraman:

1. Oʻzbekiston Respublikasi Adliya vazirligi tomonidan 1998-yil 23-noyabrda 544-son bilan davlat roʻyxatidan oʻtkazilgan “Respublika yoʻl jamgʻarmasiga ajratiladigan mablagʻlarni hisoblash shakli” davlat reyestridan chiqarilsin va bu haqda Vazirliklar, davlat qoʻmitalari va idoralar meʼyoriy hujjatlarining Davlat reyestriga tegishli yozuv kiritilsin.

2. Oʻzbekiston Respublikasi Oʻzavtoyoʻl Davlat aksionerlik kompaniyasi, Moliya vazirligi, Davlat soliq qoʻmitasi mazkur hujjat davlat reyestridan chiqarilganligini barcha manfaatdor shaxslarga yetkazilishi lozimligi maʼlumot uchun qabul qilinsin.

3. Idoraviy meʼyoriy hujjatlarni davlat roʻyxatidan oʻtkazish boshqarmasi (R.M.Karimov) ushbu hujjat davlat reyestridan chiqarilganligi toʻgʻrisidagi maʼlumot ommaviy axborot vositalarida chop etilishi hamda manfaatdor shaxslar eʼtiboriga yetkazilishi ustidan nazoratni taʼminlasin.

4. Qonun hujjatlarini turkumlash va huquqiy axborot boshqarmasi (B.Toyjonov) mazkur buyruqni “Oʻzbekiston Respublikasi qonun hujjatlari toʻplami – Sobraniye zakonodatelstva Respubliki Uzbekistan” da nashr etishni taʼminlasin.

5. Mazkur buyruqning bajarilishini nazorat qilish vazir oʻrinbosari X.M.Sodiqov zimmasiga yuklansin.