Oʻzbekiston Respublikasining “Xavfli ishlab chiqarish obyektlarining sanoat xavfsizligi toʻgʻrisida” 2006-yil 28-sentabrdagi OʻRQ-57-son Qonuniga muvofiq Vazirlar Mahkamasi qaror qiladi:

Vazirlar Mahkamasining “Ayrim davlat kadastrlarini yuritish tartibi toʻgʻrisidagi nizomlarni tasdiqlash haqida” 2005-yil 30-iyundagi 152-son qarori (Oʻzbekiston Respublikasi QT, 2005-y., 6-7-son, 33-modda) bilan tasdiqlangan Texnogen xavf yuqori boʻlgan zonalar davlat kadastrini yuritish tartibi toʻgʻrisidagi nizomga ilovaga muvofiq oʻzgartirishlar kiritilsin.

1. 5-band quyidagi tahrirda bayon qilinsin:

“5. Oʻzbekiston Respublikasining “Xavfli ishlab chiqarish obyektlarining sanoat xavfsizligi toʻgʻrisida”gi Qonuniga muvofiq belgilangan xavfli ishlab chiqarish obyektlarida roʻy berishi mumkin boʻlgan texnogen hodisalar (yongʻinlar, portlashlar, xavfli zararli moddalarni tashqariga chiqarish, binolar, inshootlar, texnik qurilmalar va shu kabilar) zonalari hamda:

a) radioaktiv moddalar va materiallar ishlab chiqariladigan, ulardan foydalaniladigan, ular qayta ishlanadigan, hosil boʻladigan, saqlanadigan, tashiladigan, yoʻq qilib tashlanadigan obyektlar;

b) barcha turdagi sanoat elektr qurilmalari qoʻllanadigan obyektlar;

v) gidrotexnika inshootlaridan, shu jumladan yirik korxonalar chiqindixonalari va tindirgichlaridan foydalaniladigan obyektlar;

g) ionli nurlanishlar manbalaridan foydalaniladigan obyektlar;

d) favqulodda vaziyatlarga (suv, gaz, issiqlik va elektr energiyasi taʼminotining toʻxtab qolishiga, uy-joy massivlarini suv bosishiga, kanalizatsiya va suvni tozalash tizimlarining ishdan chiqishiga) olib keluvchi buzilishlar (zararlanishlar) sodir boʻlishi mumkin boʻlgan obyektlar TXYuZDK obyektlari hisoblanadi”.

2. 6-bandning ikkinchi xatboshidagi, 12-bandning birinchi xatboshidagi, 26 va 28-bandlardagi, shuningdek Nizomga ilovadagi “xavfli ishlab chiqarish obyektlaridan” va “xavfli ishlab chiqarish obyektlari” soʻzlari tegishli ravishda “obyektlardan” va “obyektlar” soʻzlari bilan almashtirilsin.

3. 12-bandning ikkinchi xatboshidagi, 20-bandning ikkinchi xatboshidagi, 21-bandning sakkizinchi xatboshidagi, 22-bandning toʻrtinchi xatboshidagi, 26-banddagi “xavfli ishlab chiqarish obyektlarini”, “xavfli ishlab chiqarish obyektlarining”, “xavfli ishlab chiqarish obyektlaridagi”, “xavfli ishlab chiqarish obyektlari” soʻzlari tegishli ravishda “obyektlarni”, “obyektlarning”, “obyektlardagi”, “obyektlar” soʻzlari bilan almashtirilsin.

4. 21-bandning toʻrtinchi, beshinchi va oltinchi xatboshidagi, 22-bandning ikkinchi va uchinchi xatboshidagi “xavfli ishlab chiqarish obyektining”, “xavfli ishlab chiqarish obyektini” soʻzlari tegishli ravishda “obyektning”, “obyektni” soʻzlari bilan almashtirilsin.