Oʻzbekiston Respublikasi Prezidentining 2006-yil 12-oktabrdagi PF-3808-sonli “2006-yilning 1-noyabridan boshlab ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida”gi Farmoni ijrosini taʼminlash maqsadida qaror qilamiz:

1. Oʻzbekiston Respublikasi Prezidentining 2006-yil 12-oktabrdagi PF–3808-sonli “2006-yilning 1-noyabridan boshlab ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida”gi Farmoni boʻyicha pensiyalarni qayta hisoblash tartibi toʻgʻrisidagi yoʻriqnoma ilovaga* muvofiq tasdiqlansin.

2. Mehnat va aholini ijtimoiy muhofaza qilish vazirligi va Moliya vazirligining 2006-yil 15-iyundagi 117 va 55 sonli, “Oʻzbekiston Respublikasi Prezidentining 2006-yil 9-iyundagi PF-3761-sonli “2006-yilning 1-iyulidan boshlab ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida”gi Farmoni boʻyicha pensiyalarni qayta hisoblash tartibi toʻgʻrisidagi yoʻriqnomani tasdiqlash haqida qaror (2006-yil 19-iyun, roʻyxat raqami 1585 — Oʻzbekiston Respublikasining Qonun hujjatlari toʻplami, 2006-yil, 25-26-son, 240-modda) 2006-yil 1-noyabrdan oʻz kuchini yoʻqotgan deb hisoblansin.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan sanadan boshlab 10 kundan keyin kuchga kiritilsin.