Respublikada shaharsozlik faoliyatining normativ asoslarini mustahkamlash va takomillashtirish, hududlardan oqilona foydalanish, tabiiy boyliklarni muhofaza qilish, jamiyat va davlat manfaatlarini taʼminlash maqsadida hamda Oʻzbekiston Respublikasi Shaharsozlik kodeksining 7-moddasiga muvofiq Oʻzbekiston Respublikasi Vazirlar Mahkamasi qaror qiladi:

1. Shaharsozlik faoliyatining alohida tartibga solinadigan obyektlarini umumdavlat va mahalliy ahamiyatga molik obyektlar jumlasiga kiritish hamda shaharsozlik faoliyatining alohida tartibga solinadigan obyektlari chegaralarini belgilash tartibi toʻgʻrisidagi nizom ilovaga muvofiq tasdiqlansin.

2. Davlat arxitektura va qurilish qoʻmitasi, Favqulodda vaziyatlar vazirligi, Madaniyat va sport ishlari vazirligi, Davlat tabiatni muhofaza qilish qoʻmitasi, Oʻzbekiston kasaba uyushmalari Federatsiyasi Kengashi, boshqa manfaatdor vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2007-yil 1-iyulgacha boʻlgan muddatda alohida tartibga solinadigan hamda Vazirlar Mahkamasi tomonidan belgilanadigan shaharsozlik faoliyati obyektlari boʻyicha, ularning chegaralarini koʻrsatgan holda Vazirlar Mahkamasiga takliflar kiritsinlar.

3. Quyidagilar:

alohida tartibga solinadigan shaharsozlik obyektlaridan foydalanish va ularni qurish maxsus qoidalarini manfaatdor vazirliklar (idoralar) ishtirokida ishlab chiqish;

vazirliklar va idoralarning shaharsozlik faoliyatining alohida tartibga solinadigan obyektlarini umumdavlat va mahalliy ahamiyatga molik obyektlar jumlasiga kiritish hamda shaharsozlik faoliyatining alohida tartibga solinadigan obyektlari chegaralarini belgilash boʻyicha faoliyatini muvofiqlashtirish va ularning monitoringini olib borish Oʻzbekiston Respublikasi Qurilish vazirligi zimmasiga yuklansin.

4. Vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ushbu Nizomga qatʼiy amal qilinishini taʼminlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

1. Ushbu Nizom Oʻzbekiston Respublikasining Shaharsozlik kodeksi va Oʻzbekiston Respublikasining boshqa qonun hujjatlariga muvofiq ishlab chiqilgan hamda:

shaharsozlik faoliyatining alohida tartibga solinadigan obyektlarini umumdavlat va mahalliy ahamiyatga molik obyektlar jumlasiga kiritish;

shaharsozlik faoliyatining alohida tartibga solinadigan obyektlari chegaralarini belgilash tartibini belgilaydi.

2. Shaharsozlik faoliyati obyektlarini shaharsozlik faoliyatining alohida tartibga solinadigan obyektlari jumlasiga kiritish ushbu obyektlar hududlariga shaharsozlik sohasida jamiyat, davlat, yuridik va jismoniy shaxslar manfaatlarini taʼminlashni hisobga olgan holda ularsiz ushbu hududlardan foydalanish mumkin boʻlmagan yoki qiyin boʻlgan maxsus qoidalarni joriy etish maqsadida amalga oshiriladi.

3. Shaharsozlik faoliyati:

tabiiy va texnogen tusdagi favqulodda vaziyatlar taʼsiriga uchragan hududlarda;

kimyoviy va (yoki) biologik moddalar, zararli mikroorganizmlar bilan yoʻl qoʻyiladigan cheklangan konsentratsiyalardan ortiqcha, radioaktiv moddalar bilan yoʻl qoʻyiladigan cheklangan darajalardan ortiqcha miqdorda ifloslangan hududlarda;

qoʻriqlanadigan tabiiy hududlarda alohida tartibga solinadi.

Shaharsozlik faoliyati:

Toshkent shahri hududlarida;

Nukus shahri hududlarida;

viloyatlarning maʼmuriy markazlari boʻlgan shaharlar hududlarida;

madaniy meros obyektlari mavjud boʻlgan shaharlar hududlarida;

kurort shaharlar hududlarida;

qoʻriqxona shaharlar hududlarida;

hayot faoliyatining alohida rejimidagi aholi punktlari (harbiy shaharchalar, boshqa rejimli hududlar, davlat qoʻriqxonalaridagi va qoʻriqlanadigan boshqa tabiiy hududlardagi aholi punktlari) hududlarida ham alohida tartibga solinishi mumkin.

4. Shaharsozlik faoliyati obyektlarini alohida tartibga solinadigan toifalar jumlasiga kiritish va ularning chegaralarini belgilash ushbu Nizomda nazarda tutilgan tartibda tegishli davlat organlari tomonidan amalga oshiriladi. Bunda:

respublika vazirliklari (idoralari)ga kelishish uchun yuborilayotgan shaharsozlik faoliyatining alohida tartibga solinadigan obyektlarini umumdavlat va mahalliy ahamiyatga molik obyektlar jumlasiga kiritish boʻyicha materiallar ikki oy muddatda koʻrib chiqiladi;

respublika vazirliklari (idoralari)ga, boshqa manfaatdor tashkilotlarga kelishish uchun yuborilayotgan umumdavlat va mahalliy ahamiyatga molik shaharsozlik faoliyatining alohida tartibga solinadigan obyektlari chegaralarini belgilash boʻyicha materiallar bir oy muddatda koʻrib chiqiladi.

5. Shaharsozlik faoliyati hududlari va obyektlarida, shuningdek, aholi punktlarida alohida tartibga solishni joriy etish muddatlari manfaatdor vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari taqdimnomasiga koʻra Oʻzbekiston Respublikasi davlat hokimiyati organlari tomonidan belgilanadi.

6. Alohida tartibga solish davrida obyektlar hududlarida shaharsozlik faoliyati maxsus shaharsozlik normalari va qoidalariga, shaharsozlik hujjatlarini ishlab chiqish va tasdiqlashning alohida tartibiga muvofiq hamda obyektlar qurilishiga maxsus ruxsatnomalar berish orqali amalga oshiriladi.

7. Tabiiy va texnogen tusdagi favqulodda vaziyatlar taʼsiriga uchragan hududlarda joylashgan shaharsozlik faoliyatining alohida tartibga solinadigan obyektlarini umumdavlat ahamiyatiga molik obyektlar jumlasiga kiritish Favqulodda vaziyatlar vazirligining manfaatdor vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari maʼlumotlariga asoslangan taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

8. Kimyoviy va (yoki) biologik moddalar, zararli mikroorganizmlar bilan yoʻl qoʻyiladigan cheklangan konsentratsiyalardan ortiqcha, radioaktiv moddalar bilan yoʻl qoʻyiladigan darajalardan ortiqcha ifloslangan hududlarda joylashgan shaharsozlik faoliyatining alohida tartibga solinadigan obyektlarini umumdavlat ahamiyatiga molik obyektlar jumlasiga kiritish Favqulodda vaziyatlar vazirligi hamda Davlat tabiatni muhofaza qilish qoʻmitasi taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

9. Qoʻriqlanadigan tabiiy hududlarda joylashgan shaharsozlik faoliyatining alohida tartibga solinadigan obyektlarini umumdavlat ahamiyatiga molik obyektlar jumlasiga kiritish manfaatdor vazirliklar va idoralar taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

10. Toshkent shahar hududini shaharsozlik faoliyatining alohida tartibga solinadigan umumdavlat ahamiyatiga molik obyektlar jumlasiga kiritish Qurilish vazirligi hamda Toshkent shahar hokimligi taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

11. Madaniy meros obyektlari davlat kadastriga belgilangan tartibda kiritilgan madaniy meros obyektlari mavjud boʻlgan shaharlar hududlarini shaharsozlik faoliyatining alohida tartibga solinadigan umumdavlat ahamiyatiga molik obyektlar jumlasiga kiritish Madaniyat vazirligi hamda Qurilish vazirligi taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

12. Kurort shaharlar hududlarini shaharsozlik faoliyatining alohida tartibga solinadigan umumdavlat ahamiyatiga molik obyektlar jumlasiga kiritish Sogʻliqni saqlash vazirligi, Oʻzbekiston kasaba uyushmalari Federatsiyasi Kengashi hamda Qurilish vazirligi taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

13. Qoʻriqxona shaharlar hududlarini shaharsozlik faoliyatining alohida tartibga solinadigan umumdavlat ahamiyatiga molik obyektlar jumlasiga kiritish Madaniyat vazirligi hamda Qurilish vazirligi taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

14. Hayot faoliyatining alohida rejimidagi aholi punktlari (harbiy shaharchalar, boshqa rejimli hududlar, davlat qoʻriqxonalaridagi va boshqa alohida qoʻriqlanadigan tabiiy hududlardagi aholi punktlari) hududlarini shaharsozlik faoliyatining alohida tartibga solinadigan umumdavlat ahamiyatiga molik obyektlar jumlasiga kiritish manfaatdor vazirliklar (idoralar) hamda Qurilish vazirligi taqdimnomasiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

15. Tabiiy va texnogen tusdagi favqulodda vaziyatlar taʼsiriga uchragan hududlarda joylashgan, shaharsozlik faoliyatining alohida tartibga solinadigan (umumdavlat ahamiyatiga molik obyektlar jumlasiga kiritilmagan) obyektlarini mahalliy ahamiyatga molik obyektlar jumlasiga kiritish Qoraqalpogʻiston Respublikasi, viloyatlar va Toshkent shahar hokimliklari taqdimnomasiga koʻra, Qurilish vazirligi bilan kelishgan holda Favqulodda vaziyatlar vazirligi tomonidan amalga oshiriladi.

16. Kimyoviy va (yoki) biologik moddalar, zararli mikroorganizmlar bilan yoʻl qoʻyiladigan cheklangan konsentratsiyalardan ortiqcha, radioaktiv moddalar bilan yoʻl qoʻyiladigan cheklangan darajalardan ortiqcha ifloslangan hududlarda joylashgan (umumdavlat ahamiyatiga molik obyektlar jumlasiga kiritilmagan) shaharsozlik faoliyatining alohida tartibga solinadigan obyektlarini mahalliy ahamiyatga molik obyektlar jumlasiga kiritish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari taqdimnomasiga koʻra hamda Qurilish vazirligi, Sogʻliqni saqlash vazirligi va Davlat tabiatni muhofaza qilish qoʻmitasi bilan kelishgan holda Favqulodda vaziyatlar vazirligi tomonidan amalga oshiriladi.

17. Qoʻriqlanadigan tabiiy hududlarda joylashgan shaharsozlik faoliyatining alohida tartibga solinadigan obyektlarini mahalliy ahamiyatga molik obyektlar jumlasiga kiritish Qurilish vazirligi, Davlat tabiatni muhofaza qilish qoʻmitasi hamda manfaatdor vazirliklar (idoralar) bilan kelishgan holda Qoraqalpogʻiston Respublikasi Vazirlar Kengashi, viloyatlar hokimliklari va Toshkent shahar hokimligi tomonidan amalga oshiriladi.

18. Nukus shahri hamda viloyatlarning maʼmuriy markazlari boʻlgan shaharlar hududlarini shaharsozlik faoliyatining alohida tartibga solinadigan, mahalliy ahamiyatga molik obyektlari jumlasiga kiritish Qoraqalpogʻiston Respublikasi Vazirlar Kengashi va viloyatlar hokimliklari taqdimnomasiga koʻra Qurilish vazirligi tomonidan amalga oshiriladi.

19. Madaniy meros obyektlari mavjud boʻlgan (umumdavlat ahamiyatiga molik obyektlar jumlasiga kiritilmagan) shaharlar hududlarini shaharsozlik faoliyatining alohida tartibga solinadigan, mahalliy ahamiyatga molik obyektlari jumlasiga kiritish Qoraqalpogʻiston Respublikasi Vazirlar Kengashi va viloyatlar hokimliklari taqdimnomasiga koʻra, Madaniyat vazirligi bilan kelishgan holda Qurilish vazirligi tomonidan amalga oshiriladi.

20. Hayot faoliyatining alohida rejimidagi aholi punktlari (harbiy shaharchalar, boshqa rejimli hududlar, davlat qoʻriqxonalaridagi va qoʻriqlanadigan boshqa tabiiy hududlardagi hamda umumdavlat ahamiyatiga molik obyektlar jumlasiga kiritilmagan aholi punktlari) hududlarini shaharsozlik faoliyatining alohida tartibga solinadigan, mahalliy ahamiyatga molik obyektlari jumlasiga kiritish Qurilish vazirligi hamda manfaatdor vazirliklar (idoralar) bilan kelishgan holda Qoraqalpogʻiston Respublikasi Vazirlar Kengashi va viloyatlar hokimliklari tomonidan amalga oshiriladi.

21. Tabiiy va texnogen tusdagi favqulodda vaziyatlar taʼsiriga uchragan hududlarda joylashgan shaharsozlik faoliyatining alohida tartibga solinadigan obyektlari chegaralari tasdiqlangan shaharsozlik hujjatlari va boshqa hujjatlar asosida:

umumdavlat ahamiyatiga molik obyektlar uchun — Qurilish vazirligi hamda Favqulodda vaziyatlar vazirligining manfaatdor vazirliklar (idoralar), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari maʼlumotlariga asoslangan taqdimnomasiga koʻra Oʻzbekiston Respublikasi Vazirlar Mahkamasi tomonidan;

mahalliy ahamiyatga molik obyektlar uchun — Qurilish vazirligi hamda Favqulodda vaziyatlar vazirligi bilan kelishgan holda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan belgilanadi.

22. Kimyoviy va (yoki) biologik moddalar, zararli mikroorganizmlar bilan yoʻl qoʻyiladigan cheklangan konsentratsiyadan ortiqcha, radioaktiv moddalar bilan yoʻl qoʻyiladigan cheklangan darajalardan ortiqcha ifloslangan hududlarda joylashgan shaharsozlik faoliyatining alohida tartibga solinadigan obyektlari chegaralari ixtisoslashtirilgan tashkilotlarning maʼlumotlari asosida:

umumdavlat ahamiyatiga molik obyektlar uchun — Qurilish vazirligi, Favqulodda vaziyatlar vazirligi, Sogʻliqni saqlash vazirligi va Davlat tabiatni muhofaza qilish qoʻmitasi taqdimnomasiga koʻra Oʻzbekiston Respublikasi Vazirlar Mahkamasi tomonidan;

mahalliy ahamiyatga molik obyektlar uchun — Qurilish vazirligi, Favqulodda vaziyatlar vazirligi, Sogʻliqni saqlash vazirligi va Davlat tabiatni muhofaza qilish qoʻmitasi bilan kelishgan holda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan belgilanadi.

23. Qoʻriqlanadigan tabiiy hududlarda joylashgan shaharsozlik faoliyatining alohida tartibga solinadigan obyektlari chegaralari tasdiqlangan shaharsozlik, yer tuzish hujjatlari va boshqa hujjatlar, ixtisoslashtirilgan tashkilotlar maʼlumotlari asosida:

umumdavlat ahamiyatiga molik obyektlar uchun — Qurilish vazirligi, Davlat tabiatni muhofaza qilish qoʻmitasi hamda manfaatdor vazirliklar (idoralar) taqdimnomasiga koʻra Oʻzbekiston Respublikasi Vazirlar Mahkamasi tomonidan;

mahalliy ahamiyatga molik obyektlar uchun — Qurilish vazirligi, Davlat tabiatni muhofaza qilish qoʻmitasi hamda manfaatdor vazirliklar (idoralar) bilan kelishgan holda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan belgilanadi.

24. Toshkent shahri, viloyatlarning maʼmuriy markazlari boʻlgan shaharlar, madaniy meros obyektlari mavjud boʻlgan shaharlar, kurort shaharlar, shuningdek, qoʻriqxona shaharlar chegaralari Oʻzbekiston Respublikasi Vazirlar Mahkamasi taklifiga koʻra, Toshkent shahri va tegishli viloyatlar hokimlarining iltimosnomalari asosida Oliy Majlis tomonidan belgilanadi.

25. Nukus shahri chegaralari Qoraqalpogʻiston Respublikasi Hukumati taklifiga koʻra, shahar hokimining iltimosnomasi asosida Joʻqorgʻi Kenges tomonidan belgilanadi.

26. Hayot faoliyatining alohida rejimidagi aholi punktlari (harbiy shaharchalar, boshqa rejimli hududlar, davlat qoʻriqxonalaridagi va qoʻriqlanadigan boshqa tabiiy hududlardagi aholi punktlari) hududlari chegaralari tasdiqlangan shaharsozlik hujjatlari yoki boshqa hujjatlar asosida:

umumdavlat ahamiyatiga molik obyektlar uchun — Qurilish vazirligi, manfaatdor vazirliklar (idoralar) taqdimnomasiga koʻra Oʻzbekiston Respublikasi Vazirlar Mahkamasi tomonidan;

mahalliy ahamiyatga molik obyektlar uchun — Qurilish vazirligi hamda manfaatdor vazirliklar (idoralar) bilan kelishgan holda Qoraqalpogʻiston Respublikasi Vazirlar Kengashi, viloyatlar hokimliklari tomonidan belgilanadi.