Oʻzbekiston Respublikasi Prezidentining “2006–2008-yillarda davlat tasarrufidan chiqarish va xususiylashtirish jarayonlarini chuqurlashtirish toʻgʻrisida” 2006-yil 10-iyuldagi PQ-407-son qarorini bajarish yuzasidan Vazirlar Mahkamasi qaror qiladi:

1. Davlat mulkini xorijiy investorlarga sotish boʻyicha tender savdolari oʻtkazuvchi Davlat komissiyasining “Kvars” aksiyadorlik jamiyatining boshlangʻich 53 foizli aksiyalar paketining sotish bahosini tasdiqlash va uni xorijiy investor – “Carlton Group LLC” (AQSH) kompaniyasiga sotish toʻgʻrisidagi qaroriga rozilik berilsin.

2. Quyidagilar:

Davlat mulkini xorijiy investorlarga sotish boʻyicha tender savdolari oʻtkazuvchi Davlat komissiyasi tomonidan 53 foiz aksiyalar uchun sotib olish toʻlovi 4,4 mln AQSH dollari miqdorida belgilanganligi;

xorijiy investor tomonidan “Kvars” aksiyadorlik jamiyati davlat aksiyalari paketining oldi-sotdi shartnomasi kuchga kirgan vaqtdan boshlab bir yil mobaynida sotib olish toʻlovi, besh yil mobaynida teng ulushlarda 2,5 mln AQSH dollari miqdorida investitsiyalarni amalga oshirish boʻyicha majburiyatlar qabul qilganligi maʼlumot uchun qabul qilinsin.

3. Belgilab qoʻyilsinki, “Carlton Group LLC” (AQSH) kompaniyasi tomonidan sotib olingan “Kvars” aksiyadorlik jamiyatining 53 foiz aksiyalari Kvars” aksiyadorlik jamiyati davlat aksiyalari paketining oldi-sotdi shartnomasida belgilangan tartibda sotib olish toʻlovi toʻlangan va investitsiya majburiyatlari bajarilgandan keyingina uning mulkiga oʻtadi.

Oʻzbekiston Respublikasi Davlat mulki qoʻmitasi ikki hafta muddatda xorijiy investor tomonidan koʻrsatib oʻtilgan shartlar va qabul qilingan majburiyatlar bajarilishini taʼminlaydigan javobgarlik chora-tadbirlari boʻlgan Kvars” aksiyadorlik jamiyati davlat aksiyalari paketining oldi-sotdi shartnomasini imzolasin.

5. Oʻzbekiston Respublikasi Tashqi iqtisodiy faoliyat milliy banki:

“Kvars” aksiyadorlik jamiyati hamda “Oʻzqurilishmateriallari” aksiyadorlik kompaniyasi bilan birgalikda bir oy muddatda “Carlton Group LLC” (AQSH) kompaniyasi bilan 2000-yil 29-martdagi kredit shartnomasiga “Kvars” aksiyadorlik jamiyatining Tashqi iqtisodiy faoliyat milliy banki tomonidan qayta moliyalashtirilgan xorijiy kreditni qoplash yuzasidan majburiyatlari boʻyicha “Carlton Group LLC” (AQSH) kompaniyasining umumiy qarzdor sifatidagi majburiyatlarini nazarda tutuvchi qoʻshimcha bitim tuzsin;

ushbu kredit boʻyicha muddati oʻtib ketgan qarzdorlikning qolgan qismi tarkibini 2012-yil 1-yanvargacha boʻlgan muddatga oʻzgartirsin.

6. Oʻzbekiston Respublikasi Moliya vazirligi Tashqi iqtisodiy faoliyat milliy banki hamda “Kvars” aksiyadorlik jamiyati oʻrtasida tuzilgan kredit shartnomasiga qoʻshimcha bitimga, unga qoʻshimchalar va oʻzgartirishlarni hisobga olgan holda, ilgari berilgan Oʻzbekiston Respublikasi kafolatining amal qilishini joriy etsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.