Qarorga ko‘ra, quyidagilar asosiy maqsadlar etib belgilandi:
2027/2028 o‘quv yiliga qadar jazoni ijro etish muassasalarida 310 ta o‘quv va 420 ta amaliy mashg‘ulotlar xonasini tashkil etish;
2030 yilga qadar mehnat bozoriga mos kamida 50 ta kasb bo‘yicha o‘quv dasturlarini joriy etish;
har yili kamida 15–20 ming nafar mahkumni talab yuqori bo‘lgan kasblarga o‘qitish;
mahkumlarni kasbga o‘qitish orqali takroriy jinoyatchilik darajasini 30 foizga qisqartirish.
“Yangi hayot” dasturi doirasida 2027/2028 o‘quv yilidan boshlab :
mahkumlarga oliy taʼlim tashkilotlariga kirish va masofaviy taʼlim shaklida to‘lov-kontrakt asosida o‘qish imkoni yaratiladi;
o‘qishga qabul qilingan mahkumlar masofaviy taʼlim shaklida o‘qishi uchun koloniyalarda videokonferensaloqa vositalari bilan jihozlangan xonalar ajratiladi.
Shuningdek:
yosh mahkumlar orasidan saylov yo‘li bilan yoshlar faollari tanlanadi va har chorakda BHMning uch baravari miqdorida rag‘batlantiriladi;
barcha koloniyalardagi mahkumlar o‘rtasida masofaviy shaklda “Yosh kitobxon” tanlovi tashkil etiladi;
koloniyalar kutubxonalarida “Mutolaa” platformasidan foydalanish imkoniyati yaratiladi.