Ushbu Nizom kasbiy taʼlim tashkilotlari direktorlari va direktor o‘rinbosarlarini menejerlik o‘quv kurslarida o‘qitish va ularga menejerlik sertifikatini berish tartibini belgilaydi.
 
Texnikumlarda faoliyat yuritayotgan direktorlar va direktor o‘rinbosarlari ushbu Nizom talablariga muvofiq menejerlik sertifikatini oladilar.
 
Menejerlik o‘quv kursini muvaffaqiyatli yakunlaganlarga davlat namunasidagi menejerlik sertifikati elektron raqamli imzo bilan tasdiqlangan hamda QR-kod qo‘yilgan holda elektron shaklda beriladi.
 
Direktorlar va o‘rinbosarlar maxsus portal orqali ro‘yxatdan o‘tadi hamda o‘quv kursida o‘qish uchun ariza topshiradi.
 
Ilmiy daraja yoki ilmiy unvonga ega bo‘lgan direktorlar va o‘rinbosarlar uchun sertifikat ularning arizasiga asosan to‘g‘ridan-to‘g‘ri 3 yil muddatga beriladi.
 
Yakuniy sinovda ijobiy natijaga erishgan tinglovchiga yakuniy sinov natijalari eʼlon qilingan kundan boshlab 1 hafta ichida o‘quv tashkiloti rahbarining buyrug‘i asosida sertifikat beriladi.